KEJADIAN 4:1 - Susula Malalaok Hehelu Palak Ma Hehelu Beuk

¹ Basa boema, Adam sungu no Hawa fo saoinan-na, de inak ndia nailu. Ana bongin-na ni'iana touanak esa, boema nafa'da nae, “No Manetualain tutulu-fafalin, de au hapu ni'iana touanak esa so.” Boema, ana foi ni'iana ndia na'de Kaen.

KEJADIAN 4:1 ပူးပေါင်းရင်းမြစ်များ

KEJADIAN 3:15

O ma inak ndia, neukose esa musu no esa, ma tititi-nonosin ma o tititi-nonosim, neukose esa musu no esa. Neukose tititi-nonosin, tutu lakabebelak o langam-ma, ma neukose, o kaan neu sila eitingan-nala.”

KEJADIAN 3:24

Basa boema, nai osi ndia boboan dulu, fo nai lelesu leo dalek neu-a, Manetualain pe'da kerub-kerub, lai ndia, ma tafaina esa, isin-na pila lo'a-lo'a, ana puta leo basa mamanak lala'en-na neu, fo nanea enok leo ai manafe maso'dak ndia neu. No enok ndia, ta hapu hataholi esa boen, bisa neu leo dalek neu, fo ana deka no ai ndia.

KEJADIAN 4:2

Boema Hawa bongin-na, ni'iana touanak esa seluk, na'de Habel. Habel da'di manafoo bi'ilopo, tehu Kaen da'di hataholi manatao tina-osi.

KEJADIAN 4:25

Adam no saoinan-na, bongi anatouk esa seluk. Boema Hawa nae, “Manetualain fe basa au, ana touk nggati Habel, fo Kaen taonisan so.” Hu ndia de, Hawa foi ni'iana ndia na'de Set.

KEJADIAN 5:29

Lamek nae, “Ni'iana ia, neukose lui namada'u bela-ba'uk nai lelek ita pusen-na ti'ti, no foi-fala dae fo, Manetualain soo-supak-ka.” Hu ndia de, Lamek foi ni'iana ndia na'de Noh.

MAZMUR 127:3

Ni'iana-la nde bee-na, Manetualain baba'e-babatin sila, tete'ek-ka, ni'iana sila-la, ni'iana baba'e-babatik.

BILANGAN 31:17

Nah, besak ia, taomisa ni'iana touanak lala'en-na, ma basa inak lala'en fo, ta matatema so'on.

1 YOHANIS 3:12

Ita boso sama leo Kaen fo ana da'di Nitu a anan de, ana taonisa tolano na. Hu beek de Kaen taonisa tolano na? Hu ka nde ana tao ka'da tatao-nono'i masala kala, tehu tolano na soona, ana tao ka'da tatao-nono'i ndo sa.