IMAMAT 27:28 - Susula Malalaok Hehelu Palak Ma Hehelu Beuk

²⁸ Ta hapu hataholi esa boen, hapu nase'o do soi falik hata fo ana fe basan da'di leo fe-fe hehelik, soaneu Manetualain so, nau hata ndia hataholi, bana-manu do dae boe. Sila-la da'di Manetualain nuun losa dodoon-na.

IMAMAT 27:28 ပူးပေါင်းရင်းမြစ်များ

2TAWARIKH 31:14

Kore fo Yimna anan-na da'di manamanea-la malangan nai Manetualain Uman-na Lelesuinan Dulu, ana hapu bela-ba'uk soaneu sipo boa-boa fo nanafek neu Manetualain-na, boema ana baba'e boa-boa sila-la.

KELUARAN 22:20

See tunu-hotu tutunu-hohotuk fe lamatua fe'ek-kala, ta'da fe'e ana tunu-hotu fe Au, fo Manetualain soona, muse hukunisan.

YESKIAL 44:29

Sila muse laso'da leme tutunu-hohotu gandum, tutunu-hohotuk fo, sala-singok hapu do'o do ampon, ma tutunu-hohotu bae huta-bu'uk-ka mai; basa hata lala'en fo, nanafe hehelik neu Au, muse fes leo sila neu.

YESKIAL 48:14

Sila ta bole lase'o dae ndia, leomae ka'da tenga esa boe, do ala tukahenin; Israel dae baba'en fo, malole nanseli-a, ta bole lali leo hataholi fe'ek liman neu fa, nana dae ndia, nanafe hehelik ba'eneu Manetualain de ana da'di Manetualain nuun so.

IMAMAT 21:22

Tehu, ana bole na'a nana'ak nanatunu-hotuk, nau tutunu-hohotu nana'ak malalao-malalafuk, do tutunu-hohotu nana'ak fo malalao-malalafuk nanseli boe.

IMAMAT 27:21

Nai Teuk Fe Falik manamaik-ka dalek, tina ndia da'di Manetualain nuun losa dodoon-na, fo Ana fen leo basa imam-mala neu.

IMAMAT 27:27

Tehu, bole soi bana nalulik-ka ana makasososan-na tunga belik fo nanapakek nai Manetualain Lalaa Teman-na, ma popo-taman no baba'ek dahulu neme bana ndia belin-na mai. Metema ta soi fan soona, bole nase'o bana ndia leo hataholi fe'ek neu, tunga belik fo nanapakek nai Manetualain Lalaa Teman-na.

IMAMAT 27:29

Nakalenak, hataholi fo nanafe hehelik neu Manetualain soaneu tao namopo-namaten soona, ta bole soi falik-kana fa; muse taonisan.

BILANGAN 18:14

Basa hata lala'en manai dae Israel-la, fo nanafe hehelik neu Au so, emi nuum basa sila-la.

MATEOS 25:41

Basa ndia boema, neukose Manek ndia nafa'da hataholi manai boboa kii na nae, ‘La'o heok meme ia mai, hei hataholi mangalau kala lemin! Masok leo ha'i mana mate ta ka dalek meu, te mamanak ndia nanasadia basak soaneu nitu a no basa lima ein lala'ena!

ROMA 9:3

nanahu au tolanoong fo leoina esa lo au. Nana hu ka nde sila de, au nau Manetualain soo-supa au ma nanabingaba'ek neme Kristus mai.

1 KORINTUS 16:22

Hataholi fo ana ta sue-lai Lamatua ka, neme na fo nanasoo-supak! Maranata! – Ami Lamatua ma mai leona.

GALATIA 3:10

Hataholi fo lamahena neu ka'da agama hoholo-lalane na, basa-basas laso'da nai soo-supa ka dalek. Nanahu nai Susula Malalaok dale, nanasulak nae, “Hataholi fo ana ta lilineka nahele nai nakalala'ok basa hata fo nanasulak nai Agama Susula Hololo-lalanen dale fa soona, Manetualain soo-supan!”

GALATIA 3:13

Tehu Kristus soi-po'i ita teme agama hoholo-lalanen soo-supan mai so. Ana tao dede'ak ndia tunga, Ana po'i lotak ao ina nanasoo-supak, hu ka nde ita. Nana nai Susula Malalaok dale, nanasulak nae, “Sosoo-susupak ba'eneu hataholi fo maten nanalonak nai dii ai lai na.”

ULANGAN 25:19

Hu ndia de, metema emi Manetualaim-ma fe nusak ndia neu emi, fo emi leo no nee-nee-lino-linok, nanahu emi musum manai emi titia-tataim-mala, ala ta latee-latati loo emi so'on soona, emi muse taomisa la'iesak hataholi Amalek sila-la, boso ela esa boen, fo ela mopo na'den-nala, nai daebafak-ka ia poin-na. Boso mafandele henin!”

ULANGAN 7:26

Boso pe'da-fua dodoki-dudulak sosongo-tatangok esa, nai emi umam dale, fo ela sosoo-susupak fo manatuni-ndeni nalas-sa, boso tuni-ndeni-nala emi boe. Emi muse makamuu-makadau ma malua tatao-nono'ik matak leondiak-ka, nanahu Manetualain soo-supa tatao-nono'ik ndia.”

YOSUA 6:26

Nai lelek ndia, Yosua kalua kena-ka'ik-ka nde ia nae, “Su'di see boe, fo ana sanga enok nafofo'a falik kota Yerikho ia soona, neukose Manetualain soo-supan la'en. Soo-supak-ka nde ia: See kande nafofo'a falik kota Yerikho-a soona, neukose namopo ana ulun-na; ma see kande pasak falik lelesuinan-nala soona, neukose namopo ana mulianan-na.”

YOSUA 7:1

Manetualain nafa'da basa hataholi Israel-la nae basa hata lala'en manai kota Yerikho, muse tao nakalulutuk-kasa, fo ta bole ho'i-la esa boen. Tehu ala ta tunga paleta ndia fa. Touk esa na'de Akhan, la'olena paleta ndia, nalosa Manetualain namanasa nanseli no hataholi Israel-la. (Akhan aman na'de Karmi, ma ba'in na'de Zabdi neme teidalek Zerah nai leo Yehuda dalek.)

YOSUA 7:25

Boema Yosua nafa'da Akhan nae, “Tao le'e, de o meni susa fe ita? Besak ia, neukose Manetualain fe susa neu o!” Boema basa hataholi Israel-la tapa Akhan no teidalen-nala nenik batu, losa mates. Boema, ala hotu heni basa hata-heton, ma namanako-na bua-lo'as-sala boe.

HAKIM-HAKIM 21:11

Ala paletas, fo taolisa la'iesak touk-kala ma inak fo ta matatema so'on.

HAKIM-HAKIM 21:5

Basa boema, ala palisak lutu-lutuk, nai leo-leo manai leoina Israel-la dalek, fafa'kama makahulun-na, hapu nggelok, ta leu lakabubua fo lataa Manetualain nai Mizpa fa. (Nai lelek ndia, ala soo-supa basa lae, matema see ta tao natetu hala nalolook leo Mizpa neu fa soona, muse hukunisan.)

SEMUEL SUSULAK-KA ESAN-NA 15:18

bai te, Manetualain nadenu Ama Manek tao namopo-namate hataholi Amalek mangalauk sila-la. Nananadenuk Ama Manek, fo matee-mata'ti la'ban hataholi sila, losa basas la'iesak-kasa.

SEMUEL SUSULAK-KA ESAN-NA 15:3

Da'di, muu leona, fo sapu-ma hataholi Amalek-kala, fo tao makalulutuk hata-heton-nala lala'en-na. Boso ela hata esa boen; taomisa la'iesak touk-kala, inak-kala, ni'iana-la ma ni'iana bongi beuk-kala; boeo sapi, bi'ilopo, onta ma keledei.”