IMAMAT 3:2 - Susula Malalaok Hehelu Palak Ma Hehelu Beuk

² Hataholi manatunu-hotuk-ka, muse lalaa liman-na neu bana ndia langan lain, boema ana ta'tin nai Manetualain Lalaa Teman-na, lelesun-na matan-na. Imam-imam fo Harun tititi-nonosin-nala, muse pisi bana ndia daan-na neu mei tunu-hotuk-ka boboan haas.

IMAMAT 3:2 ပူးပေါင်းရင်းမြစ်များ

KELUARAN 29:10

Basa soona, o muse hela meni sapi mane ndia leo Au Lalaa Temang-nga matan-na neu. Harun no anan-nala muse lalaa liman-nala neu bana ndia langan lain.

KELUARAN 29:11

Do'do sapi mane ndia nai Au matang, fo nai Lalaa Temak lelesun-na.

KELUARAN 29:15

Basa soona, ho'i-ma bi'ilopo manek-ka duak sila-la. Fo Harun no anan-nala muse lalaa liman-nala neu bana sila-langan lain.

KELUARAN 29:16

Soona, do'do bana sila-la fo ho'i-ma daan-nala fo pisin neu mei tunu-hotuk-ka boboan haas.

KELUARAN 29:19

Ho'i-ma bi'ilopo mane esa, fo nde bi'ilopo mane soaneu feta ndo eik-ka. Madenu Harun no anan-nala lalaa sila liman-nala neu bana ndia langan lain.

YESAYA 53:6

Ita basa-basa-tala, tatofa-tatalak, sama leo bi'ilopo-a, fo esa-esak sangak enon. Manetualain nadodou basa ita sala-singon neun so.

IMAMAT 1:11

Hataholi ndia, muse do'do bana ndia nai mei tunu-hotuk-ka boboan kii, boema imam-mala muse po'a daan-na neu mei tunu-hotuk-ka boboan haas.

IMAMAT 17:3

Metema leoina Israel esa tunu-hotu sapi, bi'ilopo do bi'ihiik soaneu Manetualain soona, muse do'do bana ndia nai Manetualain Lalaa Teman-na lelesun-na, bafan-na. Metema ana do'don nai mamana fe'ek soona, ana la'olena hoholo-lalanek, nanahu nanisa so. De ana ta da'di Manetualain anan-nala so'on.

IMAMAT 3:3

Soaneu tutunu-hohotuk mole-dame ba'eneu Manetualain-na, imam-ma muse tunu-hotu bana ndia paan-na, fo nde: mina tei-aten,

IMAMAT 3:8

Nai ndia, ana muse lalaa liman-na neu bi'ilopo ndia langan lain, boema ana do'don nai Lalaa Temak-ka matan-na. Boema, imam-ma muse pisi bi'ilopo ndia daan-na, neu mei tunu-hotuk-ka boboan haas.

IMAMAT 8:22

Boema, Musa hela-na bi'ilopo mane esak-ka seluk, fo soaneu tutunu-hohotuk ndo ei imam-ma. Harun no anan-nala lalaa liman-nala neu bi'ilopo ndia langan lain,

ZAKHARIA 12:10

Basa boema, Dauk tititi-nonosin, boema neukose Au fe laun Yerusalem-mala, dalek fo nau sue-lai, ma nau hule-haladoi. Neukose ala mete ndia fo ala pau basan so, fo ala kii-makaleleun, sama leo hataholi kii-makaleleu ana kisan-na. Neukose ala kii-makaleleu no dale he'dik, sama leo hataholi fo namopo ana ulun-na.

BILANGAN 18:17

Tehu ta bole soi sapi, bi'ilopo ma bi'ihiik ana makasososan-nala fa. Bana-manu sila-la, Au nuung so, de muse tunu-hotu henis. Pisi daan-na neu mei tunu-hotuk-ka, ma tunu minan-na, fo da'di leo tutunu-hohotuk. Boon-na nandaa no Au daleng-nga.

HATAHOLI 3:15

Boema tolanoo kala taomisan, te see ko na Ndia nde maso'da ka huu na, ba'eneu basa hataholi lala'ena. Tehu Manetualain tao naso'da fali kana neme mamate sa mai so. Ami nde sakasii matam dede'ak ndia.

HATAHOLI 3:26

Hu ndia de Manetualain hele Ata na fo nadenun Ana mai nakahuluk neu emi, fo ela Ana fe baba'e-papalak neu emi. Ana fe baba'e-papalak ndia, eno na nde, Ana tao na tolanoo kala tukatei-saledale neme emi maso'da mangalau ma eno dalan mai.”

2 KORINTUS 5:21

Kristus sala-singon ta, tehu Manetualain fen Ana lu'a-lepa ita sala-singo nala, fo ela ita malole falik to Manetualain, nana ita da'di esa to Kristus.