IMAMAT 8:29 - Susula Malalaok Hehelu Palak Ma Hehelu Beuk

²⁹ Boema Musa ho'i-na bi'ilopo ndia tenen-na, de ana tunu-hotun da'di leo tutunu-hohotu natutu'duk neu Manetualain. Musa baba'en-na nde ndia, neme bi'ilopo mane fo nanatunu-hotuk soaneu feta ndo ei imam-ma. Basa sila-la Musa taon, sama leo Manetualain paleta neun.

IMAMAT 8:29 ပူးပေါင်းရင်းမြစ်များ

MAZMUR 99:6

Musa ma Harun, nanalekek nai Ndia imam-mala dalek, Semuel nde bee-na, hataholi esa fo, ana hule-haladoi neun, Ala laloo bou-bou neu Manetualain, de Ana fe natataak.

YESAYA 66:20

Neme nusak sila-la mai, neukose ala loo falik emi tolano-tolanoom fo, leoina esa, da'di leo bua palsen soaneu Au. Neukose ala lo hataholi sila-la, leo Au pupukung fo malalao-malalafung-nga neu nai Yerusalem no ala sa'e ndala, keledei ma onta, ma no kaleta boema nggalobak, sama leo hataholi Israel-la biasa leni tunu-hotu gandum nai mamana balisi dale, leo Manetualain Uman neu.

1 KORINTUS 10:31

Emi tao su'di beek ndia boe, emi mi'a do emi minu ma tao basa sila la soaneu koa-kio Manetualain.

1 PETRUS 4:11

Hataholi mana manduku-malosak hala ka, muse nanduku-nalosak halak maneme Manetualai na mai; hataholi mana malalau-maoono hataholi fe'e ka, muse nalalau-naoono ninik be'i balakaik maneme Manetualai na mai, fo ela nai basa dede'ak lala'e na dalek, Manetualain nananamatutua-namadedemak tunga Yesus Kristus. Ndia nde mana koasa ma nandaa nana namatutua-namadedemak losa dodoo na. Amin.