KELUARAN 10:23 - Susula Malalaok Hehelu Palak Ma Hehelu Beuk

²³ Hataholi Masir-ra, ta hapu lita hata-hata fa, de nai fai ka teluk sila-la dalek, ta hapu hataholi esa boen, neu leo su'di bee neu fa. Tehu, nai hataholi Israel-la uman-nala soona, mangale'dok nahele.

KELUARAN 10:23 ပူးပေါင်းရင်းမြစ်များ

KELUARAN 14:20

nai solda'du Masir-ra ma solda'du Israel-la tala'da. Ko'as ndia, neni makahatuk, nalosa le'odae katemak esa, solda'du bubua ka duak sila-la, esa ta hapu deka no esa fa.

KELUARAN 7:25

Seli faik hitu so, Manetualain soo-supa Lee Nil-la.

KELUARAN 8:18

Basa malela siula-tongonok-kala, ala sanga enok lenik sila malelan-nala, fo lakadada'dik nenik boe, tehu ta da'di fa. Nenik-kala nai basa mamanak lala'en-na,

KELUARAN 8:19

nalosa basa malela siula-tongonok sila-la, lafa'da manek-ka lae, “Manetualain nde tao ia.” Tehu, manek ndia nalanga batu nahele, de sama leo hata fo Manetualain, nafa'dan nae, manek ndia, ta nau taoafik neu Musa no Harun hala-kokolan fa.

KELUARAN 8:22

Tehu neukose Au ta'da fe'e nusa Gosyen-na, fo Au anang-ngala mamana leleon-na. Neukose ta hapu pena nai naa fa, fo ela emi bubuluk, mae Au, fo Manetualain nde manatao manada'dik ndia.

KELUARAN 9:26

U'da eis-sa, ta tuni la'e ka'da nusa Gosyen-na, fo hataholi Israel-la mamana leleon-na fa.

KELUARAN 9:4

Neukose, Au ta'da fe'e hataholi Israel-la bana-manun, neme hataholi Masir-ra bana-manun mai. Neukose, hataholi Israel-la bana-manun, ta mate esa boen.

YESAYA 42:16

Neukose Au hela-nole Au leoinang pokek-kala tunga enok fo, ala ta bubuluk-kana fa; Neukose Au hela-noles lai enok fo, ta lalelak-kana fa. Au tao-a makahatuk-ka, da'di mangale'dok ba'eneus, ma Au tao atetu eno manapeko-pakik-kala. Ndia nde, neukose Au taon ba'eneus, de tao leo bee-o, neukose Au tao atetun.

AMOS 4:7

Au kena-ka'i u'dan-na nai lelek emi bubu'a-palusam-mala paluu oe. Au akona u'dan leo kota esa neu, tehu kota fe'ek-kala ta. Tina esa hapu u'dan, tehu tina fe'ek-kala lamatuu.

MALEAKHI 3:18

Neukose Au anang-ngala, lita seluk hataholi malole, ma hataholi mangalauk, hataholi manasene-do'ok, ma manasene-do'ok tak-ka, so'dan-nala ta sama fa.”

KOLOSE 1:13

Ana soi nala ita teme koasa makahatu ka mai, boema no ita leo Manetualain Ana susue na, nusan dale neu.

YOSUA 24:7

boema laloo bou-bou neu Au loke tutulu-fafalik. Boema mamanak manai sila loo hataholi Masir-ra tala'da ndia, Au tao-an da'di makahatuk, ma Au akadofu ketu hataholi Masir sila-la nenik tasi oe, losa basa-basas bolo. Emi bubuluk, basa hata fo Au taon soaneu Masir so. Emi leo meme moo solokaek-ka, doon-na seli.

1 PETRUS 2:9

Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.