IMAMAT 5:7 - Susula Malalaok Hehelu Palak Ma Hehelu Beuk

⁷ Tehu, metema hataholi masalak-ka, ta nalak sadia bi'ilopo do bi'ihiik soaneu soi-tefa sala-singon fa soona, muse neni manupui kateu dua, do kalua ana dua, fo esa soaneu tutunu-hohotuk sala-singok hapu do'o do ampon, ma esa seluk, soaneu tutunu-hohotu nanatunuk.

IMAMAT 5:7 ပူးပေါင်းရင်းမြစ်များ

IMAMAT 12:6

Basa faik fo tao nalalao-nalalafu aoinan-na, nau hu kande ana bongi anatouk do anainak boe, soona inak ndia muse neni tutunu-hohotuk leo imam-ma, nai Manetualain Lalaa Teman-na lelesun-na, bafan-na. Tutunu-hohotuk ndia nalupa leo bi'ilopoana esa, teun esa soaneu tutunu-hohotu nanatunuk, ma manupui kaluaana esa, do kateuana esa, soaneu tutunu-hohotuk fo sala-singok hapu do'o do ampon.

IMAMAT 12:8

Metema, inak ndia ta hapu sadia bi'ilopoana esa fa soona, muse neni manupui kaluaana dua, do manupui kateuana dua; fo esa soaneu tutunu-hohotu nanatunuk, ma esa seluk soaneu tutunu-hohotuk fo sala-singok hapu do'o do ampon. Imam-ma muse tao feta soaneu lose heni inak ndia manggenggeon-na, soona ana da'di balisi.

IMAMAT 14:30

Basa soona, imam-ma muse tunu-hotu manupui kaluaana esa do kateuana esa,

IMAMAT 14:31

soaneu tutunu-hohotuk fo sala-singok hapu do'o do ampon, ma esa seluk, soaneu tutunu-hohotu nanatunuk-ka, sama-sama no tutunu-hohotu nana'an-na. No enok ndia, imam-ma tao hataholi ndia feta nalalao-nalalafu aoinan-na, nai Manetualain matan.

IMAMAT 15:30

Muse tunu-hotu manupui esa, soaneu tutunu-hohotuk fo sala-singok hapu do'o do ampon, ma esa seluk, soaneu tutunu-hohotu nanatunuk. No enok ndia, imam-ma, tao inak ndia feta nalalao-nalalafun nai Manetualain matan.

IMAMAT 16:5

Boema hataholi Israel-la, muse fe Harun bi'ihii mane dua, soaneu tutunu-hohotuk fo sala-singok hapu do'o do ampon, ma bi'ilopo mane esa, soaneu tutunu-hohotu nanatunuk.

IMAMAT 27:8

Metema, hataholi manafe nasar-ra, ta hapu hata esa boen, soaneu bae belik nananaketuk-ka fa soona, muse noo hataholi fo nanatunu-hotu basak soaneu Manetualain ndia, leo imam-ma neu. Imam-ma, muse naketu belin-na nai dae seluk, fo nandaa no hataholi ndia bebe'in-na.

IMAMAT 5:11

Metema, hataholi masalak-ka ta nalak sadia manupui kateu dua, do manupui kalua dua, soaneu tutunu-hohotuk sala-singok hapu do'o do ampon fa soona, muse neni ha'desopuk kilo esa. Ha'desopuk ndia, ta bole nanasese'dok mina setun, do tao boomenik neu fa, nana tutunu-hohotuk ndia nde been-na, tutunu-hohotuk sala-singok hapu do'o do ampon, te ta tutunu-hohotuk nana'ak fa.

IMAMAT 7:1

Nakanenetek ia-la, la'eneu tutunu-hohotuk soaneu bae hutak. Tutunu-hohotuk ndia, malalao-malalafuk nanseli.

IMAMAT 9:3

Boema, madenu leoina Israel-la, fo ala tunu-hotu bi'ihii mane esa, soaneu tutunu-hohotuk sala-singok hapu ampon, ma sapiana esa, boema bi'ilopoana esa, teuk beke esak, ma ta lu'u-la'ak fa, fo soaneu tutunu-hohotu nanatunuk.

BILANGAN 5:6

nakanenetek ia-la, fo ana fen neu hataholi Israel-la nae: Metema hataholi esa ta lilineka neu Manetualain nenik ana tao salak soaneu hataholi fe'ek soona,

BILANGAN 6:10

Neu faik-ka falun-na, muse neni manupui kalua dua, do kateu dua leo imam-ma nai lelesu manai Manetualain Lalaa Teman-na.

BILANGAN 6:11

Imam-ma muse tunu-hotu manupui esa, soaneu tutunu-hohotuk fo sala-singok hapu do'o do ampon, ma manupui esak-ka soaneu tutunu-hohotu nanatunuk, fo tao namopo manggenggeon-na. Nai faik ndia boe, muse ana fe hehelik langadoon-na neu Manetualain,

MATEOS 10:16

“Taoafik neu dede'ak esa nde ia te: Au adenu emi sama leo bi'i lopo tapandoe sa, neu leo busa fui makaa mangalau ka tala'da neu. Hu ndia de, emi muse manea sama leo menge a, tehu emi dale ma ndoos, sama leo manupui kalua sina.

MATEOS 21:12

Basa boema Yesus masok leo Manetualain Uman dale neu, de Ana usiheni basa hataholi mase'o banasak ma nai sila la lala'ena. Ana fae nalenga-natono hataholi mana tuka doi kala mei nala, ma ana soli natu'u, mana mase'o kalua sina la bangu nala.

MATEOS 3:16

Yohanis salani basa Yesus tutika ana kalua neme oe dale mai. No kaiboik, lalai a natahuka de Yesus nita Manetualain Dula Dale na ana kona neme nusa so'da ka mai sama leo kalua sina de ana kona neu lain.

LUKAS 2:24

Sila boeo dudu'a fe tutunu-hohotuk, fo nde kateu pasan esa, do kalua ana pasan esa, sama leo nananaketu basak nai Manetualain hoholo-lalanen dale so.

2 KORINTUS 8:12

Metema te'e-te'e emi nau fe soona, neukose Manetualain sipok emi fefeem ndia, tunga hata fo emi manuun, te ta tunga hata fo emi ta manuu fan.