IMAMAT 3:17 - Susula Malalaok Hehelu Palak Ma Hehelu Beuk

¹⁷ Hataholi Israel-la, ta bole la'a minak do daak makandondook fa. Nakanenetek ndia, nanapakek losa dodoon-na, de hataholi Israel-la muse tungan, leomae ana leo su'di nai bee boe.

IMAMAT 3:17 ပူးပေါင်းရင်းမြစ်များ

KEJADIAN 9:4

Ka'da esa mesak-kana, nde o ta bole mu'a fan, fo nde paa bei madaak-ka, nana ani hahaek ndia, nai daak dale.

2TAWARIKH 29:35

Fe'ek neme tutunu-hohotu nanatunuk-ka, basa imam-mala tunu-hotu laun-na la'a tutunu-hohotuk-kala minan-na boe. Boeo ala tunu-hotu angol fo ala po'an sama-sama no tutunu-hohotu nanatunuk sila-la. Ala tao seluk makaluku-makatele nai Manetualain Uman-na, enon-na leondiak.

NEHEMIA 8:10

Besak ia, fali me'um-ma leona; mi'a-minu no namahokok. Fe emi nana'a-nininum ma emi angol-la seli leo hataholi manato'a-taak-ka. Faik ia, fai hehelik ba'eneu ita Manetualain-na, da'di boso dale he'di. Namahokok fo Manetualain fen neu emi-a, neukose natetea-nahehele emi.”

KELUARAN 27:21

Harun no anan-nala muse ito-ato banuk ndia neme le'donoso losa fafaik nai mamanak fo Au nai ndia, nai temak nanalolo'ek-ka deak nai Peti Hehelu-balataak-ka matan. Hataholi Israel-la loo tititi-nonosin muse lakalala'ok paleta ndia losa dodoon-na.”

KELUARAN 28:43

Sila muse pake lopo ndia tataasesa, nai lelek ala masok leo Au Lalaa Temang dale leu, do leu deka loo mei tunu-hotuk-ka soaneu ala tao makaluku-makatele da'dileo imam nai Kama Malalao-malalafuk dale, fo ela boso mates, nanahu hataholi nita sila aopaan fo ta nandaa hataholi nita fan. Nakanenetek ndia, da'di nahele soaneu Harun no tititi-nonosin.”

YESKIAL 33:25

Hu ndia de Manetualain Fo Mademaina, nadenu au, fo au afa'das hala hehelun-na nde ia nae, “Emi mi'a paa matak; emi songo-tango, ma emi manisa. Tehu emi mapalani manseli, manaku emi daem dae ia.

YESKIAL 44:15

Manetualain Fo Mademaina, nafa'da nae, “Nai lelek Leoina Israel-la, ala la'oela Au, imam Lewi-la leme Zadok tititi-nonosin-nala mai, lalalau-laoono lahele Au no lilinekak, nai Au Umang. Hu ndia de, besak ia, sila nde muse lalalau-laoono Au, ma ala mai leo Au matang mai, fo ala tunu-hotu, tutunu-hohotuk-kala minan-na, ma daan-na.

YESKIAL 44:7

Ala tao langgenggeo Au Umang-nga so, nana ala tunu-hotu fe Au, tutunu-hohotuk minan-na, ma daan-na, ma ala fe loak neu hataholi nusa dea fo, nanasunat beitak-kala, ma ala ta nau tunga neu Au fa, ala bole masok leo dalek leu. No sila tatao-nono'in fo, nanamaluak ndia de, ala la'olena Au hehelu-balataang no sila so.

IMAMAT 10:15

Muse ho'i meni bana tutunu-hohotu hehelik-ka sakibolon-na, ma bana tutunu-hohotu natutu'duk-ka tenen-na, sama-sama no minan-na, soaneu tutunu-hohotu nanatunuk-ka, fo da'di leo tunu-hotu hehelik ba'eneu Manetualain. Paa bibiak sila-la, ala da'di o ma o anam-mala nuun, losa dodoon-na, sama leo Manetualain paletan-na.”

IMAMAT 10:9

“O minu basa angol do ala-lalu soona, o moo o anam-mala ta bole meu leo Au Lalaa Temang dale meu fa. Metema, emi la'olena nakanenetek ndia soona, neukose mate emi. Basa o tititi-nonosim-mala muse tunga nakanenetek ndia.

IMAMAT 16:29

Muse tunga nakanenetek ia-la, losa dodoon-na. Neu hataholi Yahudi-la bula ka hitun-na, fain sanahulu soona, hataholi Israel-la, ma hataholi nusa dea fo manaleo loo hataholi Israel-la, muse ala oka aon-nala, ma ta bole laue-lale'di fa, nanahu faik ndia, fai malalao-malalafuk nanseli. Nai faik ndia, muse ala tao feta, soaneu tao nalalao-nalalafu leoina Israel-la neme sala-singon lala'en-na mai, fo ela ala da'di hataholi balisi.

IMAMAT 16:34

Muse tao feta ndia la'i esa, nai teuk esa dalen-na, soaneu tao nalalao-nalalafu leoina Israel-la neme sila sala-singon lala'en-na mai. Nakanenetek sila-la, nde muse ala tungan losa dodoon-na. Musa tao tungan, sama leo hata fo Manetualain paleta neun.

IMAMAT 17:7

Leoina Israel-la, muse lilineka lahele neu Manetualain, ma ta bole do'do bana nai tina-la dalek makandondook so'on, soaneu tunu-hotu fe nitu mangalauk-kala. Muse tunga nakanenetek sila-la, losa dodoon-na.

IMAMAT 19:26

Boso mi'a paa daa. Boso pake mo'do-akidok, do da'di manasuangi.

IMAMAT 23:14

Emi beita meni tunu-hotuk ndia leo Manetualain neu fa te, ta bole mi'a gandum beuk ndia faaanak boen, nau mamatak do nanadalak do nanatunuk da'di loti so boe. Basa emi tititi-nonosim-mala, muse tunga nakanenetek ndia losa dodoon-na.

IMAMAT 23:21

Nai faik ndia, emi muse makabubua fo sene-do'ok, ma ta bole tao ue-le'dis mabela fa. Emi tititi-nonosim muse tunga paleta ndia, losa dodoon-na, ma ala leo su'di nai mamanak bee boe.

IMAMAT 24:3

Harun muse ito-ato banuk sila-la, neme le'donoso losa fafaik, nai mamanak fo Manetualain nai ndia, nai tema lelesu fo manapoti ketu Peti Hehelu-balataak-ka, nai Kama Malalao-malalafuk nanseli-a deak. Muse tao tunga paleta ndia, losa dodoon-na.

IMAMAT 24:9

Loti ndia nde been-na, soaneu Harun no tititi-nonosin. Ala muse la'an nai mamanak malalao-malalafuk, nanahu loti ndia nalupa loti malalao-malalafuk nanseli, neme tutunu-hohotu nana'ak fo nanatunu-hotuk neu Manetualain, fo soaneu imam-mala.

IMAMAT 3:16

Imam malalau-maoonok-ka, muse tunu basa paa sila-la nai mei tunu-hotuk lain. Tutunu-hohotu nana'ak ndia boon-na, nandaa no Manetualain dalen-na. Bana ndia minan-na lala'en-na, soaneu Manetualain.

IMAMAT 4:1

Manetualain nadenu Musa

IMAMAT 6:15

Muse ana ho'in-na ha'desopuk sopuanak nafanggetek esa, no mina ma boomenin-na lala'en-na, fo ana tunun nai mei tunu-hotuk lain, fo da'di leo ta'du-tana, nae ana fe la'iesak tutunu-hohotuk ndia leo Manetualain neu so. Tutunu-hohotuk ndia, boon-na nandaa no Manetualain dalen-na.

IMAMAT 6:18

Losa dodoon-na, basa touk fo Harun tititi-nonosin-nala, bole la'a loti ndia; ndia nde da'di sila baba'e mahelen-na, neme nana'ak fo nanatunu-hotuk soaneu Manetualain. Hataholi fe'ek koila'e nana'ak nanatunu-hotu basak ndia soona, neukose ana hapu soe, nanahu nana'ak ndia malalao-malalafun-na.

IMAMAT 6:22

Basa Harun tititi-nonosin fo nanandoo eik da'di Imam Matuaina losa dodoon-na, muse ana tunu-hotu tutunu-hohotuk ndia. Muse tunu la'iesak-kana, soaneu tunu-hotuk ba'eneu Manetualain.

IMAMAT 7:23

soaneu leoina Israel-la. Ta bole la'a sapi minan-na, bi'ilopo do bi'ihiik minan-na fa.

IMAMAT 7:34

Tenen-na ma sakibolo konan-na nde been-na, tutunu-hohotu hehelik, fo Manetualain ho'in neme leoina Israel-la tutunu-hohotu natutu'dun-na mai, de Ana fen neu basa imam-mala. Fo ndia nde leoina Israel-la tutulu-fafalin ba'eneu basa imam-mala, losa dodoon-na.

IMAMAT 7:36

Nai faik ndia, Manetualain paleta leoina Israel-la, fo ela neme basa sila tutunu-hohotun mai, baba'ek ndia nde soaneu basa imam-mala. Leoina Israel-la, muse tunga nakanenetek ia-la losa dodoon-na.

BILANGAN 19:21

Nakanenetek ndia, nanapakek losa dodoon-na. Hataholi manapisi oe feta ndia boeo, muse safe bua papaken-na, fo oe ndia la'e hataholi-a, nanggenggeo losa le'do tenak.

MATEOS 16:24

Basa boema Yesus nafa'da ana mana tunga nala nae, “Hataholi fo ana nau tunga Au soona, muse nafandele heni basa ndia paluun lala'ena fo ana lu'a ai nggange na, ma ana tunga nahele Au.

MATEOS 26:28

Nana Au daang ia daak hehelu-balataak, daak fo nanapo'a henik soaneu fe do'o do ampon neu hataholi ba'u sala-singon.

HATAHOLI 15:29

boso mi'a nana'ak fo ala fen neu sosongo-tatangok; boso mi'a paa daa, boso mi'a bana nanafule nisak paa na, ma madook ao ma neme sosoa-piao ka mai. Metema emi madook ao ma neme basa dede'ak sila la mai soona, emi tao-no'i tatao-nono'im malole ndia so. Ba'u ka'da ndia. So'da-molek ba'eneu emi!”

EFESUS 1:7

Nana, hu ka nde Kristus mamate na de, Manetualain se'i po'i ita, fo dede'ak ndia sosoa na nae, Ana fe do'o do ampon neu ita sala-singon so.

EFESUS 5:26

Kristus tao leondiak fo ela Ana hapu tao balisi hataholi kamahehelek sila la ninik nanoli na, ma tunga oe salani ka, fo daenga makabui na, Ana hapu fen neu Manetualain.

ULANGAN 12:16

Ka'da emi ta bole mi'a daan-na fa, po'ahenin leo dae lain neu, sama leo oe-a.

ULANGAN 12:23

Tehu paa bee-la bei madaak soona, emi ta bole mi'a fan, nanahu bana ndia samanen-na, nai daan dale, de emi ta bole mi'a paan-na, sama-sama no samanen-na fa.

ULANGAN 12:24

Ta bole mi'a daan-na makandondook fa, te emi muse po'ahenin leo dae lain neu, sama leo oe-a.

ULANGAN 15:23

Ta bole mi'a daan-na fa, tehu emi muse po'ahenin leo dae lain neu, sama leo oe-a.”

ULANGAN 32:14

Ala hapu kapaoe makadotok neme sila sapin-nala, bi'ihiin-nala ma sila bi'ilopon-nala mai; sila bana-manun nde maao-la sila gandum ma angol-la nde malole nanseli.

1 TIMOTIUS 4:4

Manetualain nakadada'dik basa hata lala'ena malole. Hu ndia de, metema ita sipon no hule-haladoik ma toke makasi neu Manetualain soona, ta hapu hata nana nalulik esa boen.