KEJADIAN 2:1 - Susula Malalaok Hehelu Palak Ma Hehelu Beuk

¹ Boema, basa lalai-a no daebafak-ka nakadada'din-na.

KEJADIAN 2:1 ပူးပေါင်းရင်းမြစ်များ

KEJADIAN 1:1

Nai makasososa oe-oen-na, fo nai lelek Manetualain mulai nakadada'dik lalai-a, ma daebafak-ka,

KEJADIAN 1:10

Manetualain foi dae manama'dak ndia, na'de “Dae ma'dak”, ma Ana foi oe makabubuak ndia, na'de “Tasi”. De Manetualain nita manada'dik ndia, boema namahoko.

KEJADIAN 2:4

Lalai-a, ma daebafak-ka nakadada'din-na, tutuin-na leondiak. Lelek Manetualain tao lalai no daebafak-ka,

2RAJA-RAJA 19:15

boema ana hule-haladoi nae, “Manetualain, fo Israel Manetualain fo nangatuuk nai Kerub lain-na, ka'da O mesa-mesam-ma, nde Manetualain fo koasa basa nusak lala'en-na nai daebafak-ka poin-na. O nde makadada'dik lalai ma daebafak-ka.

2TAWARIKH 2:12

Kokoa-kikiok neu Israel Manetualain fo Manamakadada'dik lalai ma daebafak-ka! Ana fe Dauk ana manek esa manatee tenok nanseli baite dodole da'uk, ma malelak, de besak ia ana bei sanga enok fo napadedeik uma esa ba'eneu Manetualain ma ba'eneu ndia uma manen-na.

NEHEMIA 9:6

Basa boema, laun Israel-la hule-haladoi lae, “O nde Manetualain, O nde Fo Ka'da Kisak; O makadada'dik nduuk ma lalai maloa lala'en-na, boeo tasi ma daebafak-ka no basa oe isin lala'en-na, boema O fe maso'dak ma O makaboboi, Basa koasa manai lalai lala'en-na, sene-do'ok neu O; ala lakatele neu O, ma sene-do'ok.

AYUB 12:9

See, nai basa sila-la dalek, ana ta bubuluk, nae manamakadada'dik sila nde been-na, ka'da Manetualain mesak-kana?

MAZMUR 104:2

ma O malu'e mangale'dok-ka. O bela lalai-a, sama leo lalaa temak-ka,

MAZMUR 146:6

Ndia nde nakadada'dik lalai no daebafak-ka, ma tasi no oe-isin lala'ena,; Ana lilineka losa dodoon-na.

MAZMUR 33:6

Manetualain fe paleta, boema lalai-a da'di; nakadada'dik le'do-a, bulak-ka ma nduuk-kala neme hala-kokolan mai.

MAZMUR 33:9

Nana Ana kokolak, boema basa-basan nananakadada'dik; Ana fe paleta, boema basa-basan da'di.

KELUARAN 20:11

Nai faik nee dalen-na, Au, fo Manetualain, akadada'dik daebafak-ka, lalai-a, tasi-a no basa oe-isin lala'en-na, tehu neu fai ka hitun-na, Au hahaeaong. Hu ndia de, Au, fo Manetualain ba'e-pala fai Sabat-ta ma Au tao alalao-alalafun.

KELUARAN 31:17

Faik ndia nde been-na fai nasanene'dak esa fo nahele neu leoina Israel-la ma Au, nanahu Au, fo Manetualain, akadada'dik basa lalai ma daebafak-ka nai faik nee dalen-na, de nai faik ka hitun-na Au hahae ue-le'dis de Au hahaeaong.”

YESAYA 34:4

Le'do-a, bulak-ka, ma nduuk-kala, neukose lakalulutuk. Neukose nduuk-kala tu'da, sama leo akidook-kala tu'da bepoko leme ai lain mai.

YESAYA 42:5

Amak Manetualain nakadada'dik, ma nakapepela lalai-a; Ana nakadada'dik daebafak-ka, ma basa manamolik manai lain lala'en-na. Ana fe hataholi daebafak-ka, ani hahae maso'dak ma samanek. Ana nanduku-nalosak hala heheluk ia, neu atan-na.

YESAYA 45:12

Au nde Manetualain fo manamakadada'dik daebafak-ka, ma manamakadada'dik hataholi daebafak-ka, fo ana leo nai dalek. Au akapepela lalai-a, nenik Au koasang-nga, ma fe paleta neu le'do, bulak, ma nduuk-kala.

YESAYA 45:18

Manetualain nde nakadada'dik lalai-a, Ndia nde Manetualain-na! Ndia nde manamakadada'dik ma manafe daebafak-ka lupak, Ana taon-nan, natea-nahele, ma napadeik nahele. Ana ta taon-nan da'di mamana nee-nee lino-linok fa, tehu soaneu mamana leleok. Ndia nde nafa'da nae, “Au nde Manetualain, de ta hapu fe'ek fa.

YESAYA 48:13

Au limang-nga nde pe'da daebafak-ka buin-na ma nakapepela lalai-a. Metema, Au aloo na'den-na soona, ala mai no lai-laik.

YESAYA 55:9

Sama leo lalai-a dedeman-na, nai daebafak-ka lain, soona dedemak ndia nde, Au dudu'a-aafing nai emi dudu'a-aafim lain, ma Au enong-nga nai emi enom lain.

YESAYA 65:17

Manetualain nafa'da nae, “Neukose Au tao lalai beuk, ma daebafa beuk. Manada'di makahuluk-kala, neukose nananafandele henik, de ta nafandelen so'on.

YEREMIA 10:12

Manetualain nakadada'dik daebafak-ka nenik koasan-na, Ana heheo-hihiluk daebafak-ka nenik manatee-tenon-na, ma nataba lalai-a nenik dudu'a-aafin-na.

YEREMIA 10:16

Yakob etualain-na ta sama leo sosongo-tatangok ndia fa; Ndia manamakadada'dik basa hata lala'en-na. Na'den-na nde Manetualain Fo Manakoasa; Ndia nde hele Israel da'di Anan-nala.

YEREMIA 8:2

ta soaneu latoi-latono seluk-kasa fa, te nanapo'ilotak nai dae lain, fo da'di kadafuk. Hataholi sila-la duin-nala, besenggela-besenggali lai le'do bulak, ma bana-manu fo ala taos da'di lamatua daebafak, fo ala sue-lais, lalalau-laoonos, ala sene-do'ok neus ma loke natutu'duk-ka, matan-na.

ZAKHARIA 12:1

Manetualain hala hehelun la'eneu Israel nde ia. Manetualain fo nakapepela lalai-a, ma nakadada'dik daebafak-ka, boema manafe maso'dak neu hataholi daebafak-ka, nafa'da nae,

LUKAS 2:13

No kaiboik, ata nusa so'dak ndia sama-sama no ata nusa so'da fe'ek makadotok nan fo koa-kio Manetualain. Lafa'da lae,

HATAHOLI 4:24

Nonoo nala lamanene basa dede'ak sila la boema basa-basas teikesa-dalekesa de ala hule-haladoi neu Manetualain. Ala hule-haladoi lae, “Manetualain, O nde makadada'dik lalai no daebafa ka ma tasi no basa oe isin lala'ena.

HATAHOLI 7:42

Boema Manetualain la'oelas de Ana po'ilota kasa, ala sene-do'ok neu nduuk manai lalai la. Dede'ak ndia nandaa no hata fo nanasulak nai nabi la susulan dale. Nae leo ia ‘Hei hataholi Israe la lemin! Ta soaneu Au emi do'do ma emi tunu-hotu bana dodoo na teuk hahulu dale na, nai mo solokae ka.

ULANGAN 17:3

ma paletan-nala nenik ana sene-do'ok ma amahele neu lamatua daebafak fe'ek-kala, do neu le'do-a, bulak-ka, do nduuk-kala,

ULANGAN 4:19

Boso tao sala-singok, nanahu sene-do'ok ma mamahele neu hata fo emi mitan nai lalai, sama leo: le'do-a, bulak-ka, ma nduuk-kala. Emi Manetualaim-ma po'ilotak leoina fe'ek-kala sene-do'ok neu basa sila-la.

IBRANI 4:3

Tehu ita fo tamahele, neukose masok leo mamana hahae aok fo Manetualain heluk ndia. Ita hapu mamana hahae aok fo Manetualain helun ndia. Dede'ak ndia, nandaa no Manetualain hala nafa'da na, nae leo ia, “Au amanasa, ma Au soo-supa, ‘Neukose ala ta masok leo mamana hahae ao ka, sama-sama lo Au fa.’ ” Manetualain kokolak nae leondia, leomae tatao-nono'in basan ndek Ana nakadada'dik daebafak ia so.