KEJADIAN 38:9 - Susula Malalaok Hehelu Palak Ma Hehelu Beuk

⁹ Tehu Onan bubuluk nae mahani te neukose anan-nala ta da'di ndia anan fa. Da'di metema ana sungu no ka'a manamate na saon ndia soona, ana po'aheni bini-nggen leo dae a neu, fo ela neukose ka'an-na ta hapu tititi-nonosik fa.

KEJADIAN 38:9 ပူးပေါင်းရင်းမြစ်များ

KEJADIAN 38:10

Tatao-nono'in ndia tao na Manetualain namanasa, de Manetualain taonisan boe.

AYUB 5:2

Ka'da hataholi nggoak-ka, mesak-kana mate, nana dale he'din-na.

AMSAL 27:4

Nasa-meluk ndia, ta nanuu dale susue lalaik fa, te neni nakalulutuk, tehu see nakatatakak, metema nasasalematak no nape'da dalek-ka?

ULANGAN 25:5

“Metema hataholi de'ubee, tolanok-kala, de ala leo lakabubua, boema mate esa, tehu ana ta bongi anatouk fa, soona inafalu ndia, ta bole sao hataholi deak fa. Sao manamaten ndia, tolanon esa, muse ana saon-na, inafalu ndia.

ULANGAN 25:6

Sila anatou ulun-na, muse taon da'di sila tolano manamaten ndia, ana ulun-na, fo ela ana hapu tititi-nonosik nai leoina Israel-la dalek.

TITUS 3:3

Nana makahulu na ita bei nggoa kala, ita beitatofa-tatalak, ma ita ta tunga paleta fa. Ita beitaso'da nai nasa melu ka dalek, ma ita beitape'da hihii-nanau mata-mata kala nai ita dalen dale; ita beitape'da dudu'a-aafi mangalauk nai ita dalen dale, ita ta nau hataholi lenak ita boema esa bei nakamuu-nakadau esa.

YAKOBIS 3:14

Tehu metema emi mape'da dalek, emi dale ma bei he'di sa, emi bei paluu ka'da emi ao ina ma mesa kana soona, boso koao minik emi manatee tenom ndia, nana no enok ndia, emi popo'de-papai hala ndoos maneme Manetualai na mai.

YAKOBIS 3:16

Nai bee hapu dale he'di ka, ma paluu ka'da ao ina ka mesa kana soona, nai ndia boeo, hapu musu a, ma basa tatao-nono'i mangalau mata-mata kala.

YAKOBIS 4:5

Boso maedaenga, Susula Malalao ka ta hapu ne'ek soaneu nafa'da nae, “Manetualain pe'da-fua Dula Dalek fo hihii-nanaun balakai na seli ndia, nai ita dalen dale.”

RUT SUSULAN-NA 1:11

Boema, Naomi nataa nae, “Bosok anang-ngala lemin! Malole lenak fali me'um-ma. Sosoak hata, emi tunga au? Ade au ta bisa bongi seluk anak, fo ana da'di emi saotoum so'on hetu?

RUT SUSULAN-NA 4:10

Boema au ho'i-a Rut, ina Moab, fo Mahlon manamatek-ka saon-na, da'di au saong. No enok ndia, neukose dae ndia da'di hataholi manamatek ndia teidalen-nala nuun nahele. Ma tititi-nonosin-nala boeo, neukose lahele lai teidalen-nala dalek. Ma nai kotan-na dalek. Mafandendelek, tolano-tolanoong-ngala lemin, faik ia, emi basa-basam-mala da'di sakasii.”