IMAMAT 8:8 - Susula Malalaok Hehelu Palak Ma Hehelu Beuk

⁸ Boema ana tao babaa fanak-ka neu Harun, ma ana tao Urim ma Tumim-ma, leo babaa fanak ndia dalek neu

IMAMAT 8:8 ပူးပေါင်းရင်းမြစ်များ

EZRA 2:63

Boema, nusa Yehuda filana-la, ana kena-ka'is, fo boso la'a nana'ak fo ala fen neu Manetualain, losa hapu imam esa noke natutu'duk nenik, ana pake Urim ma Tumim.

NEHEMIA 7:65

Nusa Yudea Gobelnol-la kena-ka'is, fo boso la'a nana'ak fo nanatunu-hotu fen neu Manetualain, losa hapu imam esa, fo noke natutu'duk nenik ana pake Urim ma Tumim.

KELUARAN 29:1

“Harun no anan-nala nana ndo ein-na leoiak, fo ela ala hapu lalalau-laoono Au da'dileo imam. Ho'u-ma sapi maneanak esa ma bi'ilopo mane dua ta lu'u la'ak fa.

KIDUNG AGUNG 8:6

Tao au da'di o inaana susuem, boso holu esa boen, te holu ka'da au mesang-nga; nanahu susue tou-ta'ek ndia balakain-na ba'u mamates-sa, ma dale hihii sao-anan-na, sama leo mamates-sa. Pilan-na sama leo ha'i pilan-na fo ana pila lo'a-lo'a.

YESAYA 59:17

Ana pake ndoos ma matetuk-ka, ma so'da-molek-ka, da'di leo ba'du besik, ma ti'ilanga bai. Dalen-na kisak soaneu Ana tao nabebeu, ma Ana balas hataholi ta manatao ndoos ma matetuk-ka fa.

BILANGAN 27:21

Yosua muse noke natutu'duk neme Imam Eleazar-ra mai, ma Eleazar muse natane Au hihii-nanaung nenik ana pake Urim ma Tumim. No enok ndia, hela-nole Yosua, ma basa leoina Israel-la lala'en-na, nai basa dede'ak lala'en fo latongo loon.”

EFESUS 6:14

Ela leo bee na, emi manea tataas esa. Pake lilinekak neu Manetualai na, da'di neu kalikee, boema dale ndo sa, da'dileo, o ba'du besi ma.

ULANGAN 33:8

La'eneu Leo Lewi-a, Musa nafa'da nae: “No batu Urim-ma, ma batu Tumim-ma O mafa'da O hihii-nanaum, tunga hataholi Lewi fo O atam manalilinekam-ma. O so'ba-su'di basan, neme Masa so, ma O male'a moos neme Meriba.

1 TESALONIKA 5:8

Tehu ita nde bee na, hataholi fo naso'da nai mangale'do ka dalek, nai fai lele'do na; hu ndia de, ita dudu'a-aafin boeo, muse mangale'dok. Ita muse tamahele tahele Lamatua ka, ma sue-lai hataholi fe'ek, boema tamahena no namahehelek tae, neukose Manetualain soi-tefa na ita. Ndia nde tee-tafa fo nasulu-nahapa ita, nai lelek ita laban makahatu ka.

SEMUEL SUSULAK-KA ESAN-NA 2:28

Neme basa leo Israel-la lala'en-na mai, Au hele basa teidale-bobongin-nala da'di Au imam so, fo lalalau-laoono nai mei tunu-hotuk-ka, tunu boomenik, ma pake ba'du efod, metema ala kokolak loo Au. Ma Au fe basa hak neu sila, boema sila tititi-nonosin, fo ala ho'i baba'ek neme tutunu-hohotuk fo nanatunuk nai mei tunu-hotuk-ka.

SEMUEL SUSULAK-KA ESAN-NA 28:6

Boema, noke natutu'duk neme Manetualain mai, tehu Manetualain ta nataa fa, nau tunga me'i-afek do tunga batu Urim ma Tumim-ma, do tunga nabi-la boe.