IMAMAT 6:20 - Susula Malalaok Hehelu Palak Ma Hehelu Beuk

²⁰ la'eneu tutunu-hohotuk nai lelek ndo ei Harun tititi-nonosin esa. Nai faik ndo ein-na, ana muse tunu-hotu ha'desopu gandum kilo esa, soaneu Manetualain. Muse tunu-hotu ha'desopu gandum ndia seli, nai fai fafain-na, ma seli nai fai le'donoson-na.

IMAMAT 6:20 ပူးပေါင်းရင်းမြစ်များ

1 TAWARIKH 23:29

Sila boeo lu'a-lepa ito-atok kala nde ia: loti fo nanafek neu Manetualain, ha'desopuk fo nanapakek soaneu fen neu Manetualain, koki ni'ianak fo taon ta pake laluteik fa, tutunu-hohotuk nanadalak, ha'desopuk fo nanasese'dok no mina setun. Sila boeo muse tai ma uku tutunu-hohotuk fo lenin leo Manetualain Uman neu.

KELUARAN 16:36

Tatais fo hataholi-a biasa paken nai tepo-lelek ndia, isi-na, fafa'kama kilo duahulu.)

KELUARAN 29:2

Ho'i ha'desopu neulauk fo kamen, tehu boso kamen no laluteik. Ho'i-ma ha'desopuk nanakamek ndia seli, fo tao loti nenik mina setun, ma seli boso pake mina, ma ha'desopu ela-ka, taon neu kokis fo lose mina neu.

IMAMAT 23:13

Tunu-hotu ha'desopuk nanasese'do mina setun kilo dua, soaneu tutunu-hohotu nanatunuk-ka. Tutunu-hohotuk ndia, boon-na nandaa no Manetualain dalen-na. Boeo tunu-hotu angol litel esa, sama-sama no tutunu-hohotuk ndia.

IMAMAT 5:1

Paluu tunu-hotu tutunu-hohotu sala-singok hapu do'o do ampon: Metema, loke hataholi esa da'di sakasii matetuk nai manakee-mafula matan, tehu ana ta tui hata fo nitan do namanenen fa soona, ana muse lu'a-lepa tatao-nono'in buna-boan.

IMAMAT 5:11

Metema, hataholi masalak-ka ta nalak sadia manupui kateu dua, do manupui kalua dua, soaneu tutunu-hohotuk sala-singok hapu do'o do ampon fa soona, muse neni ha'desopuk kilo esa. Ha'desopuk ndia, ta bole nanasese'dok mina setun, do tao boomenik neu fa, nana tutunu-hohotuk ndia nde been-na, tutunu-hohotuk sala-singok hapu do'o do ampon, te ta tutunu-hohotuk nana'ak fa.

IMAMAT 6:11

Basa ndia soona, muse ana nggati heni bua papaken-na, fo neni afu ndia leo mamana ofu-a deak neu, leo mamanak fo nanahele hehelik soaneu afu ndia so.

IMAMAT 6:19

Manetualain fe seluk Musa nakanenetek-kala nde ia,

BILANGAN 28:10

Muse tunu-hotu tutunu-hohotu nanatunuk ndia, tunga-tunga fai Sabat-ta, da'di leo tatamak neu tutunu-hohotu tunga faik-ka, sama-sama no tutunu-hohotu angol-la.

BILANGAN 28:3

Tutunu-hohotuk fo, sila muse tunu-hotu fen neu Manetualain-na, nde ia: Soaneu tutunu-hohotu fai-faik-ka nde, bi'ilopoana dua, besak-ka teuk beke esak, ma ta lu'u la'ak fa,

IBRANI 5:1

Imam matua ina, nanahelek neme hataholi kamahehele kala tala'da mai, ma nanaso'uk soaneu nalalalau-naoono Manetualain da'dileo hataholi kamahehele kala lima boa kona na. Bela-ba'un nde, ana tunu-hotu fe Manetualain, fee-feek ma tutunu-hohotuk soaneu sala-singo kala nanafe do'o do ampon.

IBRANI 7:27

Ana ta sama leo imam matua ina fe'e kala fa, fo tunga faik, muse ala fe tutunu-hohotuk nakahuluk nana sila sala-singo nala, fo besa ka soaneu hataholi kamahehele kala sala-singon. Tehu Yesus fe tutunu-hohotuk ka'da la'iesa mesa kana, soaneu losa dodoo na, nai lelek Ana tunu-hotu ao ina na mesa kana, da'dileo tutunu-hohotuk.