IMAMAT 6:27 - Susula Malalaok Hehelu Palak Ma Hehelu Beuk

²⁷ Su'di see, do su'di beek boe, fo ana koila'e bana ndia paan-na soona, neukose ana hapu soe, nanahu paa ndia malalao-malalafun be'i-balakain-na. Metema, bana ndia daan-na la'e ba'du esa soona, muse safe ba'du ndia nai mamanak fo nanahele hehelik.

IMAMAT 6:27 ပူးပေါင်းရင်းမြစ်များ

KELUARAN 29:37

Tao leondiak tunga faik, nai faik hitu dalen-na. Soona mei tunu-hotuk-ka aoinan-na lala'en-na da'di malalao-malalafuk; su'di beek fo la'e mei tunu-hotuk ndia soona, muse fen neu Manetualain, ma su'di see fo ana koila'en soona, neukose ana hapu soe, nanahu mei tunu-hotuk ndia malalao-malalafun bei-balakain.”

KELUARAN 30:29

No enok ndia, o muse fe hehelik buas sila-la leo Au mai, fo ela basa-basan lala'en-na da'di malalao-malalafuk. Su'di beek fo la'e mei tunu-hotuk ndia, muse fen leo Manetualain neu, ma su'di see fo ana koila'en, neukose ana hapu soe nanahu malalao-malalafun be'i balakain-na.

YESKIAL 44:19

Metema, leu leo uma so'dan manai deak-ka, fo nai bee, laun-nala lakabubua soona, imam-mala, muse ala la'oela sila bua papake imam-ma, nai kama malalao-malalafuk manai Au Umang dale, fo ala pake bua papake fe'ek, fo ela bua papake hehelik ndia, boso neni soe fe laun-na.

IMAMAT 11:32

Metema, mate bana sila-la esa, fo ana tu'da la'e buas esa soona, buas ndia da'di naggenggeo. Nakanenetek ndia ana da'di soaneu basa hata lala'en fo taon neme ai, si'di, ai louk, bana louk, do kalong, ma basa hata fo paken soaneu su'di beek-ka boe. Muse ene buas sila-la leo oe dale neu, tehu bei langgenggeo lahele losa le'do tenak.

IMAMAT 6:18

Losa dodoon-na, basa touk fo Harun tititi-nonosin-nala, bole la'a loti ndia; ndia nde da'di sila baba'e mahelen-na, neme nana'ak fo nanatunu-hotuk soaneu Manetualain. Hataholi fe'ek koila'e nana'ak nanatunu-hotu basak ndia soona, neukose ana hapu soe, nanahu nana'ak ndia malalao-malalafun-na.

IMAMAT 7:19

Metema, hata manggenggeok esa, la'e paa soona, muse hotuhenin, ma ta bole na'a fan. Ka'da hataholi fo ta nanggenggeo fa, nde bole na'a tutunu-hohotuk mole-dame-a, paan-na.

HAGAI 2:12

Leo uni'ka, hapu hataholi ho'i-na paa biak esa, neme paa tutunu-hohotuk fo nanafe basak neu Manetualain so, boema ana potin neu ba'du manalun dale, de nenin leo uma neu, de basa boema, ba'du manalun ndia, koila'e loti do nana'a tasak, do angol, do mina setun, do nana'a mata beek boe, ade basa sila-la, neukose ala da'di malalaok do ta?” Lelek Hagai fe natatanek ndia boema, basa imam-mala lataa lae, “Ta.”

MATEOS 14:36

Ala dokodoe neu Yesus, fo sa'di ala hapu koila'e ba'du manalu na, leomae ka'da pe'da na boe. Basa hataholi kamahe'dis fo mana koila'e nana, ala hai beno'u.

2 KORINTUS 7:1

Tolanoo susue ngala lemin! Basa hala heheluk sila la ala fen neu ita. Hu ndia de ela leo bee na tao talalao aoina tala neme basa hata fo tao nanggenggeo ita ao paa samanen. Ela leo bee na ata fe ha'da-holomata neu Manetualain, ma sanga enok fo taso'da mateu-mandaak sama na leo Ndia.

2 KORINTUS 7:11

Soba emi taoafik hata fo hapu nini buna-boak neme dale he'dik fo enok esa no Manetualain hihii-nanaun! Buna-boan nde ia, emi sanga enok te'e-te'e soaneu tao mamaneu kelupua ka! Emi makamu sala-singo ka, emi bii-mamata'u, emi mahiik, emi manggate, emi nau huku mana tao masala kala! Nai basa dede'ak ia la dalek, emi matu'du basa mae emi salam ta.