IMAMAT 5:1 - Susula Malalaok Hehelu Palak Ma Hehelu Beuk

¹ Paluu tunu-hotu tutunu-hohotu sala-singok hapu do'o do ampon: Metema, loke hataholi esa da'di sakasii matetuk nai manakee-mafula matan, tehu ana ta tui hata fo nitan do namanenen fa soona, ana muse lu'a-lepa tatao-nono'in buna-boan.

IMAMAT 5:1 ပူးပေါင်းရင်းမြစ်များ

1RAJA-RAJA 22:16

Ahab nataa nae, “Metema o kokolak moo au pake Manetualain na'de na soona, mafa'da tunga matetun-na. La'i de'ubee, au muse fe o nasanene'dak la'eneu dede'ak ndia?”

1RAJA-RAJA 8:31

Metema hataholi esa nanakalaak nasala neu hataholi fe'ek fo loon leo O mei tunu-hotum manai uma hule-haladoik ia dalek soaneu ana soo-supa nae ta nasala fa,

2TAWARIKH 18:15

Ahab nataa nae, “Metema o kokolak moo au nenik Manetualain na'den-na soona, mafa'dan tunga ndoon-na. Au muse fe o nasanene'dak la'i de'ubee la'eneu dede'ak ndia?”

MAZMUR 38:4

Au amahe'di belak, nanahu O nasa-melum; ta hapu so'da-la'dak nai au aopaang-na fa, nanahu au sala-singong.

KELUARAN 22:11

Soona ana muse neu leo mamanak makaluku-makatele neu fo ana soo pake Manetualain na'den-na, nae ndia ta namanako bana fo ala fen ana ho'un ndia fa. Metema memak ta namanako-na fan soona, manonuuk-ka, muse lu'a-lepa hutak ndia, ma hataholi mana makaboboi-a, ta paluu bae hutak fa.

AMSAL 29:24

Hataholi fo, ana tao-no'i sama-sama no nakodaa, sosoan-na nae, nakamuu-nakadau seluk aoinan-na. Metema, ana tui no mangale'dok nai uma manakee-manafula soona, neukose hukun. Tehu metema, ka'da denge-denge soona, neukose Manetualain soo-supan la'en.

AMSAL 30:9

Nana, metema au amasu'i soona, fafa'kama au afa'da, ae au ta paluu O so'on. Ma metema, au nuu-taa hata-taak soona, fafa'kama au amanako, nalosa au tao anggenggeo O na'dem-ma.”

YESAYA 53:11

Hu ndia de, Manetualain nafa'da nae, “Name'da basa doidosok-ka soona, neukose naua-nanale, ma dalen-na, name'da namahokok. Au atang ndia, nde nandaa no Au daleng-nga, ana lu'a-lepa basa, hataholi makadotok huhukun-na so; hu no hataholi ndia de, neukose Au fe do'o do ampon neus.

YEREMIA 23:10

Ita nusa-namon-na henuk no hataholi fo ta manalilineka neu Manetualain fa. Sila so'dan-na mangalauk, ma ala tao sala sila ha'da palin-na. Nanahu Manetualain supa-soo de, na'u manai mook-ka ana da'di tuk, ma basa nusak lala'en-na kii-lamatani.

YESKIAL 18:20

Neukose matek-ka nde, hataholi fo manatao sala-singok-ka. Anak-ka, ta nde muse lu'a-lepa, aman sala-singon, ma amak-ka, ta nde muse lu'a-lepa anan-na, sala-singon fa. Hataholi malole-a, neukose ana sipo baba'e-papala malole, nanahu tatao-nono'i malolen-na. Ma hataholi manatao mangalauk-ka, neukose ana doidoso, hu kande tatao-nono'i mangalaun-nala.

YESKIAL 18:4

Hataholi lala'en-na, samanen-na nde been-na, Au nuung, nau ina-amak samanen-na, do anan-nala samanen-na boe. Hataholi masala-masingok-ka, neukose nde ndia mate-a.

IMAMAT 17:16

Metema, ana ta tao tunga nakanenetek sila-la fa soona, muse ana lu'a-lepa tatao-nono'in buna-boan.

IMAMAT 19:8

Ba'eneu see, fo na'a paa ndia soona, ana lu'a-lepa aon salan-na, nanahu, ana ta fe ha'da-holomata neu hata fo nanafe hehelik soaneu Au so. Au ta sipok hataholi ndia da'di Au anang so'on.

IMAMAT 20:17

Metema touk esa, ana sungu no feton-na, do tolanoo inan fo duas ama esa, tehu esak inan, do ina esa, tehu esak aman soona, sila ta da'di Au anang so'on. Ala tao tatao-nono'i ta kandaak fa, de muse ala lu'a-lepa aon buna-boan.

IMAMAT 4:2

fo ana po'a-benga neu leoina Israel-la, nae su'di see, fo ta name'da fa te ana tao sala-singok, nenik ana la'olena Manetualain paletan esa soona, muse ana tunga nakanenetek-kala nde ia.

IMAMAT 5:15

Metema, hataholi esa ta name'da fa te ana tao sala-singok, nanahu nafandele henin, de ana ta fe tutunu-hohotun fo muse ana fen leo Manetualain neu fa, soona hataholi ndia, muse neni tutunu-hohotuk bae hutak. Tutunu-hohotuk ndia, muse bi'ilopo esa, do bi'ihii mane esa, ta lu'u-la'ak fa, ma puku belin-na, sama no belik fo nanapakek nai Manetualain Lalaa Teman-na.

IMAMAT 5:17

Metema, hataholi esa ta name'da fa te ana tao sala-singok, nanahu ana la'olena Manetualain paletan esa soona, hataholi ndia nasala so, de muse ana lu'a-lepa tatao-nono'in ndia buna-boan.

IMAMAT 7:18

Tehu metema, neu fai ka telun-na, te bei la'a paa ndia boe, soona neukose tutunu-hohotuk ndia ta nanasipok fa, ma ta neni baba'e-papalak ba'eneu hataholi ndia fa, nakalenak, ana da'di nana'a nalulik. Hataholi mana'ak-ka nasala, de muse ana lu'a-lepa tatao-nono'in buna-boan.

BILANGAN 9:13

Nasafalin-na, hataholi manggenggeo ta ka, ma ta nai leleo-lala'o dame doo dalek boen, tehu ana ta tunga feta Paskah fa soona, Au ta sipok-kana da'di Au anang so'on, nanahu ana ta tunu-hotu tutunu-hohotuk fe Au, nai faik fo nananaketuk-ka. Hataholi ndia, muse lu'a-lepa aon sala-singon.

MATEOS 26:63

Tehu Yesus ka'da denge-denge. Boema imam matua ina natane la'iesa selu kana nae, “No Manetualain fo maso'dak ndia na'de na mafa'da fe ami, ade O nde Mane Mana Fe So'dak fo Manetualain Anan do?”

1 PETRUS 2:24

Kristus lu'a-lepa ita sala-singon neme ai nggangek lain, fo ela ita tatapo'i teme sala-singo ka koasa na mai, fo taso'da tunga Manetualain hihii-nanaun. Kristus hina nala, nde lakahahaik emi a.

HAKIM-HAKIM 17:2

Faik esa boema, nafa'da inan nae, “Ina, lelek ina namopo doi fulak 1.100 boema, au amanene ina soo-supa hataholi nakok-ka. Ina doin-na nde ia! Au nde amanako-an nana.” Inan nataa nae, “Sa'di leo been-na, Manetualain ba'e-pala o, anang-ngo!”