IMAMAT 7:16 - Susula Malalaok Hehelu Palak Ma Hehelu Beuk

¹⁶ Metema, hataholi esa neni tutunu-hohotuk mole-dame, fo ana tao natetu hala hehelun neu Manetualain, do soaneu tutunu-hohotuk neme dale nameme'dan-na mai, soona ta paluu la'a basa paa ndia, nai faik ndia dalen-na fa. Bole na'a paa bei elak-kala, nai fai balahaan-na.

IMAMAT 7:16 ပူးပေါင်းရင်းမြစ်များ

MAZMUR 116:14

Neukose au tao atetu, au hehelu-balataang neun, nai anan-nala lala'ena matan.

MAZMUR 116:18

Neukose au tao atetu au hehelu-balataang neu Manetualain, nai anan-nala lala'ena matan,

MAZMUR 66:13

Neukose au uni tutunu-hohotu nanatunuk leo O Umam neu fo au tao atetu, au hehelu-balataang neu O,,

KELUARAN 35:29

Basa hataholi Israel-la no sila dale hihii mesan-na, leni sila tunu-hotun leo Manetualain neu soaneu tatao-nono'ik fo Manetualain paletan tunga Musa.

AMSAL 7:14

“Faik ia au muse bae atetu au ala-hehelung-nga, hu ndia de au fe basa tutunu-hohotuk so.

YESKIAL 46:12

Metema manapaleta, nahiik fe Manetualain tutunu-hohotuk tunga ndia dale hihii mesan-na, nau nalupa tutunu-hohotu nanatunuk, do tutunu-hohotu mole-dame boe, soona muse soi fen, lelesuina dulu, fo leo uma so'dan manai dalek-ka neu. Ndia muse tunu-hotu tutunu-hohotuk sila-la, sama leo ana tunu-hotun nai fai Sabat-ta, tehu ana fali soona, no lai-laik, muse kena seluk lelesuina ndia.”

IMAMAT 22:23

Soaneu tutunu-hohotuk fo hataholi fe no dale hihii-nanau mesan-na, emi bole tunu-hotu bana fo ein seli manalu do ein seli keke'uk-ka; tehu soaneu bae nasar soona, bana leondiak-ka ta nanasipok fa.

IMAMAT 22:29

Metema emi tunu-hotu tutunu-hohotu makasi neu Manetualain soona, tunu-hotun tunga nakanenetek-ka, fo ela emi tutunu-hohotum nanasipok.

IMAMAT 23:38

Fai malole sila-la, nalupa tatamak neu fai-fai Sabat biasa, da'di tunu-hotuk sila-la nde been-na, tatamak neu emi tutunu-hohotu biasam-mala, neu emi tutunu-hohotum soaneu nasar, do tutunu-hohotuk no dale hihii-nanau mesan, fo emi fen neu Manetualain.

NAHUM 1:15

Mitak, hataholi nadedenuk esa, ana mai tunga letek-kala, neni hala malole, hala sesengik. Hai leoina Yehuda-la lemin, tao emi fai malolem-ma, ma tao matetu emi hala hehelum neu Manetualain-na. Neukose hataholi managalauk-ka, ta paleta emi nusam-ma so'on. Nana tao nakalulutuk-kasa so.

BILANGAN 15:3

Soaneu tutunu-hohotu nanatunuk, do tutunu-hohotuk fo bae nasar, do tutunu-hohotuk no dale hihii-nanau mesan-na, do tutunu-hohotuk nai feta-feta biasa soona, emi bole tunu-hotu fe Manetualain: sapi mane, bi'ilopo mane, bi'ilopo do bi'ihiik. Tutunu-hohotuk sila boon-na, neukose nandaa no Manetualain dalen-na.

ULANGAN 12:11

Basa soona, neukose emi Manetualaim-ma hele mamanak esa, fo nai bee, emi muse sene-do'ok neun. Emi muse meni basa hata lala'en, fo au paletan neu emi, fo nde, tutunu-hohotu nanatunuk, ma tutunu-hohotu fe'ek-kala, fo nde emi tunu-hotu hahapu dadain ba'ek esa neme ba'eneu sanahuluh, ma tunu-hotu hehelik fo emi helu, fen neu Manetualain.

ULANGAN 12:17

Emi ta bole mi'a emi tutunu-hohotu neme emi hahapu dadain baba'ek esa neme ba'en neu sanahuluh fo nde gandum, angol ma mina setun-nala hahapu dadain ba'ek esa neme ba'eneu sanahuluh fa, ma emi sapim, bi'ihiik ma bi'ilopom-mala, ana nanabongi makasososan-nala, tutunu-hohotuk fo bae nasar, emi tutunu-hohotum fo, emi fe no emi dale hihiim-ma, do tutunu-hohotu fe'ek-kala, nai emi mamana leleom-ma fa.

ULANGAN 12:26

Basa tutunu-hohotuk ma tunu-hotuk lala'en fo emi helu basa, fen leo Manetualain neu, emi muse menin leo mamanak fo Manetualain helek-ka neu.

ULANGAN 12:6

Nai mamanak ndia nde, emi muse meni tutunu-hohotu nanatunuk, boema tutunu-hohotu fe'ek-kala, fo nde emi tunu-hotu hahapu dadain ba'ek esa neme ba'eneu sanahuluh, tutunu-hohotuk soaneu bae nasar-ra, emi tutunu-hohotum fo, emi fe no emi dale hihiim-ma, ma emi sapi ana bi'ihii ana, bi'ilopo ana fo, nanabongi makasososak-kala.