IMAMAT 9:7 - Susula Malalaok Hehelu Palak Ma Hehelu Beuk

⁷ Basa ndia boema, nafa'da Harun nae, “Muu leo mei tunu-hotuk-ka muu, fo sadia tutunu-hohotuk sala-singok hapu do'o do ampon, ma tutunu-hohotuk nanatunuk-ka, fo ela Manetualain fe do'o do ampon neu o sala-singom ma salanik-ka sala-singon. Taon sama leo hata fo Manetualain paletan.”

IMAMAT 9:7 ပူးပေါင်းရင်းမြစ်များ

IMAMAT 16:11

Harun tunu-hotu, ma ana do'do basa sapi mane-a, soaneu tutunu-hohotuk neu ndia no teidale-bobongin-nala sala-singon hapu do'o do ampon,

IMAMAT 16:24

Boema, muse nadiu oe nai mamanak esa nanahele hehelik, fo ana pake ndia papaken-na. Basa ndia soona, muse ana kalua, fo ana tunu-hotu tutunu-hohotuk soaneu ndia mesak-kana sala-singon, ma leoina Israel-la sala-singon hapu do'o do ampon

IMAMAT 16:6

Harun muse tunu-hotu sapi mane esa, soaneu tutunu-hohotuk neu ndia no teidale-bobongin-nala sala-singon hapu do'o do ampon.

IMAMAT 4:3

Metema manatao sala-singok-ka nde Imam Matuaina, nalosa basa leoina Israel-la tao salak soona, muse ana tunu-hotu fe Manetualain, sapi maneanak esa, ta lu'u-la'ak fa, fo ela sala-singon hapu do'o do ampon.

IMAMAT 8:34

Manetualain paleta, fo ela hata fo ita taon faik ia, boeo nanataok nai fai-fai manamaik-kala. No feta ndo eik ndia, de emi sala-singom hapu do'o do ampon.

IMAMAT 9:2

Musa nafa'da Harun nae, “Pa'a-ma sapi maneanak esa, ma bi'ilopo mane esa, duas ta lu'u-la'ak fa. Tunu-hotu bana ka duak sila-la soaneu Manetualain, fo sapi mane-a, soaneu tutunu-hohotuk sala-singok hapu ampon, ma bi'ilopo mane-a, soaneu tutunu-hohotuk nanatunuk.

IBRANI 5:1

Imam matua ina, nanahelek neme hataholi kamahehele kala tala'da mai, ma nanaso'uk soaneu nalalalau-naoono Manetualain da'dileo hataholi kamahehele kala lima boa kona na. Bela-ba'un nde, ana tunu-hotu fe Manetualain, fee-feek ma tutunu-hohotuk soaneu sala-singo kala nanafe do'o do ampon.

IBRANI 5:3

Ma hu ka nde tapandoen ndia de, metema ana fe tutunu-hohotuk, soona ta ka'da hu ka nde hataholi kamahehele kala sala-singo nala fa, te huka nde ndia sala-singo nala boe.

IBRANI 9:7

Imam mana masok leo uma lopo ndia kama mate'e na neu a, ka'da imam matua ina mesa kana. Teuk esa soona, ana leo kama ndia dalek, ka'da la'i esa. Neu soona, nini bana daa, fo ana tunu-hotu fe Manetualain, soaneu ndia sala-singon, ma soaneu hataholi kamahehelek see, fo ta name'da fa te ana tao sala-singok so.

SEMUEL SUSULAK-KA ESAN-NA 3:14

Hu ndia de, Au soo-supa fe Eli teidale-bobongin-na, ae leomae tutunu-hohotuk do tunu-hotu matak leo beek ndia boeo, neukose ta hapu lose heni sila sala-singo matuainan ndia, losa dodoon-na.”