IMAMAT 7:19 - Susula Malalaok Hehelu Palak Ma Hehelu Beuk

¹⁹ Metema, hata manggenggeok esa, la'e paa soona, muse hotuhenin, ma ta bole na'a fan. Ka'da hataholi fo ta nanggenggeo fa, nde bole na'a tutunu-hohotuk mole-dame-a, paan-na.

IMAMAT 7:19 ပူးပေါင်းရင်းမြစ်များ

IMAMAT 6:27

Su'di see, do su'di beek boe, fo ana koila'e bana ndia paan-na soona, neukose ana hapu soe, nanahu paa ndia malalao-malalafun be'i-balakain-na. Metema, bana ndia daan-na la'e ba'du esa soona, muse safe ba'du ndia nai mamanak fo nanahele hehelik.

IMAMAT 7:18

Tehu metema, neu fai ka telun-na, te bei la'a paa ndia boe, soona neukose tutunu-hohotuk ndia ta nanasipok fa, ma ta neni baba'e-papalak ba'eneu hataholi ndia fa, nakalenak, ana da'di nana'a nalulik. Hataholi mana'ak-ka nasala, de muse ana lu'a-lepa tatao-nono'in buna-boan.

IMAMAT 7:20

Metema, hataholi ndia bei nanggenggeo, te na'a paa ndia soona, hataholi ndia ta da'di Manetualain anan-nala so'on.

LUKAS 11:41

Fo manai emi pinga-mangom dale ndia nde muse emi fen neu hataholi nuu ta-hata ta kala. No enok ndia, basa-basan neukose da'di balisi soaneu emi.

HATAHOLI 10:28

Boema Petrus nafa'das nae, “Tolanoo kala bubuluk basa, hataholi Yahudi la agama na, ana ta nau hataholi Yahudi la leu donge-dama do lakabubua lo hataholi leoina fe'ek fa. Tehu Manetualain natu'du basa au nae, au ta bole afa'da hataholi esa boen ae manggenggeok do mangalauk fa.

ROMA 14:14

Nanahu au da'di esa o Lamatuak Yesus so, de au amahele ta hapu hata esa boen fo manggenggeok so'on; tehu dede'ak ndia ana da'di manggenggeok soaneu hataholi esa, metema hataholi ndia nafa'da nae, hata ndia manggenggeok.

ROMA 14:20

Boso hu ka nde nana'a-nininu ka fo emi tao malutu hata fo Manetualain tao basak ndia. Memak basa nana'ak lala'ena ta nanakena-ka'ik soaneu ta'a fan; tehu metema hata fo emi mi'ak ndia nini sala-singok fe hataholi fe'ek soona, emi sala ndia so.

2 KORINTUS 6:17

Hu ndia de, la'oela hataholi fo ta nalelak Manetualain ndia, ma ta'da kofe'ek emi aoina ma neme sila mai. Boso makabubua makandondook mo hata manggenggeoka, soona neukose Au sipok emi.

TITUS 1:15

Basa hata lala'ena nde bee na, malalao-malalafuk ba'eneu hataholi malalao-malalafu ka. Tehu ba'eneu hataholi fo dudu'a-aafi manggenggeo kala, ma kamahehele ta kala soona, ta hapu hata malalao-malalafuk esa boen, nana dudu'a-aafin ma dale nala manggenggeok so!