IMAMAT 6:11 - Susula Malalaok Hehelu Palak Ma Hehelu Beuk

¹¹ Basa ndia soona, muse ana nggati heni bua papaken-na, fo neni afu ndia leo mamana ofu-a deak neu, leo mamanak fo nanahele hehelik soaneu afu ndia so.

IMAMAT 6:11 ပူးပေါင်းရင်းမြစ်များ

KELUARAN 29:37

Tao leondiak tunga faik, nai faik hitu dalen-na. Soona mei tunu-hotuk-ka aoinan-na lala'en-na da'di malalao-malalafuk; su'di beek fo la'e mei tunu-hotuk ndia soona, muse fen neu Manetualain, ma su'di see fo ana koila'en soona, neukose ana hapu soe, nanahu mei tunu-hotuk ndia malalao-malalafun bei-balakain.”

YESKIAL 44:19

Metema, leu leo uma so'dan manai deak-ka, fo nai bee, laun-nala lakabubua soona, imam-mala, muse ala la'oela sila bua papake imam-ma, nai kama malalao-malalafuk manai Au Umang dale, fo ala pake bua papake fe'ek, fo ela bua papake hehelik ndia, boso neni soe fe laun-na.

IMAMAT 16:27

Sapi mane ma bi'ihiik, soaneu tutunu-hohotuk fo sala-singok hapu do'o do ampon, fo neni daan-na leo Kama Malalao-malalafuk nanseli-a dalek, soaneu tutunu-hohotuk fo sala-singok hapu do'o do ampon-na, muse tunun nai mamana ofu-a deak. Muse tunu la'iesak bana ka duak-kala loun-nala, paan-nala, ma tei-aten-nala.

IMAMAT 24:9

Loti ndia nde been-na, soaneu Harun no tititi-nonosin. Ala muse la'an nai mamanak malalao-malalafuk, nanahu loti ndia nalupa loti malalao-malalafuk nanseli, neme tutunu-hohotu nana'ak fo nanatunu-hotuk neu Manetualain, fo soaneu imam-mala.

IMAMAT 4:12

da'di basa-basan lala'en-na, muse nenis leo mamana oofuk-ka deak neu, ta'da fe'e paa nanahele basak-kala. Muse tunu sapi ndia, nai mamana popo'a afu-a, fo nde mamana nanahele hehelik, soaneu tataos leondiak-ka.

IMAMAT 4:21

Basa soona, muse neni sapi mane ndia paan-na seli leo deak neu, fo tunun nai mamana ofu-a deak, sama leo tunu-hotu sapi mane nanata'tik soaneu tutunu-hohotuk fo Imam Matuaina ndia sala-singon hapu do'o do ampon. Tunu-hotu tutunu-hohotuk fo salanik-ka sala-singon hapu do'o do ampon-na, tataon-na leondiak.

IMAMAT 6:10

Lelek tutunu-hohotuk ndia putun, fo ana da'di afu soona, imam-ma pake lopo ei keke'uk, ma ba'du manalu tema abalutu, fo muse ana hulu-na afu maminak ndia neme mei tunu-hotuk lain mai, fo pe'dan neu mei tunu-hotuk-ka boboan-na.

IMAMAT 6:12

Tunga-tunga fafain-na, imam-ma muse tao ai ha'i leo mei tunu-hotuk lain neu, ana tao tutunu-hohotu nanatunuk leo lain neu, ma ana tunu bana tutunu-hohotu mole-dame-a, minan-na. Ta bole mate ha'i manai mei tunu-hotuk lain fa.

IMAMAT 6:20

la'eneu tutunu-hohotuk nai lelek ndo ei Harun tititi-nonosin esa. Nai faik ndo ein-na, ana muse tunu-hotu ha'desopu gandum kilo esa, soaneu Manetualain. Muse tunu-hotu ha'desopu gandum ndia seli, nai fai fafain-na, ma seli nai fai le'donoson-na.

IMAMAT 6:22

Basa Harun tititi-nonosin fo nanandoo eik da'di Imam Matuaina losa dodoon-na, muse ana tunu-hotu tutunu-hohotuk ndia. Muse tunu la'iesak-kana, soaneu tunu-hotuk ba'eneu Manetualain.

IMAMAT 7:6

Basa touk manai imam-mala teidale-bobongin-na dalek, bole la'a paa tutunu-hohotuk ndia, tehu muse la'an nai mamanak fo nanahele hehelik, nanahu tutunu-hohotuk ndia malalao-malalafuk nanseli.