KEJADIAN 4:2 - Susula Malalaok Hehelu Palak Ma Hehelu Beuk

² Boema Hawa bongin-na, ni'iana touanak esa seluk, na'de Habel. Habel da'di manafoo bi'ilopo, tehu Kaen da'di hataholi manatao tina-osi.

KEJADIAN 4:2 ပူးပေါင်းရင်းမြစ်များ

KEJADIAN 3:23

Boema, Manetualain usi heni hataholi ndia neme osi Eden-na dalek mai, de nadenun ana foi-fala dae fo ana da'di neme ndia mai.

KEJADIAN 37:13

Yakob nafa'da Yusuf nae, “Muu leo Sikhem muu, leo mamanak fo o ka'am-mala foo ita bi'ihii bi'ilopo bubuan-na la.” Boema Yusuf nataa nae, “Hei, Ama.”

KEJADIAN 4:1

Basa boema, Adam sungu no Hawa fo saoinan-na, de inak ndia nailu. Ana bongin-na ni'iana touanak esa, boema nafa'da nae, “No Manetualain tutulu-fafalin, de au hapu ni'iana touanak esa so.” Boema, ana foi ni'iana ndia na'de Kaen.

KEJADIAN 4:3

Faik de'u bee makabuin-na boema, Kaen ho'i-na tina-osin buna-boan seli, de ana tunu-hotu fen neu Manetualain.

KEJADIAN 47:3

Manek-ka natanes nae, “Emi ue-le'dim leobeek?” Ala lataa lae, “Ami ia manafoo sama leo ami bei-ba'i kaim-mala.

KEJADIAN 9:20

Noh hataholi manatao tina-osi esa, de ndia nde makasososa, tao osi angol-la.

MAZMUR 127:3

Ni'iana-la nde bee-na, Manetualain baba'e-babatin sila, tete'ek-ka, ni'iana sila-la, ni'iana baba'e-babatik.

KELUARAN 3:1

Nai lelek ndia, Musa foo aliaman Yitro, fo imam nai dae Midian-na, bi'ilopo bi'ihiin. Lelek ana foo neni bana sila leo moo solokaek-ka selik neu boema, ana losa Letek Sinai, letek fo malalao-malalafuk.

AMOS 7:15

Tehu Manetualain naloo au neme au tatao-nono'ing dalek mai, de nadenu au anduku-alosak hala hehelun-na neu hataholi Israel-la.

LUKAS 11:50

Manetualain tao ndia, fo ela hataholi lelek besak ia la nanahukuk, nanahu kanisak fo nanataok neu basa nabi la, neme daebafa ka nananakadada'di kana mai,

LUKAS 11:51

mulai neme kanisak neu Habe la ma losa kanisak neu Zakharia fo kanisak sila ana da'di nai mei tutunu-hohotu ka no Manetualain Uma na tala'da. Mamahele leona. Te hataholi lelek besak ia la, tao leo bee o neukose nanahuku kala, hu ka nde basa dede'ak sila la.

YOHANIS 8:44

Emi amam nde nitu a, de tao leo bee o, emi nau tunga emi amam hihii-nanaun. Neme makasososan mai a, nitu ndia kanisak. Ana ta hii eno ndo sa fa, nanahu eno ndo sa ta hapu nai dalen dale fa. Metema nasapepeko soona, nandaa no ndia, ninik ndia ha'da-tataon leondiak so. Ndia masapepekok, ma basa masa pepekok lala'ena da'di leme ndia mai.

1 YOHANIS 3:10

Manetualai nana nala ma Nitu ana nala ta'du tanan leo iak: see ta tunga Manetualain hihii-nanaun do ana ta sue-lai tolano na fa soona, Manetualai nanan ta ndia fa.

1 YOHANIS 3:12

Ita boso sama leo Kaen fo ana da'di Nitu a anan de, ana taonisa tolano na. Hu beek de Kaen taonisa tolano na? Hu ka nde ana tao ka'da tatao-nono'i masala kala, tehu tolano na soona, ana tao ka'da tatao-nono'i ndo sa.

1 YOHANIS 3:15

Boema metema see bei nakamuu-nakadau tolano nala soona, hataholi ndia, hataholi kanisak, de emi bubuluk basan, hataholi kanisa ka, ana ta hapu so'da matetu ka ma mana ketu basa ta ka fa.