KELUARAN 1:7 - Susula Malalaok Hehelu Palak Ma Hehelu Beuk

⁷ Tehu sila tititi-nonosin fo nde hataholi Israel-la, bongi upu-anak makadotok, de lamade'u no lai-laik nanseli, nalosa ala tao lahenu nusa Masir-ra.

KELUARAN 1:7 ပူးပေါင်းရင်းမြစ်များ

KEJADIAN 1:20

Basa boema, Manetualain kokolak nae, “Ela leo been-na, mahahae maso'dak makadotok lakalalapa lai oe dale, ma manupui makadotok bee-laa lai lalai.”

KEJADIAN 1:28

Basa boema, Ana fes baba'e-papalak, nenik hala-kokolak nae, “Bongi-ma, upu-anak makadotok, fo ela o tititi-nonosim leo lahenu daebafak-ka lala'en-na, boema, ala koasa daebafak-ka. Au fe emi bela-ba'uk, fo ito-ato i'ak-kala, manupui-la, ma basa bana fuik-kala.

KEJADIAN 12:2

Neukose, Au fe o tititi-nonosik makadotok, fo neukose, ala da'di leoina matuaina. Neukose, Au ba'e-pala o, ma Au fe o na'dem-ma nanakoa-nanakiok, nalosa neukose, o da'di baba'e-papalak.

KEJADIAN 13:16

Neukose, Au fe o tititi-nonosik makadotok nanseli, nalosa ta hapu hataholi esa boen, hapu leke-nala fas. Sama leo hataholi-a, ta hapu leke-nala daesopuk manai dae-a fa, leondiak boe, o tititi-nonosim, neukose ta hapu leke-nala fas.

KEJADIAN 15:5

Manetualain no Abram leo deak leu, boema nafa'dan nae, “Mete leo lalai neu, fo so'ba leke nduuk-kala; neukose o hapu tititi-nonosik de'u nduuk sila-la.”

KEJADIAN 17:16

Neukose, Au ba'e-palan, ma neukose, ana bongin-na ni'iana touanak esa, fo Au fen neu o. Neukose, Au ba'e-pala Sara, ma neukose ana da'di ina kai, neu leoina-la. Neukose hapu manek-kala, nai tititi-nonosin-nala dalek.”

KEJADIAN 22:17

Neukose, Au ba'e-pala o nenik baba'e-papalak manasasi kao-kaok-ka, ma Au fe o tititi-nonosim de'u nduuk manai lalai-a, ma solokaek manai tasi su'un-na. Neukose, o upu-anam sengi musun-nala.

KEJADIAN 26:22

Basa boema ana lali neme ndia mai, de ana kali oedolu ka telu-a. Oek ia, nale'ak ta. Hu ndia de, Isak foi oedolu ndia na'de “Ao loak.” Nafa'da nae, “Besak ia, Manetualain fe basa ita ao loak soaneu leo nai nusak ia so, de neukose ita taua-tanale nai ia.”

KEJADIAN 26:4

Neukose Au fe upu anak dede'un-na leo nduuk manai lalai-a, ma neukose Au fes nusak ia lala'en-na. Basa leoina manai daebafak-ka, ala dokodoe neu Au fo ela Au fes baba'e-papalak sama leo Au ba'e-pala basa o tititi-nonosim so.

KEJADIAN 28:14

Neukose o tititi-nonosim, de'u afu manai daebafak-ka. Neukose, ala tao lamaloa sila nusan-na, leo boboak lala'en-na neu, ma neukose Au ba'e-pala basa leoina manai daebafak-ka.

KEJADIAN 35:11

Boema Manetualain boeo nafa'da nae, “Au nde Manetualain Fo Manakoasa. Ela leo been-na o bongi upu-anak makadotok! Neukose o bongi leoinak-kala ma o da'di mane-manek-kala ama kain.

KEJADIAN 46:3

Manetualain nae, “Au Manetualain, Manetualain fo o amam sene-do'ok-ka. Boso bii soaneu muu leo Masir muu. Neukose Au tao o tititi-nonosim da'di leoina matuaina nai naa.

KEJADIAN 47:27

Hataholi Israel-la leo lahele nai Masir, fo nai nusak Gosyen-na, tutuin-na leondiak. Ala da'di kamasu'ik-kala, ma ala bongi upu-anak makadotok nai ndia.

KEJADIAN 48:16

Ndia nde ata nusa so'dak fo ana se'i-po'i au eme soe lala'en-na mai so. Sa'di leo been-na Manetualain ndia, ba'e-pala ni'iana ia-la. Sa'di leo been-na, au ma Abraham ma Isak na'dem mala nanakoa-nanakiok, hu kande n'iana ia-la! Sa'di leo been-na, ala bongi upu anak, ma tititi-nonosin makadotok nai daebafak-ka.”

KEJADIAN 48:4

Ana nafa'da au nae, “Neukose Au fe o upu-anak makadotok, fo ela o tititi-nonosim da'di leoina ba'uk ka; neukose Au fe nusak ia neu o tititi-nonosim da'di leo sila pusakan losa dodoon-na.”

KEJADIAN 9:1

Manetualain ba'e-pala Noh no anan-nala, boema nae, “Bongi upu-anak makadotok, fo ela emi tititi-nonosim, leo lahenu daebafak-ka lala'en-na.

NEHEMIA 9:23

O makadada'dik tititi-nonosin-nala de'u nduuk manai lalai-a. O fes dae fo ala leo, dae fo O helu basan neu bei-ba'i kain so.

MAZMUR 105:24

Manetualain tao-na anan-nala, boetai lamaba'u, nalosa be'i-balakain-nala lena heni musu noon-nala.

MAZMUR 107:38

Manetualain ba'e-bati fes, anak makadotok, ma bana-manun-nala, boetai lamade'u.

KELUARAN 1:12

Tehu hataholi Masir-rala boetai tuni-ndeni hataholi Israel-la, ala boetai lamade'u-lamaba'u, ma ala boetai tapasasala leo basa nusak ndia lala'en-na neu, nalosa hataholi Masir-rala bii-lamata'u neus.

KELUARAN 12:37

Hataholi Israel-la la'o, de ala la'o eik leme kota Raamses-sa leo kota Sukot-ta leu. Dede'un-nala, hataholi 600.000 ta leke inak-kala, ma ni'iana-la fa.

KELUARAN 5:5

Hataholi sila-la dede'un-na makadotok nanseli so. Besak ia emi nau, fo ela ala hahae ue-le'dis-sa!”

YESKIAL 16:7

Au ho'i oe, de au safeheni daak manai o aom-ma. Au ahutu o mina, nenik mina setun. Au akaboboi o, losa o mamatua, sama leo bubu'u-palusa, fo ana moli no malole. O mamatua, ma o ta mamahe'di-mapalau fa, boema o da'di anafe'oanak. O su'um-ma, mulai lamatua, ma o langadoom-ma namanalu, tehu o makahola-la. Lelek Au la'ok tunga ndia seluk te, Au ita o faim-ma losa, soaneu o leo-la'ok moo tou-ta'eanak so. Au alu'e Au ba'du manalung-nga neu o ao makaholam-ma, ma Au aheluk, Au fe Au susue-lalai ina-anafe'ong-nga neu o. Au tao hehelu-balataak o o, fo no enok ndia, o da'di Au nuung. Au, Manetualain Fo Mademaina, nde manakokolak-ka.

HATAHOLI 13:17

Leoina Israe la Manetualai na hele basa ita bei ba'ikai nala, fo Ana tao leoina ia da'dineu leoina matuaina nai lelek ala bei leo leme Masir, da'dileo hataholi manamai. Basa boema, no Manetualain koasa matuaina na de Ana kaluahenis leme Masir mai.

ULANGAN 10:22

Lelek fo, emi bei-ba'i kaim-mala leu leo Masir leu-a, sila dede'un-na, ka'da hataholi teluhulu. Tehu besak ia, emi Manetualaim-ma, taon-na emi dede'um-ma, de'u nduuk manai lalai-a.”

ULANGAN 26:5

Basa soona, o muse kokolak dede'ak ia-la, nai emi Manetualaim-ma matan-na mae, ‘Ou Manetualain, au bei ba'i kaing-ngala nde been-na, hataholi Aram fo, manamaleu-malaak-kala. Ana no teidalen-nala, leu leo nai Masir, da'di leo hataholi manamai. Lelek, fo ala leo naa leu-a, ka'da sila hataholi de'ubee, tehu ala da'di leoina matuaina, ma mabe'i-balakaik.