IMAMAT 4:32 - Susula Malalaok Hehelu Palak Ma Hehelu Beuk

³² Metema hataholi esa tunu-hotu bi'ilopo esa, soaneu sala-singon hapu do'o do ampon soona, bi'ilopo ndia, muse bi'ilopoina ma ta lu'u-la'ak fa.

IMAMAT 4:32 ပူးပေါင်းရင်းမြစ်များ

KELUARAN 12:3

Manduku-malosak paleta ia neu basa hataholi Israel-la lala'en-na mae: Nai bulak ia fain sanahulu soona, touk esan-na, muse ana helen-na bi'ilopoana esa, fo ela no uma isin-nala la'a.

KELUARAN 12:5

Emi bole hele bi'ilopo do bi'ihiik, tehu muse hele bi'i mane, besak-ka teuk esa, ma ta lu'u-la'ak fa.

YESAYA 53:7

Nanafepa-li'uk, no ta pake ha'da hataholik fa, tehu, ana lu'a-lepan no, hahae manalu. Ana ta buka bafan-na, sama leo leni bi'ilopoana leo mamana dodo'dok-ka neu, do nggute bi'ilopoina bulun-na.

IMAMAT 1:3

Metema, nanatunu-hotuk ndia sapi esa soona, bana ndia muse mane, ma ta lu'u-la'ak fa. Muse neni sapi ndia leo Manetualain Lalaa Teman-na lelesun-na neu, fo ela Manetualain dalen-na nahiik hataholi ndia.

IMAMAT 4:28

boema no lai-laik name'da-nan soona, muse ana tunu-hotu bi'ihiiina esa, ta lu'u-la'ak fa.

IMAMAT 5:6

Ma soaneu sala-singon nanasoi-tefak, muse neni bi'ilopo esa, do bi'ihiiina esa, soaneu Manetualain. Imam-ma muse tunu-hotu tutunu-hohotuk ndia, fo ela hataholi ndia sala-singon, hapu do'o do ampon.

LUKAS 1:35

Ata nusa so'dak ndia nataa nae, “Manetualain Dula Dale na neukose ana mai neu o, ma Manetualain koasa na neukose poti na o. Hu ka nde ndia de, ni'iana fo neukose o bongin ndia loken lae, Malalaok, Manetualain Anan.

YOHANIS 1:29

Balahaa boema, Yohanis nita Yesus mai boema nae, “Mete mitak, Manetualain Bi'ilopo Anan, fo mana kokaheni daebafa ka sala singo na, ana mai nde ndia.

YOHANIS 1:36

Yohanis nita Yesus la'ok tunga ndia boema, ana kokolak nae, “Mete leona, te Hataholi ndia nde Manetualain Bi'ilopo Ana na.”

EFESUS 5:27

No enok ndia, Kristus tao na hataholi kamahehelek sila, lapadeik no matua-mademan ma matetu-mandaak nai mata na, fo ta hapu bu'u-ba'ek do bu'u-ba'e esa boen.

IBRANI 7:26

Da'di Yesus ndia nde Imam Matua Ina fo ita paluu ka. Yesus malalao-malalafuk. Ta hapu salak do sala-singok faa anak boen nai Yesus fa. Yesus fe'ek neme hataholi masala-masingo kala mai, ma nanaso'uk losa mamanak fo dema lenaheni lalai lala'ena.

IBRANI 9:14

Naa, metema bi'i daa no sapi daa, ala hapu tao balisi hataholi a neme sala-singon mai soona, muda hata no Kristus daa na bai! Tunga Dula Dale mana ketu basa ta ka, de Kristus tunu-hotu aoina na da'dileo tutunu-hohotu matetu-mandaak soaneu Manetualain. Kristus daa na, ana tao nalalao ita dale na, neme agama ito ato mana da'di taan ndia mai, fo ita hapu talalau-taoono Manetualain fo maso'dak dia.

1 PETRUS 2:22

Ana beita tao nita salak, ma beita hapu hataholi namanenen, nasapepeko-nasandandali fa.

1 PETRUS 2:24

Kristus lu'a-lepa ita sala-singon neme ai nggangek lain, fo ela ita tatapo'i teme sala-singo ka koasa na mai, fo taso'da tunga Manetualain hihii-nanaun. Kristus hina nala, nde lakahahaik emi a.

1 PETRUS 3:18

Nanahu Kristus mate ka'da la'i esa mesa kana, losa dodoo na. Hu ka nde hataholi daebafa ka sala-singon de hataholi sala tak esa, Ana mate soaneu hataholi masala-masingo ka. Kristus tao-no'i basa sila la, fo ela Ana hapu hela-nole emi leo Manetualain mai. Ala tao lisan tunga ao paa ka, tehu nanatao naso'da falik tunga samane ka.

NINITAK 5:6

Basa boema au ita Bi'ilopo Ana esa napadeik nai kandela manek ndia tala'daheon, ma mahahae kaha kala ma lasi-lasik sila la okofefeo lan. Bi'ilopo Ana ndia meten soona sama leo nanado'do basa ka so. Susulan hitu ma matan hitu: fo nde Manetualain Dula Dale kahitun fo nadenus leu leo basa daebafa ka ala'ena.