IMAMAT 4:27 - Susula Malalaok Hehelu Palak Ma Hehelu Beuk

²⁷ Metema, lauingu esa, ana tao sala-singok, nanahu ta name'da fa te ana la'olena Manetualain paletan esa,

IMAMAT 4:27 ပူးပေါင်းရင်းမြစ်များ

MAZMUR 19:13

Ta hapu hataholi, nameda aon matofa-matalan-na fa; Manetualain, soi-po'i au neme salak fo nananafunik-ka mai.

KELUARAN 12:49

Ito-atok matak esa, la'e hataholi Israel isik-kala, ma hataholi nusa dea fo manaleo lahele loo emi-a.”

YESKIAL 45:17

Ndia nde, muse asa bana-manu soaneu tutunu-hohotu nanatunuk, tutunu-hohotu gandum, tutunu-hohotu angol, ba'eneu basa leoina Israel-la lala'en-na, nai fai malole-la, Feta Bula Beuk, fai Sabat-tala, ma fai malole fe'e-fe'ek-kala. Ndia muse sadia tutunu-hohotuk fo, sala-singok hapu do'o do ampon, tutunu-hohotu gandum, tutunu-hohotu nanatunuk, ma tutunu-hohotu mole-dame, soaneu noke do'o do ampon ba'eneu leoina Israel-la.”

YESKIAL 45:20

Nai bulak ndia, fain hitu soona, tao leondiak boe, soaneu basa hataholi fo, ta name'da, do ana ta bubuluk fa te, ana tao sala-singok so. No enok ndia, neukose emi manea Au Umang-nga, malalao-malalafun.

IMAMAT 4:13

Metema manamasala-masingok ndia, basa hataholi Israel-la lala'en-na, nana ta lame'da fa te ala la'olena Manetualain paletan esa,

IMAMAT 4:2

fo ana po'a-benga neu leoina Israel-la, nae su'di see, fo ta name'da fa te ana tao sala-singok, nenik ana la'olena Manetualain paletan esa soona, muse ana tunga nakanenetek-kala nde ia.

IMAMAT 4:22

Metema, manatao sala-singok-ka, hataholi manakoasa esa, nanahu ta name'da fa te ana la'olena Manetualain paletan esa,

IMAMAT 5:17

Metema, hataholi esa ta name'da fa te ana tao sala-singok, nanahu ana la'olena Manetualain paletan esa soona, hataholi ndia nasala so, de muse ana lu'a-lepa tatao-nono'in ndia buna-boan.

IMAMAT 9:15

Basa boema, ana tunu-hotu bi'ihiik soaneu tutunu-hohotuk sala-singok hapu do'o do ampon, ba'eneu salanik-kala sala-singon hapu do'o do ampon Ana do'do bi'ihiik ndia, de ana tunu-hotun sama leo tutunu-hohotuk soaneu ndia sala-singo mesan-na hapu do'o do ampon.

BILANGAN 15:22

Metema emi ta mame'da fa, te emi la'olena nakanenetek esa, neme Manetualain fe basa Musa nakanenetek-kala mai soona, mulai neme faik fo Manetualain fe nakanenetek ndia, losa bobongik leo bobongik neu, ma emi tao salak ndia, nanahu emi ta bubuluk nakanenetek-ka fa, soona emi basa-basamala, muse tunu-hotu sapi mane esa, soaneu tutunu-hohotu nanatunuk. Emi muse tunu-hotu tutunu-hohotu nana'ak ma oe angol, sama-sama no sapi mane ndia, sama leo nakeketuk-ka. Tutunu-hohotuk ndia boon-na, nandaa no Manetualain dalen-na. Fe'ek neme ndia mai, emi muse tunu-hotu bi'ilopo mane esa, soaneu tutunu-hohotu sala-singok hapu do'o do ampon.

BILANGAN 15:27

Metema ka'da hataholi esa, ta name'da fa te, ana tao sala-singok, soona muse ana tunu-hotu bi'ihii tenak esa, besak-ka teuk esa, soaneu tutunu-hohotuk fo, sala-singok hapu do'o do ampon.

BILANGAN 15:29

Nakanenetek ndia boeo, la'e see fo, ta name'da fa te, ana tao sala-singok so, nau ndia hataholi Israel, do hataholi nusa dea, fo ana leo nahele nai sila nusan dale boe.

BILANGAN 5:6

nakanenetek ia-la, fo ana fen neu hataholi Israel-la nae: Metema hataholi esa ta lilineka neu Manetualain nenik ana tao salak soaneu hataholi fe'ek soona,