IMAMAT 27:26 - Susula Malalaok Hehelu Palak Ma Hehelu Beuk

²⁶ Bana-manu ana makasososan-na nde been-na, Manetualain nuun, da'di ta bole fen no dale hihii-nanau mesan-na, tunu-hotu bana ndia soaneu tutunu-hohotuk fa. Sapiana, bi'ilopoana do bi'ihiiana fo nanabongi makasososak-kala nde been-na, Manetualain nuun.

IMAMAT 27:26 ပူးပေါင်းရင်းမြစ်များ

2RAJA-RAJA 7:5

Lelek mulai makahatuk-ka boema, leu leo hataholi Siria-la ofun-na leu, tehu ta lita hataholi esa boen, nai ndia fa.

NEHEMIA 10:36

Neukose ami meni ami ana tou ulum-mala leo imam manai Manetualain Uman, fo fen leo Manetualain neu, nandaa no hoholo-lalanek nakaneneten-na. Boeo neukose ami fe ami sapi ana, bi'ilopo ana do bi'ihii ana ulum-mala neu.

KELUARAN 13:2

“Tunu-hotu basa ana uluk-kala fe Au. Basa Israel anatou ulun-nala, ma basa bana-manu ana ulun-nala nde been-na, Au nuung sila.”

KELUARAN 22:30

ma emi sapim-ma, emi bi'ilopom-mala, ala bongi ana maneanak makasososak-ka. Po'i bana sila-la lahele loo inan-nala, faik hitu dalen-na, boema neu fai ka falun-na soona, fes leo Au mai.

IMAMAT 27:27

Tehu, bole soi bana nalulik-ka ana makasososan-na tunga belik fo nanapakek nai Manetualain Lalaa Teman-na, ma popo-taman no baba'ek dahulu neme bana ndia belin-na mai. Metema ta soi fan soona, bole nase'o bana ndia leo hataholi fe'ek neu, tunga belik fo nanapakek nai Manetualain Lalaa Teman-na.

BILANGAN 18:17

Tehu ta bole soi sapi, bi'ilopo ma bi'ihiik ana makasososan-nala fa. Bana-manu sila-la, Au nuung so, de muse tunu-hotu henis. Pisi daan-na neu mei tunu-hotuk-ka, ma tunu minan-na, fo da'di leo tutunu-hohotuk. Boon-na nandaa no Au daleng-nga.

ULANGAN 15:19

“Sapi maneanak, ma bi'ihii maneanak, bi'ilopo maneanak fo, nanabongi makasososak-kala, emi muse tunu-hotu fen neu emi Manetualaim-ma. Ta bole pake sapi sila-la, soaneu ala hela luku nai ha'deoe dale fa, ma ta bole nggute bi'ilopo sila-la, bulun-na fa.