KEJADIAN 6:3 - Susula Malalaok Hehelu Palak Ma Hehelu Beuk

³ Boema Manetualain nafa'da nae, “Au ta nau hataholi daebafak-ka naso'da losa dodoon-na fa; sila mahahaek manasapu-manalalok, de muse mate. Mulai besak ia, teun-nala, neukose ta lena neme teuk 120 mai fa.”

KEJADIAN 6:3 ပူးပေါင်းရင်းမြစ်များ

KEJADIAN 6:2

boema, Manetualain anan-nala lita anafe'oanak sila-la, mata makeek mesa-mesan. Boema ala hii anafe'eoanak see soona, ala sao-lan.

NEHEMIA 9:30

Teuk nggati teuk, O ta haelai mamanasa soaneu fes nasanene'dak; O Duladalem-ma nafa'das tunga basa nabi-la. Tehu O anam sila-la ko'o ketu di'idoon-nala, boema O fes leo basa leoina manai nusak lala'en-na neu.

MAZMUR 78:39

Ana nafandele, nae sila ka'da mahahaek fo, manasapu-manalalok, sama leo anin-na fuu nenin, fo neukose, ana ta fali ma'in so'on.

MAZMUR 90:10

Ami faim maso'dam-ma losa ka'da teuk hituhulu, metema ami balakaik-ka soona, losa teuk faluhulu. Tehu ami hapuk-ka, nde ka'da toto'a-tataak ma doidosok-ka; basa ami maso'da keke'uanam-ma soona, ami sapu-lalo.

YESAYA 5:4

Au muse tao seluk beek bai, tehu Au beita taon soaneu Au osi angol ndia fa. Tao le'e de, naboa boa makeis, te ta boa malole, sama leo Au amahenak-ka fa?

YESAYA 57:16

Au ta fe salak neu Au anang-ngala, losa dodoon-na fa; Au ta amanasa akandondoo henin fa, fo ela ala manggate lakandoo, te se'kona, Au nde fes maso'dak-ka.

YESAYA 63:10

Tehu ala lena-la'ban, de ala tao lakahehe'dik, Manetualain dalen-na. Boema, Ana nasafali da'di sila musun, de Ndia mesak-kana, natee-natati la'ban-nasa.

YEREMIA 11:11

Hu ndia de, Au, fo Manetualain, fe nasanene'dak ae, neukose Au eni fe sila susa-soe de sila ta hapu laladeak fa. Metema ala lalo bebou, loke tutulu-fafalik neme Au-a mai soona, Au ta nau amanene fa.

YEREMIA 11:7

Lelek fo Au ofalik sila bei ba'i-kain-nala kalua leme Masir mai-a, Au fes nasanene'dak mahelek, fo ela lamahele neu au. Losa faik ia be, au bei fe ahele au anang-ngala nasanenedak la'eneu dede'ak ndia,

BILANGAN 11:17

Neukose Au kona mai, fo Au kokolak os nai mamanak ndia, ma Au fe basa o, Au koasang-nga seli ndia, neukose Au fen leo sila neu. Soona ala bisa lu'a-lepa fali o, soaneu leoina ia, fo daenga boso o mesam-ma lu'a-lepan.

YOHANIS 3:6

Tunga ao paa ka soona, hataholi daebafa ka inan no aman nde bongi nana, tehu tunga samane ka soona, hataholi a nanabongik neme Manetualain Dula Dale na mai.

HATAHOLI 7:51

Tolanoo kala langa batu manseli, ma tea na seli soaneu emi tunga Manetualain! Emi di'idoo mala pake nanseli neu Manetualain dede'a-kokolan! Emi mo emi bei ba'ikai mala matak esa! Emi la'ban Manetualain Dula Dale na tataas esa!

1 TESALONIKA 5:19

Boso fuu misa Dula Dale ka.