IMAMAT 7:2 - Susula Malalaok Hehelu Palak Ma Hehelu Beuk

² Bana soaneu tutunu-hohotuk ndia, muse do'don nai mamanak do'do bana, soaneu tutunu-hohotu nanatunuk-ka, boema pisi daan-na neu mei tunu-hotuk-ka boboan haas.

IMAMAT 7:2 ပူးပေါင်းရင်းမြစ်များ

YESAYA 52:15

Tehu besak ia, ana taon-na leoina makadotok dodoo doak-kana, mane-manek-kala, ta lahahala fa, nanahu ala dodoo doak-kana. Neukose ala lita, ma lalelak, hata fo makahulun-na, ala ta bubuluk-kana fa.”

YESKIAL 36:25

Basa ndia soona, neukose Au pisi oe neuk neu emi, fo ela emi malalaok neme basa emi sosongo-tatangom lala'en-na mai, ma neme basa hata lala'en fo, manatao nanggenggeo emi.

YESKIAL 40:39

Hapu mei haa lai kama matuaina ndia dalek, fo boboan esa-na, mei dua. Nai mei sila-la lain nde, ala do'do bana soaneu tutunu-hohotu nanatunuk, do tutunu-hohotuk fo, sala-singok hapu do'o do ampon, do tutunu-hohotu bae hutak.

IMAMAT 1:11

Hataholi ndia, muse do'do bana ndia nai mei tunu-hotuk-ka boboan kii, boema imam-mala muse po'a daan-na neu mei tunu-hotuk-ka boboan haas.

IMAMAT 1:3

Metema, nanatunu-hotuk ndia sapi esa soona, bana ndia muse mane, ma ta lu'u-la'ak fa. Muse neni sapi ndia leo Manetualain Lalaa Teman-na lelesun-na neu, fo ela Manetualain dalen-na nahiik hataholi ndia.

IMAMAT 1:5

Basa soona, muse ta'ti sapi ndia nai Lalaa Temak-ka lelesun-na, bafan-na. Imam-imam fo Harun tititi-nonosin-nala, muse tunu-hotu daan-na soaneu Manetualain boema pisi daak ndia neu mei tunu-hotuk-ka boboan haas, fo nai Lalaa Temak-ka lelesun-na matan-na.

IMAMAT 14:13

Muse do'do bi'ilopoana ndia, nai mamana hehelik, fo nde mamanak do'do bana soaneu tutunu-hohotuk fo sala-singok hapu do'o do ampon, ma tutunu-hohotu nanatunuk. Muse do'do bi'ilopo ndia, nai mamanak ndia, hu kande tutunu-hohotuk soaneu bae hutak, tutunu-hohotuk fo sala-singok hapu do'o do ampon-na, nde bee soona, malalao-malalafuk nanseli, fo imam-ma, baba'en-na nde ndia.

IMAMAT 3:2

Hataholi manatunu-hotuk-ka, muse lalaa liman-na neu bana ndia langan lain, boema ana ta'tin nai Manetualain Lalaa Teman-na, lelesun-na matan-na. Imam-imam fo Harun tititi-nonosin-nala, muse pisi bana ndia daan-na neu mei tunu-hotuk-ka boboan haas.

IMAMAT 3:8

Nai ndia, ana muse lalaa liman-na neu bi'ilopo ndia langan lain, boema ana do'don nai Lalaa Temak-ka matan-na. Boema, imam-ma muse pisi bi'ilopo ndia daan-na, neu mei tunu-hotuk-ka boboan haas.

IMAMAT 4:24

Muse, ana lalaa liman-na neu bana ndia langan lain, boema ana do'don nai mei tunu-hotuk-ka boboan kii, fo nai mamana do'do bana, soaneu tutunu-hohotu nanatunuk.

IMAMAT 4:29

Muse, ana lalaa liman-na neu bana ndia langan lain, boema ana do'don nai mei tunu-hotuk-ka boboan kii, fo nai mamana do'do bana, soaneu tutunu-hohotu nanatunuk-ka.

IMAMAT 4:33

Muse, ana lalaa liman-na neu bana ndia langan lain, boema ana do'don nai mei tunu-hotuk-ka boboan kii, fo mamana do'do bana soaneu tutunu-hohotu nanatunuk-ka.

IMAMAT 5:16

Hataholi ndia, muse bae tunu-hotuk fo ana ta fe ndia fa, ma ana popo-tama seluk baba'ek lima neme bi'ilopo do bi'ihiik-ka belin-na mai. Basa soona, muse neni bana ndia leo imam-ma neu, fo imam-ma tunu-hotun soaneu hataholi ndia, soona neukose, Manetualain fe do'o do ampon neun.

IMAMAT 5:7

Tehu, metema hataholi masalak-ka, ta nalak sadia bi'ilopo do bi'ihiik soaneu soi-tefa sala-singon fa soona, muse neni manupui kateu dua, do kalua ana dua, fo esa soaneu tutunu-hohotuk sala-singok hapu do'o do ampon, ma esa seluk, soaneu tutunu-hohotu nanatunuk.

IMAMAT 5:9

Muse pisi manupui ndia daan-na neu mei tunu-hotuk-ka boboan-na, ma keke'e bei ela daak manai maupui ndia aon dale-a, fo ana pisok leo mei tunu-hotuk-ka sosolon dale neu, fo soaneu tutunu-hohotuk sala-singok hapu do'o do ampon.

IMAMAT 6:25

fe Harun no anan-nala nakanenetek-kala nde ia, la'eneu tutunu-hohotuk sala-singok nanafe do'o do ampon. Bana soaneu tutunu-hohotuk sala-singok hapu do'o do ampon-na, muse do'don nai mamanak do'do bana, soaneu tutunu-hohotu nanatunuk-ka. Tutunu-hohotuk ndia, malalao-malalafuk nanseli

IMAMAT 6:7

Imam-ma tunu-hotun soaneu hataholi ndia, soona neukose, Manetualain fe do'o do ampon neu hataholi ndia.

BILANGAN 6:12

ma ana tao nabebeu aoinan-na da'di leo hataholi nazir. Ta leke fai-fai maneuk-kala so'on, nanahu ana da'di nanggenggeo so. Muse ana tunu-hotu bi'ilopoana esa, besak-ka teuk esa, da'di leo tutunu-hohotu bae hutak.

IBRANI 11:28

Hu ka nde namahehele ka, de Musa tao Paskah ma ana fe paleta, fo pisi daak neu hataholi Israe la uma nala lelesu na, fo sue ka nde Ata nusa so'da manini Mamate sa, ana boso taonisa hataholi Israe la ana ulu nala.

IBRANI 12:24

Emi mai masasale matak mo Yesus, fo Lelete soaneu hehelu-balataa beuk ndia. Emi masasale matak mo daa nanapisi ka, fo malole na lenaheni Habel daa na.