KELUARAN 10:15 - Susula Malalaok Hehelu Palak Ma Hehelu Beuk

¹⁵ Lamak-kala poti ketu dae bafan-na, nalosa meten soona nggeok. La'a heni basa u'da eis-sa taonisa ela bubu'u-palusa manai dae lain lala'en-na, ma basa ai boak manai ai-la lain. Nai basa dae Masir-ra lala'en-na, ta ela hata momo'dok esa boen, nai ai-la do bubu'u-palusa-la fa.

KELUARAN 10:15 ပူးပေါင်းရင်းမြစ်များ

MAZMUR 78:46

Ana fe ulek-kala ma lamak-kala, la'a heni sila daen-na buna-boan ma tinan-nala buna-boan.

KELUARAN 10:12

Boema Manetualain nafa'da Musa nae, “Leleuk o limam-ma leo dae Masir-ra lain neu. Neukose, lamak-kala mai, fo la'a heni basa bubu'u-palusa fo u'da eis-sa ta taonisa fas-sala.”

KELUARAN 10:5

Lamak makadotok sila-la, neukose ala poti ketu daebafak-ka, nalosa hataholi-a ta hapu nita dae-a fa. Neukose lamak sila-la, la'a heni bei ela bubu'u-palusa-la, ma basa ai fo u'da eis-sa ta taonisa fas-sala.

AMSAL 30:27

Lamak-ka, bana esa ta nanuu manek fa, tehu ala la'ok lakadadalak, no malole.

YOEL 1:4

Lama bubuak fo ta leke-nala dede'un-na fa, ala tai lai tina-la, fo la'a heni buna-boan. Lama bubuak ia na'a ela beek soona, lama bubua fe'ek-kala la'a heni seluk-kasa.

YOEL 2:25

Neukose Au nggati basa emi hata manamopom lala'en-na nai teu-teuk, fo lelek lamak-kala la'a heni emi keketu-kokolum buna-boan. Nana, Au nde haitua lamak bubua matuaina sila-la leo emi neu.

AMOS 7:2

Lamak sila hii-hii nae la'a basa na'u-aiana manai dae lain-na. Boema au afa'da ae, “Manetualain Fo Mademaina, fe do'o do ampon neu O anam-mala! Sila kome'doana nanseli, ma tapandoes-sala, de tao leo bee fo bisa lakatatakak?”

BILANGAN 22:5

nadenu hataholi neu naloo Bileam, fo Beor anan-na, ana leo nai kota Petor-ra, deka no Lee Efrat-ta, nai nusa Amau. Nadenus fo landuku-lalosak Balak hala hehelun-na nde ia neu Bileam nae, “Fo ela o bubuluk leon te, leoina esa, ana mai neme Masir mai; hataholin-nala lakapepela su'di leo bee leu, de laheheleaon fo sapu-la ami nusam-ma.