IMAMAT 7:30 - Susula Malalaok Hehelu Palak Ma Hehelu Beuk

³⁰ Ndia mesak-kana nde muse neni tutunu-hohotu nana'ak ndia. Muse ana tunu-hotu bana ndia minan-na, ma tenen-na, fo da'di leo tutunu-hohotuk natutu'duk ba'eneu Manetualain.

IMAMAT 7:30 ပူးပေါင်းရင်းမြစ်များ

MAZMUR 110:3

Nai faik o mai no koasa, nai pupukuk malalao-malafuk-ka, o laum-mala tutulumatak no sila hihii-nanau mesan-na. Sama leo dinis-sa nai fai fafain-na, basa touana muli-soluk-kala, ala mai leo o mai.

IMAMAT 10:14

Tehu o ma o anatou-anainam-mala, bole mi'a bana tutunu-hohotu natutu'duk-ka tenen-na, ma bana tutunu-hohotu hehelik-ka sakibolon-na. Basa sila-la nde da'di imam-mala baba'en-na neme leoina Israel-la tutunu-hohotu mole-damen-na mai. Emi bole mi'an su'di nai mamanak bee boe, sa'di ta manggenggeok fa.

IMAMAT 10:15

Muse ho'i meni bana tutunu-hohotu hehelik-ka sakibolon-na, ma bana tutunu-hohotu natutu'duk-ka tenen-na, sama-sama no minan-na, soaneu tutunu-hohotu nanatunuk-ka, fo da'di leo tunu-hotu hehelik ba'eneu Manetualain. Paa bibiak sila-la, ala da'di o ma o anam-mala nuun, losa dodoon-na, sama leo Manetualain paletan-na.”

IMAMAT 3:14

Soaneu tutunu-hohotu nana'ak ba'eneu Manetualain-na, imam-ma muse tunu-hotu: bi'ihiik ndia mina tei-aten, minan-na,

IMAMAT 3:9

Soaneu tutunu-hohotuk mole-dame ba'eneu Manetualain-na, imam-ma muse tunu-hotu: bi'ilopo ndia minan-na, iko maminan-na la'iesak, keen deka no dui muliha'in-na, mina tei-aten,

IMAMAT 8:27

Ana fe basa-basas leo Harun no anan-nala neu, boema ala tunu-hotun, da'di leo tunu-hotu natutu'duk ba'eneu Manetualain.

IMAMAT 8:29

Boema Musa ho'i-na bi'ilopo ndia tenen-na, de ana tunu-hotun da'di leo tutunu-hohotu natutu'duk neu Manetualain. Musa baba'en-na nde ndia, neme bi'ilopo mane fo nanatunu-hotuk soaneu feta ndo ei imam-ma. Basa sila-la Musa taon, sama leo Manetualain paleta neun.

IMAMAT 9:20

bana ka duak sila-la tenen lain, boema Harun tunus nai mei tunu-hotuk lain.

IMAMAT 9:21

Ana tunu-hotu bana sila-la tenen-na, ma sakibolo konan-na, fo da'di leo tutunu-hohotu natutu'duk ba'eneu Manetualain. Basa imam-mala baba'en-na nde ndia, sama leo Musa paletan-na.

BILANGAN 6:20

Boema imam-ma, muse natu'du nana'ak sila-la, da'di leo fee-fee hehelik neu Manetualain; ndia nde been-na, baba'e malalao-malalafuk, fo imam-ma baba'en-na nde ndia, baba'ek ndia fe'ek neme bi'ilopo mane-a tenen-na, ma sakibolon-na, fo tunga nakanenetek-ka soona, imam-ma baba'en-na nde ndia so. Basa ndia soona, besak-ka hataholi nazir ndia, bole ninu angol.

BILANGAN 8:11

boema Harun muse fe hataholi Lewi sila-la, da'di leo hataholi Israel-la tunu-hotu hehelin soaneu Au, fo ela ala hapu tao Au nakalupu-nakatela.

YOHANIS 10:18

Ta hapu hataholi esa boen, hapu ho'i fali kana neme Au mai fa. Nana Au fen tunga Au hihii-nanau mesa nga. Au anuu koasa soaneu Au feheni Au maso'da nga, ma anuu koasa soaneu ho'i fali kana. Bela-ba'uk ndia, Au sipon neme Ama ka mai.”

2 KORINTUS 8:12

Metema te'e-te'e emi nau fe soona, neukose Manetualain sipok emi fefeem ndia, tunga hata fo emi manuun, te ta tunga hata fo emi ta manuu fan.

ULANGAN 18:3

Metema, hataholi esa, ana tunu-hotu tutunu-hohotuk sapi do bi'ilopo, soona fe bana ndia eialun-na, timin-na, ma tei-aten leo imam-mala neu, fo da'di neu sila baba'en-na.