KEJADIAN 1:3 - Susula Malalaok Hehelu Palak Ma Hehelu Beuk

³ Manetualain kokolak nae, “Mangale'dok-ka da'di leona!” Boema mangale'dok-ka da'di.

KEJADIAN 1:3 ပူးပေါင်းရင်းမြစ်များ

KEJADIAN 2:4

Lalai-a, ma daebafak-ka nakadada'din-na, tutuin-na leondiak. Lelek Manetualain tao lalai no daebafak-ka,

AYUB 36:30

Ana nangale'do-na lalai lala'en-na, nenik ndelas-sa, tehu tasi buin-na, makahatu kiu-kiuina nahele.

AYUB 38:19

Ade, o bubuluk, mangale'dok-ka, ana mai neme bee mai, ma makahatuk-ka mata matetun-na nai bee?

MAZMUR 104:2

ma O malu'e mangale'dok-ka. O bela lalai-a, sama leo lalaa temak-ka,

MAZMUR 118:27

Amak-ka nde bee-na, Manetualain, dalen-na malole neu ita. Tutulumatak, fo la'ok nongo-nongo, ma ho'u ai ndanak nai emi limam-ma, fo okofeo-ma, Manetualain mei tutunu-hohotun-na.

MAZMUR 148:5

Malole lenak, sila basa-basas koa-kio Manetualain na'den-na, nana basa-basas nananakadada'dik nenik paletan-na.

MAZMUR 33:6

Manetualain fe paleta, boema lalai-a da'di; nakadada'dik le'do-a, bulak-ka ma nduuk-kala neme hala-kokolan mai.

MAZMUR 33:9

Nana Ana kokolak, boema basa-basan nananakadada'dik; Ana fe paleta, boema basa-basan da'di.

MAZMUR 97:11

Mangale'dok-ka, ana tii mai so, ba'eneu hataholi dale ndoos-sa, ma namahokok, soaneu hataholi, manatao tunga ndoon-na.

YESAYA 45:7

Au nde akakadada'dik mangale'dok ma makahatuk, Au fe baba'e-papalak mai, ma soe-a mai. Au nde Manetualain, fo manatao basa sila-la.

YESAYA 60:19

Ta paluu le'do mahaak-ka, la'e o nai fai lele'don-na fa, ma ta paluu bulak-ka, nasalaa la'e o, nai fai le'odaen-na. Nana Au fo Manetualain nde da'di mangale'do manaketu basa tak, ba'eneu o, Au asala ala o, nenik Au matua-mademang.

MATEOS 8:3

Boema Yesus nafaloe hataholi ndia de nafa'dan nae, “Au nau de, hai leona!” No hatematak ndia boe, he'di na mopon.

YOHANIS 1:5

Fo mangale'dok ndia, nandela-nasa'a nai makahatu ka dalek, tehu makahatu ka ta hapu tao namate fan.

YOHANIS 1:9

Mangale'do matetuk fo nangale'do nala basa hataholi daebafa ka, ana mai leo daebafa ka mai.

YOHANIS 11:43

Yesus kokolak basa nae leondia boema, nalo napane'e nae, “Lasarus, leo deak mai leona!”

YOHANIS 3:19

Ala kalaa kana nanahu dede'a ka nde ia: Mangale'dok ndia, ana mai leo daebafa ka mai so, tehu hataholi daebafa ka hii ka'da makahatu ka, te ana ta nau mangale'do ka fa, hu ka nde tatao-nono'i nala, mangalauk.

2 KORINTUS 4:6

Manetualain fo nafa'da nae, “Ela leo bee na neme makahatuk dale mai, mangale'do ka tii,” Manetualain ndia nde nakatitiik mangale'dok ndia nai ita dalen dale, fo ela ita dudu'a-aafin da'di mangale'dok fo ita talelak matalolole Manetualain mandela-masa'an fo nandela-nasa'a neu Kristus mata-panan.

EFESUS 5:14

Nana basa hata fo nananitak no mangale'dok, nde bee na mangale'dok. Hu ndia de, nananafa'dak nae, “Fo'a leona, hei o fo mana sungu ka, ma fo'a falik meme mamate sa mai! Neukose Kristus nandela-nasa'a na o.”

EFESUS 5:8

Makahulu na, emi nai makahatu ka dalek. Tehu besak ia, emi da'di Lamatua ka, hataholi kamahehelen so, da'di emi nai mangale'do ka dalek so. Hu ndia de, emi muse maso'da nai mangale'do ka dalek.

1 TIMOTIUS 6:16

Ka'da Ndia mesa kana nde, mamate sa ta koasa nala fan; Naso'da nai ndela-sa'a ka dalek, fo ta hapu hataholi esa boen, deka no fan. Ma hataholi daebafak esa boeo, beita nitan la'iesa boen, do hapu nita hai son. Basa ha'da-holomata ma koasa ba'eneun, losa dodoo na! Tete'e ka.

1 YOHANIS 1:5

Halak ia nde ami mamanenen neme Manetualain Ana na mai. Boema ami manduku-malosa kana neu emi. Halak ndia nafa'da nae, Manetualain ndia, mangale'do ka huu na. Ta hapu makahatuk faa anak nai dalek boen.

1 YOHANIS 2:8

Leomae leondiak boeo, au sulak paleta ia la, paleta beuk boe; nana ndo na, ita hapu titan nai Kristus ma emi ao inam dale. Nana makahatu ka boetai mopon, de mangale'do matetu ka, ana mulai nangale'do so.