KEJADIAN 3:1 - Susula Malalaok Hehelu Palak Ma Hehelu Beuk

¹ Menge nde been-na, bana esa, malela keke'din-na seli, lena heni basa bana lala'en, fo Manetualain nakadada'dik-kala. Menge ndia, natane inak ndia nae, “Ade, te'e-te'e Manetualain kena-ka'i emi mi'a basa ai manai osi ia dalek lala'en-na, boan-nala hetu do?”

KEJADIAN 3:1 ပူးပေါင်းရင်းမြစ်များ

PENGKHOTBAH 4:10

Metema esa tu'u neu soona, esak-ka tulu-falin. Tehu metema hataholi esa tu'u neu, te see kona mesak-kana soona, soe ba'eneun, nanahu ta hapu hataholi tulu-fali fan.

YESAYA 27:1

Nai lelek ndia, neukose Manetualain pake tafaina matea ma matanen-na, fo Ana huku Lewiatan, menge fo manaule-po'de ma ana leleke ndia, ma soaneu taonisa buta tasi-a.

MATEOS 10:16

“Taoafik neu dede'ak esa nde ia te: Au adenu emi sama leo bi'i lopo tapandoe sa, neu leo busa fui makaa mangalau ka tala'da neu. Hu ndia de, emi muse manea sama leo menge a, tehu emi dale ma ndoos, sama leo manupui kalua sina.

MATEOS 4:3

Boema nitu mai de nafa'dan nae, “Manetualain Anan O hetu? Naa, madenu batu ia la da'di loti leona.”

MATEOS 4:6

Boema nitu nafa'dan nae, “Manetualain Anan O hetu? Metema leondiak soona, makaboku leo dae mu leona; nanahu nai Susula Malalaok dale nanasulak nae leo ia, ‘Neukose Manetualain nadenu ata nusa so'da nala lanea O, de neukose ala solok lima nala fo ala ndaso la O, fo daenga O ei ma ta koila'e dae a fa.’ ”

MATEOS 4:9

Boema nitu nafa'da Yesus nae, “Au fe basa hata sila la neu O, makanaema O sene-do'ok ma makaluku-makatele neu au.”

2 KORINTUS 11:14

Ta dodoo doak sila tataon leondia ka fa, nana nitu boeo ana tao aoina na nalupa leo ata nusa so'da mangale'do ka boe!

2 KORINTUS 11:3

Tehu au bibii ka'da, emi dudu'a-aafim nanadudungu-papauk soaneu ta lilineka seluk neu Kristus sama na leo Hawa, fo makahulu na boeo nanadudungu-papauk neme menge a malela talimo'di na mai.

1 PETRUS 3:7

Ma ba'eneu emi, fo saotou kala lemin! Ela leo bee na, maso'da no dudu'a-aafi neuk mo emi saoina mala, ma emi muse bubuluk, sila be'i-balakain ta ba'u emi be'i-balakaim fa. Taos no ha'da-holomata, nanahu emi mo sila hapu maso'da matetu ka neme Manetualain mai. Tao tungan leondiak, fo ela boso hapu hata napanggengge emi huhule-haladoim.

NINITAK 12:15

Boema naga ndia nasapula oe makadotok nanseli neme bafan dale leo inak ndia neu fo nakabobolok henin.

NINITAK 12:9

Ala tapa naga matuaina ndia leo deak neu! Naga ndia nde menge lasik fo nana'de Nitu do Dula Dale Mangalauk fo manake'dindiu basa daebafa ka lala'ena. Ala tapan no ana manatunga nala leo daebafa ka.

NINITAK 20:2

Boema ana ho'u na naga fo menge lasik ndia, fo Nitu do dula dale mangalauk ndia de ana feo puputun soaneu teuk lifun esa dale na.