IMAMAT 8:4 - Susula Malalaok Hehelu Palak Ma Hehelu Beuk

⁴ Musa tao tunga hata fo Manetualain paletan. Lelek basa hataholi Israel-la lala'en-na lakabubua nai mamanak ndia boema,

IMAMAT 8:4 ပူးပေါင်းရင်းမြစ်များ

KELUARAN 39:1

Bezaleel no Aholiab tao bua papake makaluku-makatele neme temak kabelik balau, pilabalanggeok ma pilas soaneu basa imam-mala nai lelek lalalau-laoono nai Kama Malalao-malalafuk dale. Papake imam soaneu Harun, nanataok sama leo hata fo Manetualain paletan neu Musa.

KELUARAN 39:21

Nandaa no Manetualain paletan neu Musa, de suek babaa fanak-ka nanatutik no tali balau manai efod, nalosa babaa fanak ndia nahele nai kalikee lain de ta natapo'i fa.

KELUARAN 39:29

ma kalikee nanatenuk neme temak abalutu, temak kabelik balau, pilabalanggeok ma temak pilas, fo balias-sana nenik seseu-sosoo mana'ahiik, sama leo Manetualain paletan neu Musa.

KELUARAN 39:5

Kalikee abalutu-a, ala taon neme abas matak esa mai, de ala seun neu ba'du sakun ndia, nalosa ala da'di esa, sama leo hata fo Manetualain paletan neu Musa.

KELUARAN 39:7

Basa boema, ala tao batu sila-la neu efod-ta tali alun-nala da'dileo ta'du-tana nasanene'dak neu Israel leo ka 12n-nala, sama leo hata fo Manetualain paletan neu Musa.

IMAMAT 8:13

Boema, nadenu Harun anan-nala leo mata leu. Ana pakes ba'du kabaek ma kalikee. Boema ana pa'a fefeo langak-ka neu langan-nala, sama leo Manetualain paleta neun.

IMAMAT 8:17

Tehu, sapi ndia paan-na, loun-na ma tei-ate lenan-nala, ma tei lutun-na boe, da'di sapi ndia paan-na lala'en-na, ta'da fe'ek bibiak nanatao kofe'ek-kala, ana tunun nai mamana ofu-a deak, sama leo Manetualain paletan-na.

IMAMAT 8:29

Boema Musa ho'i-na bi'ilopo ndia tenen-na, de ana tunu-hotun da'di leo tutunu-hohotu natutu'duk neu Manetualain. Musa baba'en-na nde ndia, neme bi'ilopo mane fo nanatunu-hotuk soaneu feta ndo ei imam-ma. Basa sila-la Musa taon, sama leo Manetualain paleta neun.

IMAMAT 8:3

Boema madenu basa leoina Israel-la lala'en-na, lakabubua nai Au Lalaa Temang-nga lelesun-na bafan-na.”

IMAMAT 8:35

Nai faik hitu dalen-na, lele'do-le'odaen, emi muse mahele nai Lalaa Temak-ka lelesun-na bafan-na, fo tao hata fo Manetualain paletan. Metema, emi ta tao tunga fan soona, neukose mate emi. Dede'ak ndia, nde Manetualain paletan neu au.”

IMAMAT 8:5

Musa nafa'das nae, “Hata fo au taon besak ia nde been-na, Manetualain paletan ndia.”

IMAMAT 8:9

Boema, ana pa'a fefeo langak-ka neu Harun langan-na, ma ana so'dok lilopilas neu fefeo langak ndia, fo da'di ta'du-tana, nae Harun da'di Manetualain nuun so. Musa tao basa sila-la tunga Manetualain paletan-na.

MATEOS 28:20

Boema manolis, fo ala tao tunga basa hata fo Au paleta basan neu emi a. Ma mafandendelek te, neukose Au o ahele emi losa fai mate'e ka.”

1 KORINTUS 11:23

Nana hata fo au anolin neu emi ndia, au sipon neme Lamatua ka mesa kana mai fo nae: nai le'odaek ndia, nai lelek Yesus fo ita Lamatua na nanake'dindiu ka, Ana ho'i na loti,

1 KORINTUS 15:3

Hata fo au anduku-alosa kana neu emi ndia, nde bee na hata fo au sipon boe. Fo nanapaluuk nanseli a, sama leo nanasulak nai Susula Malalaok dale, au anduku-alosa kana neu emi ae, hu ka nde ita sala-singon de Kristus mate;

ULANGAN 12:32

Tao-no'i basa hata lala'en fo, au paletan neu emi; boso popo-tama do ho'i heni faa anak boen.