IMAMAT 4:6 - Susula Malalaok Hehelu Palak Ma Hehelu Beuk

⁶ Boema, muse ana dope limaku'un-na leo daak ndia dalek neu, fo ana pisin la'i hitu neu tema lelesu matan fo manata'da fe'e Kama Malalao-malalafuk-ka

IMAMAT 4:6 ပူးပေါင်းရင်းမြစ်များ

KELUARAN 40:21

Boema ana pe'da Peti ndia nai Lalaa Temak dale, de ana lolo'e tema popotin-na neu Peti matan-na, sama leo Manetualain paleta neun.

KELUARAN 40:26

Ana pe'da mei tunu-hotuk-ka nai Lalaa Temak dale, fo nai temak-ka matan-na,

IMAMAT 14:16

Basa ndia soona, ana dope limaku'u konan-na leo mina dale neu, fo ana pisin la'i hitu nai Manetualain Lalaa Teman dale.

IMAMAT 14:18

Muse ana po'a mina lenak-ka neu hataholi ndia langan lain. No enok ndia, imam-ma tao feta nalalao-nalalafuk ba'eneu hataholi ndia, nai Manetualain matan.

IMAMAT 14:27

fo ana pisi mina ndia nenik lima konan-na, la'i hitu, nai Manetualain Lalaa Teman dale.

IMAMAT 14:7

Imam-ma, muse pisi manupui ndia daan-na la'i hitu neu hataholi manalea-haik ndia, ma nafa'da nae, ana lea-hai so. Boema, muse ana po'i falik manupui maso'dak-ka leo mook-ka neu.

IMAMAT 16:14

Boema, Harun muse ho'in-na sapi daa faaanak, fo ana pisi daak ndia neu Peti Hehelu-balataak-ka, tatanan-na uluk, ma la'i hitu neu Peti uluk.

IMAMAT 16:19

Muse ana pisi daak ndia faaanak la'i hitu, leo mei tunu-hotuk lain neu. No enok ndia, ana tao nalalao-nalalafu mei tunu-hotuk-ka neme leoina Israel-la manggenggeon-na mai, fo ela ala da'di balisi.

IMAMAT 25:8

Leke teuk hitu la'i hitu soona, dede'un-na teuk 49.

IMAMAT 26:18

Metema, emi la'ola'di basa huhukuk sila-la, te emi beita nau tunga Au boen soona, neukose Au popo-tama seluk emi huhuku-ma la'i hitu.

IMAMAT 26:24

soona neukose, Au anoli emi, ma Au huku emi la'i hitu, fo belan-na lena huhuku makahuluk-kala.

IMAMAT 26:28

soona neukose Au anoli emi no nasak, ma Au huku emi la'i hitu, fo belan-na lena neme huhukuk makahuluk-kala mai.

IMAMAT 4:17

Nai ndia, muse ana dope limaku'un-na leo daak ndia dalek neu, fo ana pisin la'i hitu neu tema lelesu fo manata'da fe'e Kama Malalao-malalafuk-ka, bafan-na.

IMAMAT 4:25

Imam-ma muse dope limaku'un-na leo bana ndia daan dale neu, fo ana losen neu mei tunu-hotuk-ka susulan-nala nai mei bu'un haas, ma ana pisi daak fo bei elak-ka leo mei tunu-hotuk-ka sosolon dale neu.

IMAMAT 4:30

Imam-ma, muse dope lima ku'un-na leo bana ndia daan dale neu, fo ana losen neu mei tunu-hotuk-ka susulan-nala nai mei-a bu'un haas, ma ana pisi daak fo bei elak-ka leo mei tunu-hotuk-ka sosolon dale neu.

IMAMAT 4:34

Imam-ma, muse dope limaku'un-na leo daak ndia dalek neu, fo ana losen neu mei tunu-hotuk-ka susulan manai bu'un haas, ma ana pisi daak fo bei elak-ka leo mei tunu-hotuk-ka sosolon dale neu.

IMAMAT 8:11

Ana pisi mina ndia faaanak la'i hitu leo mei tunu-hotuk lain neu, no basa oe-isin lala'en-na, boeo ana pisin neu baak oe no buin-na. No enok ndia, basa hata lala'en-na, nanafe hehelik ba'eneu Manetualain so.

IMAMAT 8:15

Boema, Musa ta'ti sapi ndia, de ana ho'i-na daan-na seli. Ana lose daak ndia, nenik limaku'un-na neu mei tunu-hotuk-ka susulan manai bu'un haas, fo ela mei tunu-hotuk ndia, nanafe hehelik ba'eneu Manetualain. Ana pisi daa lenak-ka leo mei tunu-hotuk-ka sosolon dale neu. Enon-na leondiak, mei tunu-hotuk ndia nanatao nalalao-nalalafuk, ma nanafe hehelik ba'eneu Manetualain.

IMAMAT 9:9

Harun anan-nala leni bana ndia daan-na leo Harun neu, boema ana dope limaku'un-na leo daak ndia dalek neu, de ana losen neu mei tunu-hotuk-ka susulan-nala, nai mei-a bu'un haas. Basa ndia boema, ana pisi daa lenak-ka leo mei tunu-hotuk-ka sosolon dale neu.

BILANGAN 19:4

Soona Imam Eleazar-ra, muse ho'in-na bana ndia daan faaanak, fo nasale leo Manetualain Lalaa Teman-na neu, fo ana pisin la'i hitu.

YOSUA 6:4

Imam hitu, esa-esak neni pupuuk, fo muse ala la'ok nai Peti Hehelu-balataak-ka uluk. Neu fai ka hitun-na soona, o ma o solda'dum-mala, muse la'ok okofefeo kota ndia la'i hitu, fo ndia te, basa imam-mala puu pupuun-nala.

YOSUA 6:8

Nandaa no Yosua paletan-na, de dalak manamanea nai uluk-ka, lakahuluk imam-mala manapuu pupuuk-kala, de imam-mala manandolo Peti Hehelu-balataak-ka tunga, basa boema dalak manamanea nai dea, ala la'ok lai dea. Lelek ala la'ok-ka, ala puu pupuuk-ka lakandondoo henin.