KEJADIAN 40:5 - Susula Malalaok Hehelu Palak Ma Hehelu Beuk

⁵ Nai le'odaek esa boema, manaito-ato nininuk-ka ma manaito-ato loti ndia esa-esak nalame'i. Duas me'in sila-la sosoa-ndandaan ta sama fa.

KEJADIAN 40:5 ပူးပေါင်းရင်းမြစ်များ

KEJADIAN 20:3

Le'odaek esa boema, Manetualain natu'du aoinan-na neu manek ndia, nai me'is dale, de nafa'da nae, “Neukose mate o, nanahu o ho'i-ma inak ndia so; nana inak ndia masaok so.”

KEJADIAN 40:1

Basa faik de'ubee boema, mane Masir-ra malalau-maoonon dua, fo nde manaito-ato nininuk-ka ma manaito-ato loti na, ala tao salak soaneu manek-ka.

KEJADIAN 40:4

Duas lai bui ndia, dook-ka boe, de manamanea uma manek-ka malangan-na fe Yusuf nalalau-naoonos.

KEJADIAN 40:6

Lelek Yusuf neu leo duas nai balahaa fafain-na te, nita duas susa.

KEJADIAN 40:8

Duas lataa lae, “Le'odae ka ami malame'i, de ta hapu esa boen bubuluk sosoa-ndandaan fa.” Yusuf nae, “Ka'da Manetualain nde hapu fe hataholi nafa'da mangalele'do mi'is ala sosoa-ndandaan. So'ba tui su'dik emi me'im ndia.”

KEJADIAN 41:11

Nai le'odaek esa boema, ami dua malame'i, de ami me'im ndia sosoa-ndandaan ta sama fa.

ESTER 6:1

Nai le'odaek ndia boe, manek-ka ta hapu sungu fa. Hu ndia de, noke ho'i fen susulak fo, ala sulak nusak-ka tutuin-na nai dalek-ka, de nadenu hataholi, fo ana lees-sana.

DANIAL 4:19

Danial fo loken lae Beltsazar boe, namanene dede'ak ndia boema, ana nggenge ma ana dodoo doak-kana. Boema au fo Mane Nebukadnezar-ra, afa'dan ae, “Beltsazar, o dalem-ma boso susa nanahu me'is ndia sosoa-ndandaan.” Boema Beltsazar nataa nae, “Ama Manek, malolen-na seli, metema leouni'ka me'is ndia neuk manada'dik-kala, tuni la'e Ama Manek musun-nala, te ta la'e Ama Manek fa.

DANIAL 4:5

Tehu nai le'odaek esa, lelek au sungu, au alame'i ma au hapu ninitak, de ana tao-na au daleng-nga ta tesa-tama fa.

DANIAL 4:9

“Hai, Beltsazar, fo hataholi malelaina-la mauli-malangan-na, au bubuluk ae o dalem-ma henuk no lamatua daebafak malalao-malalafuk-kala duladalen-na, nalosa ta hapu bibila-babaak nananafunik ba'eneu o fa. Nenene au me'ing-nga nde ia, fo mafa'da mangalele'do sosoa-ndandaan.

BILANGAN 12:6

boema Manetualain nae, “Mamanene Au dede'a-kokolang ia-la! Metema nai emi dalek, hapu nabi esa soona, Au atu'du Au aoinang-nga neun, nai ninitak-kala dalek, ma Au kokolak on nai me'is dale.