KELUARAN 10:4 - Susula Malalaok Hehelu Palak Ma Hehelu Beuk

⁴ Metema o beita nau boen fa soona, balahaa te, neukose Au fe lamak-ka mai leo o nusam-ma mai.

KELUARAN 10:4 ပူးပေါင်းရင်းမြစ်များ

KELUARAN 10:3

Boema, Musa no Harun leu leo manek-ka leu, de lafa'dan lae, “Leoina Ibrani-la Manetualain fo nde Manetualain-na, nafa'da nae, ‘O ta nau makatele neu Au fa, losa faihi'da? Po'i Au anang-ngala la'o, fo ela ala sene-do'ok neu Au.

KELUARAN 10:5

Lamak makadotok sila-la, neukose ala poti ketu daebafak-ka, nalosa hataholi-a ta hapu nita dae-a fa. Neukose lamak sila-la, la'a heni bei ela bubu'u-palusa-la, ma basa ai fo u'da eis-sa ta taonisa fas-sala.

KELUARAN 4:23

de Au paleta basa o so, de po'i Au anang sila fo ala la'o, fo ela ala sene-do'ok neu Au, tehu o ta sipok fa. Besak ia, neukose Au taoissa o ana ulum-ma.’ ”

KELUARAN 5:1

Basa boema, Musa no Harun leu leo manek Masir-ra leu, de lafa'dan lae, “Manetualain, fo Israel Manetualain-na, Ana fe paleta nae leo ia, ‘Po'i Au leoinang-nga, fo ela leu sene-do'ok neu Au nai mook solokaek-ka.’ ”

KELUARAN 8:10

Manek ndia nataa nae, “Balahaa soona, hule-haladoi fe au.” Musa nae, “Neukose au tao atetu au Ama Maneng-nga nonoken-na. Soona neukose, au Ama Maneng-nga bubuluk, nae ta hapu Manetualain fe'ek, sama leo Manetualain, fo ami Manetualaim-ma.

KELUARAN 8:23

Neukose Au ta'da fe'e Au anang-ngala loo o laum-mala. Balahaa soona, neukose manada'di beuk ndia ana da'di.’ ”

KELUARAN 9:18

Balahaa fafaik, nai li'u sama leo ia boe, neukose Au fe u'da eis matuaina mai, sama leo ana beita da'di nita nai Masir, neme makahulun eli losa besak ia fa.

KELUARAN 9:5

Au, fo Manetualain aketu basa, balahaa soona, Au tao dede'ak ndia.’ ”

AMSAL 30:27

Lamak-ka, bana esa ta nanuu manek fa, tehu ala la'ok lakadadalak, no malole.

YOEL 2:25

Neukose Au nggati basa emi hata manamopom lala'en-na nai teu-teuk, fo lelek lamak-kala la'a heni emi keketu-kokolum buna-boan. Nana, Au nde haitua lamak bubua matuaina sila-la leo emi neu.

ULANGAN 28:38

Emi sele-nggali bini-ngges makadotok, tehu emi buna-boak ka'da faa anak, nanahu lamak-ka, na'aheni emi bubu'u-palusam.

NINITAK 9:3

Boema lama kala kalua leme ha'imasuk ndia dalek mai de ala kona leo daebafa ka mai. Ala fe lamak sila la koasa sama na leo ala fen neu kula ka.