IMAMAT 26:6 - Susula Malalaok Hehelu Palak Ma Hehelu Beuk

⁶ Neukose, Au fe emi so'da-molek nai emi nusam ndia dalek, nalosa emi bisa sungu no nee-nee lino-linok, ma emi ta bii-mamata'u neu su'di see boen. Neukose Au tao amopo-amate bana makaa-makisuk-kala neme nusak ndia dalek mai, ma neukose ta hapu natee-natatik nai emi nusam-ma so'on.

IMAMAT 26:6 ပူးပေါင်းရင်းမြစ်များ

2RAJA-RAJA 2:24

Elisa lipa leo dea neu, de nakanaes, boema ana soo-supas nenik Manetualain na'den-na. No hatematak ndia boe, meoasu ina dua, ala kalua leme nula dale mai, de ala sii-sii lulu'i ni'iana 42, neme ni'iana makadotok sila-la mai.

1 TAWARIKH 22:9

Leomae leondiak boe, Ana fe basa au hehelu-balataak ka nde ia nae, ‘Neukose o bongi ma anatouk esa fo neukose ana paleta no tetu-temak, nana neukose Au tulu-falin, nalosa ta hapu musu natee-natati no fan. Neukose foin na'de Salomo nana nai lelek ana paleta, neukose Au fen tetu-temak ma nee nee-lino linok nai Israel-lala'en-na.

2TAWARIKH 20:30

Hu ndia de Yosafat paleta no tetu-temak, ma mole-dame nai basa nusak-ka lala'en-na.

AYUB 11:19

Neukose, o ta bii-mamata'u neu musu nok-ka fa; neukose, hataholi ba'uk-ka, loke tutulu-fafalik neme o mai.

AYUB 5:23

O foi-fala tina, neukose batun ta; neukose bana fuik-ka, ta sapu-na o fa.

MAZMUR 144:14

Ela leo bee-na, ita sapin-nala, boetai lamade'u, ma ta hapu mopo do kalaheni fa. Ela leo bee-na, ta tamanene hoo-nggu'u doidosok nai ita kotan-na, enon-nala fa.

MAZMUR 147:14

Ana nanea o nusam-ma, fo ela nee-nee lino-lino nahele, ma Ana fe o makabete minik gandum malole.

MAZMUR 29:11

Sa'di leo been-na, Manetualain fe anan-nala be'i-balakaik, ma Ana tao-nalas tetu-temak.

MAZMUR 3:5

Au aloo bou-bou neu Manetualain; neme pupukun fo malalao-malalafuk-ka mai Ana nataa au.

MAZMUR 4:8

O fe au, namahoko-seteleek, lena ba'uk-ka neme sila fo, nai lelek sila gandum-ma sasi kao-kao.

MAZMUR 85:8

Matu'du leon, mae O sue-lai mahele ami, ou Manetualain, fe ami so'da-molek, neme O mai.

KELUARAN 23:29

Neukose, Au ta usi heni la'iesak-kasa, nai teuk esa dalek fa, fo ela dae ndia boso nanapo'ilotak, fo bana fuik-kala boso henu dalek.

AMSAL 3:24

Neukose o muu sungu no ta bii-mamata'u fa, de o sungu mamanee le'odae katemak esa dalen-na.

AMSAL 6:22

Sila nanolin-nala neukose, le'a-nole emi nai emi leleo-lala'om-mala dalek, lanea emi nai fai susungum-ma, ma ana fe natutu'duk neu emi nai lelek emi fo'a.

YESAYA 35:8

Neukose, hapu okofoo nai naa, na'de, “enok manaleo so'da-molek-ka neu.” Neukose hataholi masala-masingok-ka, ta tunga enok ndia fa, hataholi nggoak-ka, neukose ana ta taon-na hataholi manatunga enok ndia, sala enok ndia fa.

YESAYA 35:9

Neukose ta hapu singa nai mamanak ndia fa, do bana makaa fe'ek fa. Hataholi fo, Manetualain soi-tefak-kala, neukose ana la'ok nai naa.

YESAYA 45:7

Au nde akakadada'dik mangale'dok ma makahatuk, Au fe baba'e-papalak mai, ma soe-a mai. Au nde Manetualain, fo manatao basa sila-la.

YESAYA 9:7

Manetualain naketu basa nusa Israel-la, huhukun-na so.

YEREMIA 30:10

Au anang Israel-la lemin, boso bii! Au atang Yakob, boso nggenge-boik! Neukose emi mo emi tititi-nonosim-mala Au soi-po'is neme nusa dok fo mamanak emi nanahukuk-ka. Neukose emi me'um-ma leo emi nusa-namom-ma fo leo no nene-lino-linok. Neukose emi leo no dale manatesa-tama; ta palu emi bii-mamata'u hata esa boen.

YEREMIA 31:26

Neu faik ndia ta, neukose hataholi nafa'da nae, ‘Au sungu amame boema au ame'da au aong-nga balakai.’

YESKIAL 14:15

Bole da'di, Au fe bana makaa-makisuk-kala mai, fo ala kaa-la nusak ndia laun-nala, nalosa nusak ndia, ana da'di mamana mangalauk nanseli, fo ta hapu hataholi esa boen, napalani la'ok tunga ndia fa.

YESKIAL 14:17

Bole da'di, Au fe natee-natatik-ka leo nusak ndia neu, ma Au haitua fes tafa-sisilo, soaneu tao lamate-lamopo, nau hataholi do bana-manu boe.

YESKIAL 14:21

Manetualain Fo Mademaina nafa'da nae, “Neukose, Au huku Yerusalem nenik Au huhukung haa, belan-na seli, fo Au tao amate-amopo, nau hataholi do bana-manu boe. Huhuku ka haak sila-la nde: natee-natatik-ka, la'a-ndoes-sa, bana makaa-makisuk-ka, ma he'di-laus-sa.

YESKIAL 34:25

Naukose, Au tao hehelu-balataak o sila, ma Au anea sila so'dan-na. Neukose, Au usiheni basa bana makaak-kala leme nusak-ka lala'en-na mai, nalosa Au bi'ilopong-ngala hapu leo no nee-nee lino-linok lai mook-kala, ma lai nula-la dalek.

YESKIAL 34:27

Neukose ai-la laboa, tina-osi fe buna-boa malole, ma basa hataholi-la, neukose ala leo no nee-nee lino-linok nai sila daen dale. Metema, Au tao ketu namosina fo, manapa'a Au anang-ngala, ma Au soi-tefa alas leme hataholi fo, manataos da'di ata mai soona, besak-ka ala bubuluk, lae Au nde Manetualain-na.

YESKIAL 5:17

Fe'ek neme susa-soe la'a-ndoes-sa mai, neukose Au fe la'a-ndoes, tatao-nono'ik fo ta nalelak susue-lalaik-ka, natee-natatik soaneu taonisa o laum-mala, ma bana makaa-makisuk soaneu taonisa anan-nala. Au, fo Manetualain, nde manakokolak-ka.”

HOSEA 2:18

Nai faik ndia, neukose Au tao hehelu-balataak o basa bana mata-matak lala'en-na, fo ela ala boso sapu-la Au anang-ngala. Neukose, Au tao ate'e natee-natatik lala'en-na, ma Au pe'da heok tee-tafa natee-natatik-kala, leme Au anang-ngala nusan ndia mai, fo Au tao-alas, laso'da no tetu-temak ma nee-nee lino-linok.

HOSEA 2:20

Nandaa no Au hehelu-balatang, de neukose Au ka'bing o, o. Neukose, o sipok Au da'di leo o Manetualaim Manakoasam-ma.

IMAMAT 25:18

Tunga basa Manetualain hoholo-lalanen ma paletan-nala, fo ela emi maso'da no nee-nee lino-linok nai nusak ndia.

IMAMAT 25:19

Nusak ndia daen-na, neukose ana fe buna-boan, nalosa emi hapu nana'ak dai, fo emi leo nai naa no tetu-temak.

IMAMAT 26:22

Neukose, Au fe bana makaa-makisuk-kala leu leo emi tala'da heom leu. Neukose, bana sila-la kaa-la emi anam-mala, taolisa emi bana-manum, ma la'aheni emi, nalosa ela ka'da emi lumanak nanseli, ma enok manai emi nusam dale-la, da'di nee-nee lino-linok.

IMAMAT 26:25

Neukose, Au akadada'dik natee-natatik-ka nai emi tala'da heom, fo soaneu huku emi, nanahu, emi la'olena Au hehelu-balataang no emi-a so. Ma metema, emi makabubua nai emi kotam dale, fo sanga nasulu-nahapak soona, neukose Au fe he'di-laus manalea-hai taak-ka mai, nalosa no nakasetik, emi makatele neu emi musum-ma.

IMAMAT 26:7

Neukose, emi bisa sengi emi musu-mala;

MIKHA 4:4

Neukose hataholi-a esa-esak naso'da nee-nee lino-lino, ma so'da-molek nai osi angol ma osi ai kaan-na tala'da; neukose ta hapu hata nakatata'u fan, Manetualain Fo Manakoasa, hehelu-balataan nde ndia.

ZEFANYA 3:13

Hataholi Israel fo bei elak-kala, neukose ala ta tao mangalauk seluk neu su'di see-a so'on; neukose ta lasapepeko-lasandandali so'on, ma ala ta tipu-dai boen. Neukose tetu-temak, ma so'da la'dak, boema ta lame'da bibii-namata'uk neu su'di see fa.”

HAGAI 2:9

Neukose Au Uma beung-nga lole-napun, lena heni makahulun-na, fo nai mamanak ia nde, neukose Au fe mole-dame ma su'i-betes neu Au leoina nga.” Manetualain Fo Manakoasa nde manakokolak-ka.

ZAKHARIA 9:10

Manetualain nafa'da nae, “Neukose Au tu'u-tapa heni kaleta-kaleta musu manamaik leme Efraim mai, neukose, Au tao amopo-amate ndala manai Yerusalem mala, ma neukose Au tao akalulutuk basa kokouk lala'en-na Neukose emi Manem-ma po'a-benga mole-dame neu leoina no leoina. Neukose, ana koasa neme tasi leo tasi neu, neme Lee Efrat-ta, losa daebafak-ka bu'un-nala.”

YOHANIS 14:27

Au la'oela so'da-mole ka neu emi. Au so'da-moleng nde Au fe neu emi ndia. Au fe emi ndia, ta sama no daebafa ka fe emi ka fa. Boso dale he'di, ma boso bii.

HATAHOLI 12:6

Sanga balahaa fo Herodes palisak Petrus dede'a na nai lea matan boema, le'odaek ndia Petrus sungu no nanapa'ak ninik namosina dua nai solda'du mana manea dua tala'da. Solda'du mana manea fe'e kala boeo, bei lanea lahele nai uma bui lelesu nala.

ROMA 5:1

Besak ia ita malole falik to Manetualain so, nanahu ita tamahele. Hu ndia de ita taso'da to Manetualain nai mole-dame a dalek, tunga ita Lamatuan Yesus Kristus.