KEJADIAN 2:8 - Susula Malalaok Hehelu Palak Ma Hehelu Beuk

⁸ Basa boema, Manetualain tao osi nai Eden boboan dulu, de Ana fe hataholi fo, Ana taon-nak ndia, neu leo nai mamanak ndia.

KEJADIAN 2:8 ပူးပေါင်းရင်းမြစ်များ

KEJADIAN 13:10

Lot nakanae leo boboa-kaisun neu, boema nita la'iesak Bafak Yarden-na lala'en-na, losa leo kota Zoar-ra neu, fo oen-na makadotok, sama leo nai Manetualain Osin-na, do sama leo dae Masir-ra. (Ndia te, Manetualain beita tao namopo Sodom ma Gomora kotan-nala fa.)

KEJADIAN 3:23

Boema, Manetualain usi heni hataholi ndia neme osi Eden-na dalek mai, de nadenun ana foi-fala dae fo ana da'di neme ndia mai.

KEJADIAN 3:24

Basa boema, nai osi ndia boboan dulu, fo nai lelesu leo dalek neu-a, Manetualain pe'da kerub-kerub, lai ndia, ma tafaina esa, isin-na pila lo'a-lo'a, ana puta leo basa mamanak lala'en-na neu, fo nanea enok leo ai manafe maso'dak ndia neu. No enok ndia, ta hapu hataholi esa boen, bisa neu leo dalek neu, fo ana deka no ai ndia.

KEJADIAN 4:16

Boema Kaen la'o neme Manetualain matan-na mai, de ana leo nai dae fo mana'de “Maleu-malaak” nai Eden boboan dulu.

2RAJA-RAJA 19:12

Nai lelek, au bei-ba'i kaing-ngala tao lakalulutuk kota Gozan, Haran ma Rezef-pa, boema ala taolisa hataholi Eden fo manaleo lai Telasar-ra, sila lamatua daebafan-nala ta hapu esa boen, soi-tefa-na sila fa.

YESAYA 51:3

Yerusalem, neukose Au kokoe-nanasi o, ma basa manaleo manai o ai-batu mana tapasasalam-ma. Au tao o moo tokotim-mala, da'di osi, sama leo Eden, fo Au osing maoe-maising-nga. Nai ndia, neukose hataholi-a namahoko-setelee, ma noke makasi nenik nakameek-kala.

YESKIAL 27:23

Kota Haran, Kane, Eden, manadangan-nala leme Syeba mai, kota Asyur ma Kilmad, basa-basas dangan loo o.

YESKIAL 28:13

O mamana leleom-ma nai Eden, fo Manetualain osin-na. O bua papakem-mala, nanabalias nenik poemata mata-matak-kala fo nde: batu dalima dula pilas, batu poemata dula fula-momo'dok, batu poemata dula kunik, batu poemata dula balau, batu poemata dula momo'dok, batu poemata dula kunik mangadilak, batu poemata dula kunik lilopilas, batu poemata dula balau, batu poemata dula momo'dok ma batu alkali pilas. O bua-lo'a lilopilam-mala boeo makadotok. Bua-lo'as sila-la, nanataok soaneu o, nai faik fo o nananakadada'dik-ka.

YESKIAL 31:16

Nai lelek fo, Au akonaheni ai ndia, leo hataholi manamatek-kala mamanan-nala neu soona, nafanduu, fo ana tao-na leoina-kala, ala dele. Basa ai manai Eden dalek-ka, ma basa ai nanahelek manai Libanon fo, ala hapu oe manafaa dolo-dolok-ka, ma manakona basak leo daebafak-ka buin-na leu, neukose lamahoko, hu kande ai ndia tutu'un-na.

YESKIAL 31:18

Ai ndia, nakandandaan-na nde, mane Masir-ra no laun-nala. Ta hapu ai madema, ma ai nanakoa-nanakiok leondiak-ka, nai Eden dalek fa. Tehu besak ia, sama leo ai manai Eden-nala boe, de ai ndia boeo, neukose ana kona leo hataholi manamatek-kala mamanan-na, fo nakabubua no hataholi fo ta lalelak Manetualain-na, ma no hataholi fo ala mate nai natee-natatik dale. Au, Manetualain Fo Mademaina, nde manakokolak-ka.”

YOEL 2:3

Ala tao lisa basa bubu'u-palusa lala'en-na, sama leo ha'i na'as de putus. Makahulun-na, nusak ndia sama leo Eden, fo Manetualain osin-na, Basa ndia boema, nalupa leo mo solokaek fo na'u-aiana ta moli fan. Ta ela hata esa boen, ta hapu hata esa boen, fo naladeak neme lamak sila mamain-na fa.