KEJADIAN 26:3 - Susula Malalaok Hehelu Palak Ma Hehelu Beuk

³ Neukose Au asulu-ahapa ma ba'e-pala o. Neukose Au fe basa nusak ia lala'en-na neu o, ma neu o tititi-nonosim. Neukose Au tao atetu hehelu-balataak fo Au fe basan neu o amam Abraham so.

KEJADIAN 26:3 ပူးပေါင်းရင်းမြစ်များ

KEJADIAN 12:7

Boema, Manetualain natu'du aoinan-na neu Abram, de nafa'dan nae, “Nusak ia, nde neukose Au fen neu o tititi-nonosim-mala.” Boema, Abram taon-na mei tunu-hotuk esa, neu mamanak ndia, soaneu Manetualain, fo natu'du aoinan-na neun-na.

KEJADIAN 13:15

Neukose Au fe basa dae, fo o mitak ndia neu o, ma neu o tititi-nonosim, fo ela ana da'di o pusakam losa dodoon-na.

KEJADIAN 13:17

Besak ia, la'ok okofefeo dae ia lala'en-na, nana neukose Au fen neu o.”

KEJADIAN 15:18

Nai lelek ndia boe, Manetualain tao hehelu-balataak no Abram. Manetualain nae, “Au helu ae neukose, Au fe dae ia lala'en-na neu o tititi-nonosim, mulai neme too no nusa Masir-ra, losa Lee Efrat-ta,

KEJADIAN 17:19

Tehu Manetualain nae, “Ta. Neukose, o saom Sara bongi anatouk, de neukose o foin na'de Isak. Neukose, Au ho'u ahele Au hehelu-balataang no ni'iana ndia, ma no tititi-nonosin-nala losa dodoon-na. Hehelu-balataak ndia, manaketu-basa taak.

KEJADIAN 17:8

Neukose, Au fe dae ia neu o, ma o tititi-nonosim, fo nde dae fo besak ia, o leon da'di leo hataholi manamai. Basa dae Kanaan-na lala'en-na, neukose da'di o upu-anam pusakan, losa dodoon-na, ma neukose, Au da'di sila Manetualain-na.”

KEJADIAN 20:1

Abraham lali neme Mamre leo dae Kanaan-na boboan kona neu, de ana leo nahele nai Kades ma Syur tala'da. Lelek ana leo neme Gerar-ra,

KEJADIAN 25:11

Lelek Abraham mate basan boema, Manetualain ba'e-pala Isak, fo Abraham anan-na. Nai lelek ndia, Isak leo deka no oedolu fo loken soona lae, “Ndia Fo Manataoafik Neu Au.”

KEJADIAN 26:12

Isak tao tina osi de ana sele-nggali bini-ngges nai nusak ndia, de nai teuk ndia dale na ana hapu buna-boak diku la'i natun esa neme ana sele-nggali ka mai, nanahu Manetualain ba'e-palan.

KEJADIAN 26:14

Hataholi Filistin ala dalen-nala ta malole loo fan nanahu atan ba'uk-ka, bi'ilopo, sapin makadotok nanseli.

KEJADIAN 26:24

Nai le'odaek ndia Manetualain natu'du aoinan-na neun de nae, “Au nde o amam Abraham Manetualain na. Boso bii; te Au asulu-ahapa o. Neukose Au ba'e-pala o ma Au fe o tititi-nonosik makadotok, nanahu Au hehelu-balataang neu Au atang Abraham.”

KEJADIAN 28:13

Ma Amak-ka napadeik nai boboan-na de nafa'da nae, “Au nde Manetualain, fo Abraham ma Isak sene-do'ok-ka. Neukose, Au fe o ma o tititi-nonosim, dae fo o mangape'uk nai lain ia.

KEJADIAN 28:15

Mafandendelek te, neukose Au tulu-fali, ma asulu-ahapa o, su'di o muu leo bee muu, ma neukose, Au o falik o leo nusak ia mai. Neukose, Au ta la'oela o, losa Au tao basa hata lala'en, fo Au helu basan neu o so.”

KEJADIAN 31:3

Boema, Manetualain nafa'da Yakob nae, “Fali mu'um-ma leo o amam, ma o tolanoo ka'a-fa'dim-mala nusan-na muu. Neukose, Au asulu-ahapa o.”

KEJADIAN 35:12

Nusak fo Au fe basan neu Abraham ma Isak, neukose Au fen neu o ma o tititi-nonosim-mala.”

KEJADIAN 39:2

Manetualain tulu-fali Yusuf, nalosa ana hapu buna-boak tataasesa nai ue-le'din na dalek. Ana leo nai Tuan na, fo hataholi Masir ndia uman.

KEJADIAN 39:21

Tehu Manetualain tulu-fali Yusuf ma sue-lai nahelen, nalosa malanga bui a nahiik non.

KEJADIAN 48:21

Boema Yakob nafa'da Yusuf nae, “Sama leo o mita ka, au mamateng-nga deka so, tehu neukose Manetualain tulu-fali emi ma no falik emi leo emi be'i-ba'i kaim-mala nusan-na meu.

KEJADIAN 50:24

Nafa'da tolanoon-nala nae, “Au mamateng-nga deka so, tehu tao leo bee o, neukose Manetualain nakaboboi emi ma hela-nole emi kalua meme nusak ia mai, leo nusak fo Ana helu basan pake soo-supak neu Abraham, Isak ma Yakob.”

1 TAWARIKH 16:16

Ana tao hehelu-balataan ndia no Abraham, de basa boema no Isak,

MAZMUR 105:8

Ana nafandele hehelu-balataan tataas esa, hehelu-balataan, nananakalala'ok losa dodoon-na.

MAZMUR 105:9

Ana tao hehelu-balataak ndia, no Abraham, de basa boema, no Isak;

MAZMUR 32:8

Manetualain nae, “Neukose Au atu'du o enok fo, o muse la'ok tungan, neukose Au hela-nole o, ma Au anoli-afa'da o.

MAZMUR 39:12

O fepa-li'u hataholi esa nenik huhukuk nanahu salan-na, ma O tao makalulutuk lole-napun sama-na leo andae-a; Tete'ek-ka, hataholi daebafak-ka sama leo ka'da ani hahaek-ka.

KELUARAN 2:24

Manetualain namanenes, ma nafandele hehelu-balataan no Abraham, Isak ma Yakob.

KELUARAN 3:12

Manetualain nataa nae, “Neukose, Au tulu-fali o. Ma metema o moo leoina ndia kalua neme Masir mai soona, neukose emi sene-do'ok neu Au nai letek ia. Ndia da'di buti, nae Au adenu o.”

KELUARAN 6:4

Au amanene basa hataholi Israel-la hoo-ngu'un, fo leoina Masir-ra taos da'di ata, boema Au afandele neu Au hehelu-balataang ndia.

KELUARAN 6:7

Neukose, Au o emi leo nusak fo Au helu basan nenik soo neu Abraham, Isak ma Yakob; Au fe dae ndia neu emi, fo da'di emi pusaka mesam. Au nde Manetualain.”

KELUARAN 6:8

Musa nanduku-nalosak basa Manetualain hala hehelun ndia neu leoina Israel-la, tehu ala ta taoafik neu Musa fa, nanahu tuni-ndenik fo ta nanuu susue-lalaik ndia, taon-nalas ketu namahehenan-nala so.

YESAYA 43:2

Metema, o lena tunga oe dale soona, neukose Au sama-sama o o, neukose, o ta bolo nai, o toto'a-tataam dale fa. Metema, o la'ok tunga ha'i dale soona, neukose ha'i-a, ta na'a naputu o fa, Soso'ba-susu'di mabelaina-la, neukose ta tao soe o fa.

YESAYA 43:5

Boso bii, nana Au asulu-ahapa o. Neme dulu ma neme muli mai, Au adenu o upu-anam, mai lakabubua.

MIKHA 7:20

Soaneu O anam-mala, fo Abraham ma Yakob tititi-nonosin, neukose O matu'du O lilinekam ma O susue-lalaim fo ta nanuu too-lane ndia, sama leo hata fo makahulun eli O helu basan neu ami bei-ba'i kaim-mala so.

BILANGAN 23:19

Manetualain ta sama leo hataholi daebafak-ka fa, fo mu'dak la'iesak-kana, nasasale dale, ma Ana hii nasapepeko-nasandandali. Metema, Manetualain helu soona, tao leo bee-o, Ana tao natetun! Metema Ana kokolak soona, tao leo bee-o, neukose ana da'di!

ULANGAN 1:8

Au, fo Manetualain helu basa, Au fe dae ndia neu emi bei-ba'i kaim Abraham, Isak ma Yakob no basa sila tititi-nonosin-nala. Da'di, meu fo mangatuu-ma, dae ndia leona.’ ”

ULANGAN 34:4

Boema, Manetualain nafa'da Musa nae, “Nusak ndie nde, Au helu fen neu Abraham, Isak ma Yakob, fo ala fen neu sila tititi-nonosin. Musa, Au atu'dun neu o, tehu Au ta nau o muu leo naa muu fa.”

FILIPI 4:9

Ela leo bee na, hata fo emi sipon ma manolin neme au a mai, tao tungan ma manea matalololen; nau neme hala-kokola ka mai do neme tatao-nono'i ka mai boe. Manetualain fo oe mata so'da-mole ka, nonok emi.

IBRANI 11:9

No namahehele ka, de Abraham leo da'dileo hataholi manama nai nusak fo Manetualain helu basak ndia. Abraham leo nai ndia, nai uma lopo dale. Leondiak boe, Isak ma Yakob, ala sipo heheluk fo sama neme Manetualain mai.

IBRANI 6:17

Manetualain kokolak no mahelek neu hataholi-hataholi mana sipo hala hehelu na, nae neukose Ana ta nasafali dale tutu'u na fa. Hu ndia de, Ana tama seluk soo-supak neu hehelun ndia.