KELUARAN 10:17 - Susula Malalaok Hehelu Palak Ma Hehelu Beuk

¹⁷ Soaneu oek ia soona, fe do'o do ampon neu au sala-singong, ma hule-haladoi neu Manetualain, fo emi Manetualaim-ma, fo ela Ana ho'in-na huhuku-dodokik maneni mamates ia, neme au mai.”

KELUARAN 10:17 ပူးပေါင်းရင်းမြစ်များ

1RAJA-RAJA 13:6

Boema Yerobeam nafa'da nabi ndia nae, “Suen-na hule-haladoi neu o Manetualain soaneu au. Moke susue-lalain leona, fo nakahahaik au limang-nga!” Nabi ndia hule-haladoi neu Manetualain, boema manek-ka liman-na hai.

2RAJA-RAJA 4:40

Namatasa boema, ana baba'en neu nabi sila-la. Tehu la'a nggela fuik ndia tutika, ala nggasi ma lae, “Ama, laso ia!” Boema ala ta nau la'a so'on.

KELUARAN 8:28

Boema manek-ka nafa'da nae, “Hei, au po'i emi meu leo mook solokaek-ka meu, fo tunu-hotu tutunu-hohotuk soaneu Manetualain, fo emi Manetualaim-ma, sa'di boso meu leo dook-ka meu. Mafandendelek, fo hule-haladoi fe au!”

KELUARAN 8:4

Lo'donggelek sila-la, neukose lakaboku fo lakalala'ba o, basa manapaleta-la, ma laun-nala.’ ”

KELUARAN 8:8

Boema, manek-ka naloo Musa no Harun, de nafa'das nae, “Hule-haladoi neu Manetualain, fo ela Ana tao namopo lo'donggelek ia-la soona, neukose au po'i o leoinam-ma la'o, fo leu tunu-hotu tutunu-hohotuk soaneu Manetualain.”

KELUARAN 9:27

Boema, manek-ka naloo Musa no Harun, de nfa'da nae, “Au asala-asingo so. Manetualain nde ndoos-sa, te au ma au laung-ngala, tao salak so.

KELUARAN 9:28

Hule-haladoi neu Manetualain leona; ami doi-dosom-ma dai so, nanahu mangguluk ma u'da eis ia. Neukose, au po'i emi la'o. Emi boso boe leo meme ia bai.”

YESAYA 26:16

O huku basa ami so, nai ami makase'em-ma dalek, ami fali leo O mai, ma hule-haladoi neu O, Manetualain.

BILANGAN 21:7

Boema leoina ndia neu leo Musa neu, de nafa'da nae, “Ami masala-masingo basa so, nanahu ami bemumu moo Manetualain ma o boe. Hule-haladoi neu Manetualain, fo ela nadenu menge ia-la, dook-ka leme ami mai.” Boema Musa hule-haladoi fe leoina ndia.

HATAHOLI 8:24

Boema Simon nafa'da Petrus no Yohanis nae, “Sue na moke Lamatua ka, fo emi mafa'da basa dede'ak sila la, esa boeo ana boso da'di neu au.”

ROMA 15:30

No ita Lamatuan Yesus Kristus na'de na, ma no Manetualain Dula Dale na fe susue-lalai ka, au oke anseli neu emi, ela leo bee na emi hule-haladoi te'e-te'e sama-sama mo au neu Manetualai soaneu au.

2 KORINTUS 1:10

Ndia nde soi-tefa nala ami neme susa-soe mamates matuaina ndia mai. Ma mahani te neukose Ndia boeo nde neukose soi tefa nala ami nai fai makabuin, nana ami tao ami namahehena ma neu ka'da Ndia mesa kana.

SEMUEL SUSULAK-KA ESAN-NA 15:25

Tehu besak ia, au dokodoe neu Ama, fo fe do'o do ampon neu au sala-singong, ma fali sama-sama moo au leo Gilgal teu, fo daenga au hapu sene-do'ok neu Manetualain.”