KEJADIAN 32:4 - Susula Malalaok Hehelu Palak Ma Hehelu Beuk

⁴ Yakob nafa'das nae, “Mafa'da au ka'ang Esau mae leoia, ‘Au Yakob, fo o atam-ma. Dodoo basa ia, au leo o Laban so.

KEJADIAN 32:4 ပူးပေါင်းရင်းမြစ်များ

KEJADIAN 23:6

“Ami fe ha'da-holomata neu Tuan, da'di leo mauli-malanga balakaik nai ami dalek, da'di matoi Tuan saon-na, neu ami bolo mamate mana'a hiim-ma dalek. Ami basa-basam-mala mamahoko, sadia fe Tuan saon-na, bolo mamates.”

KEJADIAN 25:30

Boema, nafa'da Yakob nae, “Au amala'a anseli, de fe au fufue pilas ndia faa anak.” (Hu ndia de loken soona lae Edom.)

KEJADIAN 27:29

Sa'di leo been-na leoinak-kala da'di o atam, ma leoina leo nala lakatele neu o. Sa'di leo been-na o koasa basa o tolano ka'a-fa'dim-mala, ma o inam tititi-nonosin sene-do'ok nai o matam. Sa'di leo been-na nanasoo-supak neu basa hataholi fo ana soo-supa o, ma nanaba'e-palak neu basa hataholi fo ana ba'e-pala o.”

KEJADIAN 27:37

Isak nataa nae, “Au taon da'di o tuam-ma, ma Au tao basa tolanoo ka'a-fa'din-nala, da'di ndia atan-nala so. Au fe basan, gandum ma angol so. Besak ia, ta hapu hata-hata so'on, fo au bisa fe o, Anang-ngo!”

KEJADIAN 31:41

Au so'dang-nga leondiak, nai lelek au aue-ale'di fe To'o teuk duahulu dalen-na. Au aue-ale'di teuk sanahulu haa dalen-na, fo sue kande au hapu To'o ana ka duan sila-la, ma teuk nee seluk, fo au hapu bi'ihii bi'ilopo sila-la. Ma nai lelek ndia boe, To'o naketu nasafali au ngga'ding-nga losa la'i sanahulu.

KEJADIAN 32:18

Soona mataa mae, ‘O atam, Yakob bana-manun ia-la. Ana haitua bana-manu ia-la da'dileo fee feek esa neu ndia tuan Esau. O atam Yakob bei nai dea.’ ”

KEJADIAN 32:5

Besak ia, au anuu sapi, keledei, bi'ilopo, bi'ihiik ma ata. Au haitua halak leo au tuang-nga neu, no namahehenak, neukose au tuang-nga namahoko.’ ”

KEJADIAN 33:14

La'ok makahuluk leona, fo au la'ok faa-faa tunga dea. Neukose au o bana-manu, ma au anang ia-la la'ok lai-lai, fo ami tunga hapu Ka'a nai Edom.”

KEJADIAN 33:8

Esau natane nae, “O dudu'am-ma leobeek neu hataholi bubuak fo, na'kasa au atongo os sila-la?” Yakob nataa nae, “Suekande ala tao lamahoko Ka'a dalen-na.”

KEJADIAN 36:8

Boema Esau fo ala foin na'de Edom ndia boe, ana leo nahele neme nusak manai letelepak Seir-ra.

KEJADIAN 36:9

Esau, fo hataholi Edom-mala bei-bai kain ndia, tititi-nonosin nde ia.

KEJADIAN 4:7

Metema, o tao malole soona, tao leo bee-o, o hika-hume; tehu metema, o tao tatao-nono'imangalauk, soona sala-singok nahani, fo ana masok leo o dalem dale neu. Sala-singok sanga koasan-na o aoinam-ma, tehu o muse sengin.”

1RAJA-RAJA 20:32

Boema ala pake si'di lafa lapik ma ala pa'a tali neu botoliin-nala, boema leu lataa Ahab de lafa'da lae, “Benhadad nde been-na Ama Manek atan. Ana dokodoe fo ela Ama Manek boso taomisan.” Ahab nataa nae, “Au tolanong ndia bei naso'da do?”

KELUARAN 32:22

Harun nataa nae, “Boso mamanasa au; o bubuluk, leoina ia mangalaun na seli.

AMSAL 15:1

No natataa mangana'uk-ka, nasa-meluk tenak; tehu no natataa makei-maketek-ka, nafofo'a nasa-meluk-ka.

AMSAL 25:15

Ta haelai namanasa, sama-sama no hala-kokola mangana'uk-ka, taon-na hataholi manakoasa, namahele, ma tao nakalulutuk basa lena-la'bak lala'en-na.

AMSAL 6:3

Anang-ngonei, metema tete'ek-ka leondiak soona, o nai hataholi ndia koasan dale so. Tehu enon-na nde ia, fo o bisa maladeak: muu lai-lai leo hataholi ndia muu; fo moken no nakasetik, fo ela ana po'i o.

PENGKHOTBAH 10:4

Metema manakoasa namanasa o soona, boso moke hahae ue-le'dis. Leomae o salam-ma ba'un-na seli boe, metema o dalem-ma tesa-tama ma ta haelai mamanasa fa soona, o hapu ampon.

YESAYA 21:11

Hala heheluk la'eneu Esom nde ia. Hapu hataholi esa, naloo bou-bou neu au, neme Edom mai nae, “Hai manamanea nei, le'odaek ia, bei dook-ka hetu do? Bei ela li'u de'ubee seluk, fo besak-ka fafaik?”

LUKAS 14:11

Nana basa hataholi fo namatutua-namadedema aoina na, neukose nananakaloloe-nakadadaek, tehu hataholi fo nakaloe-nakadae aoina na, neukose nananamatutua-namadedemak.”

1 PETRUS 3:6

Sara leondiak boe. Ana tunga Abraham paleta na, ma noken soona nae, ndia malanga na. Besak ia, tolanoo kala nde bee na Sara anan, metema emi tao-no'i dede'a malole, ma emi ta bii-mamata'u neu hata esa boen.

HAKIM-HAKIM 5:4

Lelek O la'o meme Seir mai, ou Manetualain ma O la'oela nusa Edom-ma, daebafak-ka dele, lalai-a oelolon-nala boeo, latahuka, ma ko'as-sala, po'a oen-na mai.

SEMUEL SUSULAK-KA ESAN-NA 26:17

Saul nalelak Dauk halan-na, de nafa'da nae, “Dauk, o nde ndia, anang-ngo do?” Dauk nataa nae, “Hei, Ama Manek”