KELUARAN 1:20 - Susula Malalaok Hehelu Palak Ma Hehelu Beuk

^20-21 Boema Manetualain ba'e-pala ina ka duak fo lakabobongik inak sila, ma Ana fes tititi-nonosik, nanahu ala fe ha'da-holomata neu Manetualain. Ma hataholi Israel-la boeo, boetai lamade'u ma mabe'i-balakaik.

KELUARAN 1:20 ပူးပေါင်းရင်းမြစ်များ

MAZMUR 103:11

Tehu, sama leo lalai-a dedeman-na nai daebafak-ka lain, susue-lalain dema-ba'u ndia, ba'eneu hataholi kamahehelek-ka.

MAZMUR 111:5

Ana fe hataholi kamahehelek-ka, nana'a-nininuk ma nafandele tataas esa, neu hehelu-balataan.

MAZMUR 145:19

Ana tao namahoko hataholi kamahehelek-kala dalen-na; Namanene sila hala naloloon-na, de Ana soi-tefa-nalas.

MAZMUR 61:5

Nemen-na fo nai au fai maso'dang-nga dalek, au leo nai O lalaa temam-ma, fo ela nee-nee lino-linok nai O li'da kapam dale.

MAZMUR 85:9

Au nau amanene Amak Manetualain dede'a-kokolan; Ana helu fe ita fo anan-nala, tetu-temak, sa'di ita boso boe, tao seluk sala-singok bai.

KELUARAN 1:12

Tehu hataholi Masir-rala boetai tuni-ndeni hataholi Israel-la, ala boetai lamade'u-lamaba'u, ma ala boetai tapasasala leo basa nusak ndia lala'en-na neu, nalosa hataholi Masir-rala bii-lamata'u neus.

KELUARAN 1:19

Boema lataa lae, “Inak Ibrani-la ta sama leo inak Masir-rala fa. Ala ta bongi lakalele'ok fa. Hataholi manamakabobongik-ka beita mai fa te, ala bongi-la so.”

KELUARAN 1:7

Tehu sila tititi-nonosin fo nde hataholi Israel-la, bongi upu-anak makadotok, de lamade'u no lai-laik nanseli, nalosa ala tao lahenu nusa Masir-ra.

AMSAL 11:18

Hataholi mangalauk-ka nanalan-na nde been-na, nanala manataik, hataholi manatao malole-a, nanalan-na nde been-na, nanala matetuk.

AMSAL 19:17

Tulu-fali hataholi nuu-taa hata-taak-ka, sama leo fe Manetualain doi totonak; mahani te, Manetualain boeo, neukose Ana balas-sana.

PENGKHOTBAH 8:12

Leomae hataholi masala-masingok esa, ana tao tatao-nono'i mangalauk natun esa, tehu naso'da nahele, nakalenak teun-na manalu. Hataholi-la lafa'da lae, see tunga Manetualain soona, tao leo bee-o, so'dan-na mu'da-mu'dak mesan.

YESAYA 3:10

Manetualain nafa'da nae, “Mafa'da hataholi manatunga Au-a, mae neukose sila laua-lanale ma laso'da. Neukose sila hapu la'a-pake lita, sila sosota-mamangun buna-boan.

MATEOS 10:42

Ba'eneu see fo ana fe hataholi matasi'da-matasaik fo Au ana mana tungang esa ninu, leomae ka'da oe makasufuk boe, soona mamahele leona te, neukose tao leo bee o, ana sipo ngga'di na!”

MATEOS 25:40

Neukose Manek ndia nataa nae, ‘Bubuluk leona, te nai lelek emi tao dede'ak sila la, leomae neu hataholi esa neme Au tolanoong matasi'da-matasai ngala mai, soona ndia sosoa na nae, emi tao-no'in soaneu Au nde ndia so!’

LUKAS 1:50

Neme tititi-nonosik leo tititi-nonosik neu Manetualain tao dale susue na neu hataholi fo manabii neu na.

IBRANI 6:10

Ita Manetualain ta nde Manetualain fo ta mana tao tunga ndo na fa. Ana ta nafandele heni hata fo emi tao-no'i ba'eneu na fa, ma susue-lalaik fo emi matu'du neun, nai lelek tulu-fali tolano-tolanook fo namahehelek esa, nai makahulu na ma besak ia.