KEJADIAN 6:2 - Susula Malalaok Hehelu Palak Ma Hehelu Beuk

² boema, Manetualain anan-nala lita anafe'oanak sila-la, mata makeek mesa-mesan. Boema ala hii anafe'eoanak see soona, ala sao-lan.

KEJADIAN 6:2 ပူးပေါင်းရင်းမြစ်များ

1 YOHANIS 2:16

Basa daebafak ia oe isin lala'ena fo hataholi daebafa masala-masingo ka nitan, fo nahii kana boema namaututua-namadedeman soona, basa dede'ak sila la, ala ta da'di leme Ama ka mai fa, te ala da'di leme daebafa ka mai.

2 PETRUS 2:14

Ala ta pela malua no tao sala-singo ka fa, ma ala hii mete inak no mata mana koteok. Ma hataholi fo besa ka namahele, fo namahehele na beita natea-nahele fa soona, leu fufu'di-oodo kasa. Hataholi sila dale nala, lateme no tenepeta ka so. Hataholi sila la nde bee na, hataholi nanasoo-supa basa kala so!

EZRA 9:12

Nabi sila-la kena-ka'i ami, fo boso sao sese'do-babalik moo hataholi sila-la, do tulu-falis, fo lamasu'i-lakabete, ma so'da-molek. Metema, ami tunga soona, neukose ami da'di balakaik, ma ami mi'a mita dae ndia buna-boan, boema ami ba'e-bati elan, neu ami tititi-nonosim, losa dodoon-na.

2 SEMUEL 11:2

Nai le'donosok esa, de Dauk sungu fo'a boema, ana la'o-la'o nai uma manek-ka ta'dak lain. Ana mete neme ndia mai, de nita inak esa bei nadiu oe, tehu inak ndia, mata makeek nanseli.

ULANGAN 14:1

“Emi nde been-na, Manetualain anan. Da'di, nai lelek emi hataholim esa mate, fo emi falu soona, boso tao makahina emi aoinam-ma, do emi nggeuheni emi langadoom manai emi dedeim-ma nisi lain-na, sama leo leoina fe'ek-kala tataon-na.

KELUARAN 34:16

Metema emi anam-mala sao ina nusa dea soona, neukose inak sila-la fufu'di-oo'dok-kasa soaneu ala la'oela Au fo ala sene-do'ok neu sila lamatuan-nala.

KEJADIAN 27:46

Boema, Ribka nafa'da Isak nae, “Au pela-malua, mete Esau saon-nala leme leoina nusa dea sila-la mai fa. Metema Yakob boeo, ana sao anafe'oana Het soona, malole lenak ka'da mate au leona.”

KEJADIAN 24:3

Fo soo-supa menik Amak, Manetualain, fo manakoasa lalai ma daebafak-ka, mae neukose o ta sanga fe au anang Isak, saoinak nai basa hataholi manai dae Kanaan ia-la fa.

KEJADIAN 4:26

Set bongin-na anatouk esa, de ana foin na'de Enos. Nai tepo-lelek ndia, nde hataholi-a mulai seseik Manetualain na'den-na, metema ala sene-do'ok neu Manetualain.

KEJADIAN 3:6

Inak ndia nita ai ndia manahiik, ma mete boan-na soona, mala'da hiik soaneu na'an. Ma ana dodoo, nae malole-na seli, metema ana da'di hataholi dodole maneu. Hu ndia de, ana seu-na ai ndia boan-na, boema na'a, ma ana fe saotoun fo sama-sama non nai ndia boe, de sao toun-na boeo na'a.

2 KORINTUS 6:18

Neukose Au da'di emi Amam, ma neukose emi da'di Au anang. Leondiak Manetualain fo Mana Koasa nafa'da.”

1 KORINTUS 7:39

Ina masaoanak esa, bei nanapa'ak no saotou na nai lelek saotou na bei naso'da. Metema saotou na maten soona, inak ndia bole sao seluk no touk see fo nahii kana; sa'di touk ndia, sila namahehelek esa.

MALEAKHI 2:15

Ade, Manetualain Fo Kisak-ka, ta nakadada'dik emi aok esa, ma samanek esa moo inak ndia fa do? Ade, Manetualain dudu'an la'eneu dede'ak ndia, leo beek? Ta fe'ek fa, fo ela emi hapu anak, fo ala da'di Manetualain ana matetun. Da'di, manea aoinam-ma, fo boso nalosak nai emi dalek, hapu nggelok ta lilineka neu saoinan-na fa.

MALEAKHI 2:11

Hataholi Yehuda-la la'olena Manetualain hehelu-balataan no sila so, ma ala tao-no'i dede'a-dede'ak fo neni mamaek nai Yerusalem, ma nai basa nusak-ka lala'en-na. Ala tao langgenggeo Manetualain Uman fo Ana sue-lain ndia so, ma ala ka'bing loo ina-inak fo, ala sene-do'ok neu leoina fe'ek-kala, lamatua daebafan-nala.

YESAYA 63:16

Ade, O ta nde ami Amam fa do? Abraham ma Yakob, ta lalelak ami fa. Tehu O, ou Manetualain, O nde been-na, ami Amam, ami Manasoi-manatefam, neme makahulun eli mai.

AYUB 31:1

Au aheluk basa pake soo-supak, ae neukose au ta akahehe'dek mata o anafe'oanak fa.

KEJADIAN 6:1

Lelek hataholi daebafak-ka boetai namaba'uk-ka, ma ala tapasasala nai basa daebafak-ka lala'en-na, ma ala bongi ni'iana inaanak-kala

KEJADIAN 6:3

Boema Manetualain nafa'da nae, “Au ta nau hataholi daebafak-ka naso'da losa dodoon-na fa; sila mahahaek manasapu-manalalok, de muse mate. Mulai besak ia, teun-nala, neukose ta lena neme teuk 120 mai fa.”

KEJADIAN 12:11

Nai lelek, ana sanga lena dae too-a, fo ana masok leo nusa Masir-ra neu, boema nafa'da saoinan Sarai nae, “Au saoinang-ngonei, o mata makeek nanseli,

KEJADIAN 26:35

Ina ka duak sila-la tao susa Isak ma Ribka soda nala.

AYUB 1:6

Faik esa boema, mahahaek nusa so'dak-kala, leu leo Manetualain leu, de nitu neu boe.