IMAMAT 6:26 - Susula Malalaok Hehelu Palak Ma Hehelu Beuk

²⁶ Imam-ma muse tunu-hotu tutunu-hohotuk ndia, fo muse na'an nai mamanak fo nanahele hehelik, fo nde nai Manetualain Lalaa Teman-na, so'dan-na.

IMAMAT 6:26 ပူးပေါင်းရင်းမြစ်များ

KELUARAN 40:33

Musa tao laa okofefeok Lalaa Temak ma mei tunu-hotuk ndia, boema ana lolo'e lelesuina uma so'dak-ka, tema lelesun-na neu. Boema basa tatao-nono'ik ndia.

YESKIAL 42:13

Touk ndia, nafa'da au nae, “Uma ka duak sila-la, uma malalao-malalafuk. Imam-mala bole lasasalematak loo Manetualain nai ndia, fo la'a tutunu-hohotu malalao-malalafuk-kala, fonde tutunu-hohotu gandum, tutunu-hohotuk fo, sala-singok hapu do'o do ampon, do tutunu-hohotu bae hutak.

YESKIAL 46:20

de nafa'da nae, “Nai mamanak ia, basa imam-mala muse nasu tutunu-hohotuk fo, sala-singok hapu do'o do ampon, ma tutunu-hohotuk fo bae huta-bu'uk-ka, boema ala dala tutunu-hohotu gandum-mala, fo ela boso leni tutunu-hohotuk fo, malalao-malalafuk ndia, faa anak boen, leo uma so'dan manai deak-ka neu, fo boso neni soe fe laun-na.”

HOSEA 4:8

Emi da'di kamasu'i-makabetek, hu kande Au anang-ngala sala-singon, hu ndia de, emi mahiik, fo ela ala tao sala-singok lakandoo.

IMAMAT 6:16

Muse ana tao ha'desopu lenak-ka da'di loti fo ta pake laluteik fa, fo imam-mala la'an nai mamanak fo nanahele hehelik, fo nde: nai Manetualain Lalaa Teman-na so'dan-na. Fo Manetualain fe basa imam-mala baba'en neme tutunu-hohotu nana'ak-ka mai-a, nde ndia. Nana'ak ndia malalao-malalafuk nanseli, sama leo tutunu-hohotuk fo sala-singok hapu do'o do ampon, ma tutunu-hohotuk bae hutak-ka.

IMAMAT 6:29

Basa touk manai imam-mala teidale-bobongin dalek-ka, bole la'a paa tutunu-hohotu malalao-malalafuk nanseli ndia.

IMAMAT 7:7

Soaneu tutunu-hohotuk sala-singok-ka hapu ampon, ma tutunu-hohotuk soaneu bae hutak-ka, nakaneneten-nala sama, fo nde: Bana nanatunu-hotuk-ka, paan-na nde been-na, imam manatunu-hotuk-ka baba'en ndia.

1 KORINTUS 9:13

Tao leo beeo emi bubuluk basa hataholi manamalalau-maoono nai Manetualain Uman dale a, ana sipo nana'ak neme Manetualain Uma na mai. Ma hataholi fo manaito-ato nai mamana fee-fee tutunu-hohotu ka, ana hapu baba'ek esa neme tutunu-hohotuk fo nanafek manai ndia.