KEJADIAN 1:1 - Susula Malalaok Hehelu Palak Ma Hehelu Beuk

¹ Nai makasososa oe-oen-na, fo nai lelek Manetualain mulai nakadada'dik lalai-a, ma daebafak-ka,

KEJADIAN 1:1 ပူးပေါင်းရင်းမြစ်များ

2RAJA-RAJA 19:15

boema ana hule-haladoi nae, “Manetualain, fo Israel Manetualain fo nangatuuk nai Kerub lain-na, ka'da O mesa-mesam-ma, nde Manetualain fo koasa basa nusak lala'en-na nai daebafak-ka poin-na. O nde makadada'dik lalai ma daebafak-ka.

1 TAWARIKH 16:26

Leoina fe'ek kala lamatua daebafan-nala ka'da dodoki-dudula sosongo-tatangok mesan. Tehu Manetualain nde been-na manamakadada'dik lalai ma daebafak ka.

2TAWARIKH 2:11

Da'di leo babalak soaneu Manek Salomo susulan ndia, Manek Hiram-ma haitua susulak fo liin-na nae leo ia, “Nanahu Manetualain sue-lai anan-nala de Ana so'u basa Tuan da'di sila manen-na.

NEHEMIA 9:6

Basa boema, laun Israel-la hule-haladoi lae, “O nde Manetualain, O nde Fo Ka'da Kisak; O makadada'dik nduuk ma lalai maloa lala'en-na, boeo tasi ma daebafak-ka no basa oe isin lala'en-na, boema O fe maso'dak ma O makaboboi, Basa koasa manai lalai lala'en-na, sene-do'ok neu O; ala lakatele neu O, ma sene-do'ok.

AYUB 26:13

Ani hahaen-na sasapu lalai, nalosa namaneu nanseli; Ana taonisa buta tasi manamalaik-ka,

AYUB 38:4

Lelek Au akadada'dik daebafak ia, te o so do beik? Metema, memak o malelam-ma ba'uk soona, mataa leona!

AYUB 9:8

Ana nakapepela lalai, ta no tutulu-fafalik neme su'di see mai boen; Ana heheta-aa'i buta tasi-a muliha'in-na.

MAZMUR 102:25

Boema au afa'da ae, “Ou Manetualain, boso ho'i-ma au so'dang-nga, nai lelek au so'dang-nga ba'e duak.” Manetualain, O maso'da losa dodoon-na,

MAZMUR 104:24

O ue-le'dim makadotok nanseli, Manetualain, O makadada'dik basa-basan nenik manatee-tenok; daebafak-ka henuk no basa hata, fo O makadada'dik-kana.

MAZMUR 104:30

Tehu metema, O fes ani hahaek soona, sila nananakadada'dik; O fe so'da beuk neu daebafak-ka.

MAZMUR 115:15

Ela leo bee-na, Manetualain fo, manamakadada'dik lalai no daebafak-ka, Ana fe emi baba'e-papalak!

MAZMUR 121:2

Au manatulu-manafaling, ana mai neme Manetualain fo manamakadada'dik lalai-a no daebafak-ka.

MAZMUR 124:8

Ita tutulu-fafalin, ana mai neme Manetualain fo, manamakadada'dik lalai no daebafak-ka.

MAZMUR 134:3

Ela leo bee-na Manetualain, Manetualain fo, manamakadada'dik lalai no daebafak-ka, fe mi baba'e-papalak, neme Sion mai!

MAZMUR 136:5

Ana nakadada'dik lalai nenik manatee-tenon-na; susue-lalain manaketu-basa tak, losa dodoon-na.

MAZMUR 146:6

Ndia nde nakadada'dik lalai no daebafak-ka, ma tasi no oe-isin lala'ena,; Ana lilineka losa dodoon-na.

MAZMUR 33:6

Manetualain fe paleta, boema lalai-a da'di; nakadada'dik le'do-a, bulak-ka ma nduuk-kala neme hala-kokolan mai.

MAZMUR 33:9

Nana Ana kokolak, boema basa-basan nananakadada'dik; Ana fe paleta, boema basa-basan da'di.

MAZMUR 8:3

de ni'iana manasu'uk-kala, ma ni'iana bongi beuk-kala lakameen. O paletam-ma, matea-mahelek, ma ta nanggengo fo tao makatema musu-a, ma hataholi mana lape'da dalek-ka, bafan-na.

MAZMUR 8:4

Metema, au mete lalai fo, O makadada'dik-ka, bulak ma nduuk fo, O pasak-ka soona,

MAZMUR 90:2

Lete-letek-kala beita nananakadada'dik, ma daebafak-ka beita nalupa daebafak fa, O nde Manetualain fo, manaketu basa tak, makasososan ta, ma mate'en ta.

MAZMUR 96:5

Leoina fe'ek-kala, lamatua daebafan-nala ka'da dodoki-dudula sosongo-tatangok mesan, tehu Manetualain nde bee-na, manamakadada'dik lalai maloaina.

KELUARAN 20:11

Nai faik nee dalen-na, Au, fo Manetualain, akadada'dik daebafak-ka, lalai-a, tasi-a no basa oe-isin lala'en-na, tehu neu fai ka hitun-na, Au hahaeaong. Hu ndia de, Au, fo Manetualain ba'e-pala fai Sabat-ta ma Au tao alalao-alalafun.

KELUARAN 31:18

Manetualain kokolak basa no Musa nai Letek Sinai lain boema, Ana fen batu bebelak dua, fo Manetualain sulak paletan-nala nai dalek.

AMSAL 16:4

Manetualain tao basa hata lala'en-na, nanuu tetee-tutu'dan; fo tetee-tutu'dan ba'eneu hataholi mangalauk-ka nde been-na, momopo-mamatek-ka.

AMSAL 3:19

No manatee-tenok-ka, de Manetualain nakadada'dik daebafak-ka; no dudu'a-aafi matanen-na, de nakapepela lalai neu mamanan-na.

PENGKHOTBAH 12:1

Mafandendelek manamakadada'dik o-a, beidai o bei muli-solum-ma, nai lelek teu-teuk fo henuk no doidosok-ka beita losa fa. Nai tepo-lelek ndia, neukose o mafa'da mae, “Au so'dang-nga ua-nalen ta.”

YESAYA 37:16

“Manetualain Fo Manakoasa, fo Israel Manetualain-na, fo nangatuuk nai kerub lain, Ka'da O mesa-mesam-ma nde Manetualain, fo koasa basa nusak manai daebafak-ka lala'en-na. O nde makadada'dik lalai ma daebafak-ka.

YESAYA 40:21

Masa bole, o ta bubuluk, ma ta mamanene, ma o ta hapu halak neme makahulun-na mai fa? Masa bole, o ta bubuluk neme makasososan mai, daebafak-ka dada'din makasososan-na leo beek fa?

YESAYA 40:26

Manganalo leo lalai mu, fo taoafik leona! See kande, nakadada'dik nduuk-kala? Ndia nde ito-atos sama leo solda'du-la. Ana bubuluk, basa-basas dede'un-nala, ma naloo esa-esak, nenik na'den-na. Ta mopo esa boen, nanahu Manetualain koasan-na, ba'un-na seli!

YESAYA 40:28

Masa bole, o ta bubuluk, ma ta mamanene fa? Amak-ka nde, Manetualain fo, manaketu-basa taak-ka, fo mana makadada'dik daebafak-ka lala'en-na. Ana ta sota-mangu nita fa; hataholi daebafak, ta hapu neuk nala dudu'a-aafin fa.

YESAYA 42:5

Amak Manetualain nakadada'dik, ma nakapepela lalai-a; Ana nakadada'dik daebafak-ka, ma basa manamolik manai lain lala'en-na. Ana fe hataholi daebafak-ka, ani hahae maso'dak ma samanek. Ana nanduku-nalosak hala heheluk ia, neu atan-na.

YESAYA 44:24

Manetualain fo o manasoi-manatefam, ma Ana taon-na manu lupak, nai lelek o inam nailu o-a, “Au nde Manetualain fo manamakadada'dik basa hata lala'en-na, fo Au mesang-nga nde akapepela lalai-a, ma Au akadada'dik daebafak-ka, ta no tutulu-fafalik neme su'di see mai boen.

YESAYA 45:18

Manetualain nde nakadada'dik lalai-a, Ndia nde Manetualain-na! Ndia nde manamakadada'dik ma manafe daebafak-ka lupak, Ana taon-nan, natea-nahele, ma napadeik nahele. Ana ta taon-nan da'di mamana nee-nee lino-linok fa, tehu soaneu mamana leleok. Ndia nde nafa'da nae, “Au nde Manetualain, de ta hapu fe'ek fa.

YESAYA 51:13

Masa bole, o mafandele heni Manetualain, fo manamakadada'dik o, fo mananakapepela lalai ma manape'da daebafak-ka buin-na? Tao le'e de, o dele faik-katemak esa dalen-na, neu hataholi manatuni-ndenik-ka, nasa manalua ponu-ponun-na, fo naheheleaon soaneu tao namate-namopo-ka? Te'e-te'e, sila nasa manalua ponu-ponun-na, neukose ta la'e o fa.

YESAYA 51:16

Au nde akapepela lalai-a ma manape'da daebafak-ka buin-na. Au afa'da neu Sion ae, Au anang-nga nde o; Au fe Au nanoling-nga, neu o, ma Au asulu-ahapa o, nenik Au koasang-nga.”

YESAYA 65:17

Manetualain nafa'da nae, “Neukose Au tao lalai beuk, ma daebafa beuk. Manada'di makahuluk-kala, neukose nananafandele henik, de ta nafandelen so'on.

YEREMIA 10:12

Manetualain nakadada'dik daebafak-ka nenik koasan-na, Ana heheo-hihiluk daebafak-ka nenik manatee-tenon-na, ma nataba lalai-a nenik dudu'a-aafin-na.

YEREMIA 32:17

“Manetualain Fo Madema ina, O nde makadada'dik lalai-a ma daebafak-ka nenik O koasam-ma, ma O be'i-balakaim fo matuaina ndia. Ta hapu hata esa fo matea ba'eneu O fa.

YEREMIA 51:15

Manetualain nakadada'dik daebafak-ka tunga hihi-nanaun-na, neme basa daebafak-ka bu'un-nala mai, ma ana betubala lalai-a tunga ndia dudu'a-aafin-na.

ZAKHARIA 12:1

Manetualain hala hehelun la'eneu Israel nde ia. Manetualain fo nakapepela lalai-a, ma nakadada'dik daebafak-ka, boema manafe maso'dak neu hataholi daebafak-ka, nafa'da nae,

MATEOS 11:25

Lelek ndia, Yesus hule-haladoi nae, “Amak, fo Lamatuak mana koasa lalai a ma daebafa ka! Au oke makasi neu O, nanahu basa dede'ak sila la, O bibila babaas soaneu hataholi malela kala ma hataholi malela ina la, tehu O matu'dun neu hataholi mana sakola ta kala.

MARKUS 13:19

Neu fai-faik mangalauk matuaina sila la, neukose hapu susa-soe esa fo susa-soe ndia, ana beita da'di nita nai daebafa ka, mulai neme Manetualain nakadada'dik daebafa ka losa besak ia, tehu neukose ana ta da'di so'on.

HATAHOLI 14:15

“Wei, te tao le'e de emi tao tataos ia? Ami ia hataholi daebafak sama leo emi boe! Ami nai ia nana, ami tui-benga Hala Malole ndia neu emi, fo ela emi tu'u-tapaheni emi tatao-nono'i sosoa-ndandaa tak ia, fo mai leo Manetualain fo maso'dak, ma mana makadada'dik lalai ma daebafa ka, boema tasi no oe isin lala'ena.

HATAHOLI 17:24

Manetualain fo mana makadada'dik daebafak ia no basa oe isin lala'ena. Ndia nde bee na Lamatuak neu lalai a no daebafa ka. Ana ta leo nai nitu lalais ala uman, fo hataholi daebafa ka tao ka fa.

HATAHOLI 4:24

Nonoo nala lamanene basa dede'ak sila la boema basa-basas teikesa-dalekesa de ala hule-haladoi neu Manetualain. Ala hule-haladoi lae, “Manetualain, O nde makadada'dik lalai no daebafa ka ma tasi no basa oe isin lala'ena.

ROMA 11:36

Manetualain nde nakadada'dik basa hata lala'ena. Basa-basan da'di neme Manetualain mai, ma basa-basan soaneu Manetualain. Kokoa-kikiok ba'eneu Manetualain losa dodoo na! Amin.

1 KORINTUS 8:6

Tehu ba'eneu ita soona, Manetualain ka'da esa. Ndia nde Amak, fo mana makadada'dik basa hata lala'ena. Fo ita taso'da soaneu Ndia. Ma Lamatuak ka'da esa boe, fo nde Yesus Kristus. Tunga Ndia de, Manetualain nakadada'dik basa hata lala'ena, ma hu ka nde Ndia boe, de ita taso'da.

EFESUS 3:9

ma boeo, fo ela tunga au fo, basa hataholi la bubuluk, tao leo beek de Manetualain fo mana makadada'dik lalai a no daebafa maloa ia, Ana tao-no'i dale tutu'un fo, neme makahulun eli mai a, nananafunik soaneu daebafa ka.

IBRANI 1:10

Basa boema Manetualain boeo nafa'da nae, “O nde bee na Lamatuak. O nde, fo nai makasososa na, makadada'dik daebafa ka, fo mana tao lalai a ninik O lima ma mesa kana.

IBRANI 1:2

Tehu nai le'do fai mate'ek ia, Ana kokolak no ita tunga Ana na. Tunga Anan ia nde, Manetualain nakadada'dik lalai ma daebafa ka no basa oe isin lala'ena. Ma Manetualain naketu basa, nae Anan ndia boeo nde nanuu hak nanuu basa hata lala'ena.

IBRANI 11:3

Hu ka nde namahehele ka, de ita talelak tae daebafa ka no lalai maloa ia, nananakadada'dik neme Manetualain hala-kokolan mai. Da'di hata fo hapu nananita ka, ana da'di neme hata fo ta hapu nita fan.

IBRANI 3:4

Memak uma la esa-esak hapu mana mafofo'ak, tehu mana mafofo'a basa hata lala'ena nde bee na Manetualain dei.

2 PETRUS 3:5

Ta'ko ala ta nau manaku lae, makahulun eli, Manetualain nakadada'dik lalai a no daebafa ka ninik ka'da hala-kokolan mesa kana fa. Manetualain nakadada'dik daebafa ka neme oe a mai, ma no oe;

1 YOHANIS 1:1

Susulak ia isi na la'eneu, dede'a-kokolak mana fe maso'dak ndia hapun te, daebafak ia beita da'di fa. Ami mamanene matam, dede'a-kokolak ndia. Ta ka'da ami mita fan, te ami ho'u la'en so boe.

NINITAK 10:6

Ana soo-supa ninik Manetualain fo maso'dak losa dodoo na, ma mana makadada'dik lalai a, daebafa ka, ma tasi no basa hata lala'en fo manai dale ka. Ata nusa so'dak ndia nae, “Fai na neukose ta nakadodoo kana so'on!”

NINITAK 14:7

Ata nusa so'dak ndia nalo bou-bou napane'e nae, “Bii neu Manetualain leona, ma koa-kio matua-mademan! Nana fai na losa soaneu Manetualain naketu-nala'di hataholi daebafa ka so. Sene-do'ok neu Ndia fo mana makadada'dik lalai a, daebafa ka, tasi a ma basa oemata lala'ena!”

NINITAK 21:6

Boema Ana kokolak nae, “Basa so! Au nde Alfa ma Omega, fo makassososak ma mate'ek. Au nde Lamatuak neme Makasososak ma Makabuik. Basa hataholi mana maa ma'da kala, neukose Au fes linu hiik neme oe mata fo manafe maso'da ka.

NINITAK 22:13

Au nde Alfa ma Omega fo makasososak ma mate'ek; Au nde Lamatuak neme makahulu na losa makabui na.”

NINITAK 3:14

“Neu ata nusa so'da salanik manai Laodikia la sulakman leoiak: Ia nde hala heheluk neme Ndia fo loken lae Amin, sakasii fo mana lilinekak ma ndoos, oemata basa hata lala'ena fo nananakadada'dik neme Manetualain mai.

NINITAK 4:11

“Ou, Lamatuak, ou ami Manetualaim! Ka'da O nde mandaa sipo kokoa-kikiok, ha'da-holomata, ma koasa. Nana O nde makadada'dik basa hata lala'ena, ma no O hihii-nanaum boe de basa hata lala'en sila la, ala da'di ma laso'da so.”