IMAMAT 5:15 - Susula Malalaok Hehelu Palak Ma Hehelu Beuk

¹⁵ Metema, hataholi esa ta name'da fa te ana tao sala-singok, nanahu nafandele henin, de ana ta fe tutunu-hohotun fo muse ana fen leo Manetualain neu fa, soona hataholi ndia, muse neni tutunu-hohotuk bae hutak. Tutunu-hohotuk ndia, muse bi'ilopo esa, do bi'ihii mane esa, ta lu'u-la'ak fa, ma puku belin-na, sama no belik fo nanapakek nai Manetualain Lalaa Teman-na.

IMAMAT 5:15 ပူးပေါင်းရင်းမြစ်များ

2RAJA-RAJA 12:16

Doik maneme tutunu-hohotuk soi salak-ka, tutunu-hohotuk fe do'o do ampon neu sala-singok-ka, ta taos leo peti ndia dalek neu fa. Ala fe doik sila-la, leo imam-imam-mala neu.

EZRA 10:19

Laheluk lae, neukose ala elaheni saoinan-nala, boema ala tunu-hotu bi'ilopo mane, soaneu tutunu-hohotuk, fo sila sala-singon hapu do'o do ampon.

KELUARAN 30:13

Basa hataholi fo nanalekek nai lelekek ndia, ala muse bae doik dede'un-na tunga dede'uk fo nananaketu basak nai Au Lalaa Temang-nga, da'di leo tutulu-fafali hehelik soaneu Au.

YESKIAL 40:39

Hapu mei haa lai kama matuaina ndia dalek, fo boboan esa-na, mei dua. Nai mei sila-la lain nde, ala do'do bana soaneu tutunu-hohotu nanatunuk, do tutunu-hohotuk fo, sala-singok hapu do'o do ampon, do tutunu-hohotu bae hutak.

IMAMAT 1:10

Metema, bana nanatunu-hotuk ndia bi'ilopo esa, do bi'ihiik esa soona, bana ndia muse mane, ma ta lu'u-la'ak fa.

IMAMAT 1:3

Metema, nanatunu-hotuk ndia sapi esa soona, bana ndia muse mane, ma ta lu'u-la'ak fa. Muse neni sapi ndia leo Manetualain Lalaa Teman-na lelesun-na neu, fo ela Manetualain dalen-na nahiik hataholi ndia.

IMAMAT 14:12

Imam-ma muse ho'in-na bi'ilopo maneanak esa, ma mina setun ba'e teluk liter esa, soaneu tutunu-hohotuk bae hutak, fo tunu-hotun da'di leo tutunu-hohotu natutu'duk ba'eneu Manetualain.

IMAMAT 27:3

tunga belik fo paken nai Manetualain Lalaa Teman-na, fo nde: — teuk neehulu leo lain neu: touk: doi fulak sanahulu lima inak: doi fulak sanahulu — teuk duahulu losa neehulu: touk: doi fulak limahulu inak: doi fulak teluhulu — teuk lima losa duahulu: touk: doi fulak duahulu inak: doi fulak sanahulu — teuk lima leo dae neu: touk: doi fulak lima inak: doi fulak telu

IMAMAT 4:2

fo ana po'a-benga neu leoina Israel-la, nae su'di see, fo ta name'da fa te ana tao sala-singok, nenik ana la'olena Manetualain paletan esa soona, muse ana tunga nakanenetek-kala nde ia.

IMAMAT 5:14

Manetualain fe Musa nakanenetek-kala nde ia nae,

IMAMAT 5:16

Hataholi ndia, muse bae tunu-hotuk fo ana ta fe ndia fa, ma ana popo-tama seluk baba'ek lima neme bi'ilopo do bi'ihiik-ka belin-na mai. Basa soona, muse neni bana ndia leo imam-ma neu, fo imam-ma tunu-hotun soaneu hataholi ndia, soona neukose, Manetualain fe do'o do ampon neun.

IMAMAT 5:18

Soaneu tutunu-hohotuk bae hutak-ka, muse neni bi'ilopo esa, do bi'ihii mane, fo ta lu'u-la'ak fa, ma puku belin-na tunga belik fo nanapakek nai Manetualain Lalaa Teman-na. Imam-ma tunu-hotun soaneu hataholi ndia sala-singon, soona Manetualain fe do'o do ampon neun.

IMAMAT 6:6

Soaneu tutunu-hohotuk bae hutak-ka, hataholi ndia muse neni bi'ilopo mane esa, do bi'ihii mane esa, ta lu'u-la'ak fa, ma puku belin-na sama no belik fo nanapakek nai Manetualain Lalaa Teman-na.

IMAMAT 7:1

Nakanenetek ia-la, la'eneu tutunu-hohotuk soaneu bae hutak. Tutunu-hohotuk ndia, malalao-malalafuk nanseli.

IMAMAT 7:6

Basa touk manai imam-mala teidale-bobongin-na dalek, bole la'a paa tutunu-hohotuk ndia, tehu muse la'an nai mamanak fo nanahele hehelik, nanahu tutunu-hohotuk ndia malalao-malalafuk nanseli.

BILANGAN 5:5

Manetualain fe Musa

BILANGAN 5:8

Teu metema, hataholi fo ana tao nakatutu'dak-ka maten so, tehu tolanoo ka'a-fa'din manadekan ta, soona muse fe doi sosoin ndia leo Manetualain neu, fo da'di imam-ma baba'en. Hataholi masalak ndia bi'ilopo manen fo soaneu feta sala-singon hapu do'o do ampon-na, ta nanalekek nai doi sosoin ndia dalek fa.

ULANGAN 12:26

Basa tutunu-hohotuk ma tunu-hotuk lala'en fo emi helu basa, fen leo Manetualain neu, emi muse menin leo mamanak fo Manetualain helek-ka neu.

SEMUEL SUSULAK-KA ESAN-NA 6:3

Boema lataa lae, “Emi boso meni falik Israel Manetualain-na Peti Hehelu-balataan ndia, ka'da leondiak mesan, tehu muse menin no bua palsen, fo soi-tefa emi sala-singom. No enok ndia, neukose emi lea-hai, ma neukose emi bubuluk, tao le'e de, Israel Manetualain ndia, huku emi do'e-do'e.”