KEJADIAN 10:9 - Susula Malalaok Hehelu Palak Ma Hehelu Beuk

⁹ No Manetualain tutulu-fafalin, de ana da'di hataholi manasopu-manadanga malelaina. Hu ndia de, hataholi-a biasa nafa'da-nae, “Sa'di leo been-na, Manetualain tao o da'di manasopu-manadanga malelaina, sama leo Nimrod.”

KEJADIAN 10:9 ပူးပေါင်းရင်းမြစ်များ

KEJADIAN 10:10

Nai makasososan-na, Nimrod nusan-na neni Babel, Erekh, ma Akad, fo telus lai Babilonia.

KEJADIAN 10:8

Kus bongin-na ana touanak esa, na'de Nimrod, fo hataholi ao makadelek makasososak-ka, nai daebafak-ka.

KEJADIAN 13:13

Hataholi manatao tatao-nono'i mangalauk nanseli-la, ma lasala-lasingo neu Manetualain-na, ala leo nai Sodom ndia.

KEJADIAN 25:27

Ni'iana ka duak sila-la, boetai lamatuak-ka. Esau da'di manasopu-danga malelaina, ma ana hii leo nai mook-kala, tehu Yakob mananee-nee lino-linok, ma ana hii ka'da nai uma.

KEJADIAN 27:30

Isak fe basa baba'e-papalan de Yakob la'o totik boema, no lai-laik Esau, fo ka'an-na fali neme sopu-dangan mai.

KEJADIAN 6:11

Tehu basa hataholi fe'ek-kala, tatao-nono'in-nala mangalauk nai Manetualain mata memeten-na, ma tatao-nono'i ha'da hataholi taan-nala, hapun nai mamanak lala'en-na.

KEJADIAN 6:4

Nai tepo-lelek ndia, ma tepo-lelek maneuk-ka boe, hapu hataholi ao matua ma mademaina, nai daebafak-ka. Hataholi sila-la tititi-nonosik neme hataholi daebafak-kala, anafe'oanan-nala mai, fo ala saoana loo Manetualain anan-nala. Hataholi ao matua ma mademaina sila-la nde been-na palani ta'ti batu-la nanseli, ma hataholi nananita-nalelak nai tepo-lelek makahulun eli.

2TAWARIKH 28:22

Nai maso'dak fo henuk no toto'a-tataak ndia dalek, Ahas boetai tao sala-singok neu Manetualain.

MAZMUR 52:7

Tehu neukose, Manetualain tao namopo-namate o, losa dodoon-na; o nanaho'u-nak ma nanalele'a-lolosok neme o umam mai, ma nanatao namopo-namatek neme hataholi maso'dak-ka, daebafan-na mai.

YESAYA 18:2

Nusaina hataholi nadedenun-nala, ala mai leme nusak ndia mai, lai ofa henak-kala dalek de ala tunga Lee Nil-la. Hai, hataholi nadedenuk dodole da'uk-kala lemin, fali lai-lai leo emi nusam fo, lee sila-la tunga tala'da ndia. Meni hala heheluk esa, soaneu o leoinam fo mabei-balakaik ma makadelek, o hataholim fo mademaina ma lou mangana'uk, ma basa daebafak-ka lala'en-na bii-lamata'us.

YEREMIA 16:16

Manetualain nafa'da nae, “Au sanga alo manadolu-dala ba'uk-ka soaneu ala ho'u-la hataholi-hataholi ia la. Basa soona neukose Au aloo-a manasopu-danga ba'uk-ka soaneu ala sapu-la sila nai basa letek-kala ma pupukuk-kala ma nai basa lea-luak-kala nai batu piak-kala.

YESKIAL 13:18

ma mafa'das hata fo Au, Manetualain Fo Mademaina, afa'da neus: ‘Soe ba'eneu emi! Emi tao aidook neu suek-kala, fo emi fe basa hataholi-la pake suek sila-la, ma emi fes ala pake tema popoti langak fo, nanuu be'i-balakai matuaina, fo ela hataholi manapakek-ka, ana hapu koasa hataholi fe'ek maso'dan-na. Emi mahiik koasa-ma Au anang-ngala masodan ma mamaten-nala, ma emi pake koasa ndia, fo neni fe emi nanalak.

MIKHA 7:2

Hataholi manatao tunga ndoon-na, mopok-kasa leme nusak-ka mai so, hataholi manalilinekak neu Manetualain-na, ta hapus so'on. Hataholi-la esa-esak nahani fai loak soaneu nanisa, esa-esak lona hihi'ik soane nonoo hataholin-na.