IMAMAT 26:5 - Susula Malalaok Hehelu Palak Ma Hehelu Beuk

⁵ Neukose emi dae-ma buna-boan sasi kao-kao, nalosa, metema losa fai ketu-seu angol-la boan-nala, te emi bei ke'di gandum. Ma metema, fain-na losa soaneu sele gandum-ma, te emi bei seu angol-la boan-nala. Neukose emi hapu nana'ak dai, ma emi maso'da no tetu-temak nai emi nusam-ma.

IMAMAT 26:5 ပူးပေါင်းရင်းမြစ်များ

MAZMUR 144:13

Ela leo bee-na, ita gudang-ngala henuk no nana'a-nininuk. Ela leo bee-na, bi'ilopo manai ita moon-nala ala bongi, fo anan-nala losa lifu-lifun.

MAZMUR 90:1

Musa, fo Manetualain atan-na, huhule-haladoin. Ou Manetualain, O nde ami mamana nasulu-nahapan, neme bobongik leo bobongik neu.

KELUARAN 16:8

Neukose, Manetualain fe emi paa nai fai le'donoson-na, ma ko'kis nai fai fafain-na, fo emi mi'a losa emi makabete, nanahu Manetualain namanene basa emi makamuu-muun so. Te'e-te'e, metema emi mamanasa ami soona, emi mamanasa Manetualain.”

AMSAL 1:33

Tehu hataholi fo mana mamanene au-a, neukose nananakaboboik. Naso'da no nee-nee lino-linok, ma ana ta paluu bii-namata'u fa.”

AMSAL 18:10

Manetualain ndia, sama leo uma puni madema mateaina; hataholi dale ndoos-sa, neu leo naa neu, de ana hapu mamanak fo, nee-nee lino-linok.

YESAYA 1:19

Metema, emi nau tunga Au soona, neukose emi hapu basa hata malole manai emi nusam-ma.

YESAYA 30:23

Metema, emi sele-nggali bini-ngges soona, neukose Manetualain fe u'dan, fo ela bini-ngges sila-la, ala moli, fo ala fe buna-boak fo, ana sasi kao-kao. Neukose Ana sadia fe emi bana-manum, moo mana'uk maloaina.

YEREMIA 23:6

Metema ana paleta soona, neukose hataholi Yehuda-la laso'da-lamole ma neukose hataholi Israel-la laso'da-lamole no nenee-lino-linok. Manek ndia neukose loken soona lae, ‘Manetualain Ita So'dan-na’.

HOSEA 2:18

Nai faik ndia, neukose Au tao hehelu-balataak o basa bana mata-matak lala'en-na, fo ela ala boso sapu-la Au anang-ngala. Neukose, Au tao ate'e natee-natatik lala'en-na, ma Au pe'da heok tee-tafa natee-natatik-kala, leme Au anang-ngala nusan ndia mai, fo Au tao-alas, laso'da no tetu-temak ma nee-nee lino-linok.

HOSEA 2:20

Nandaa no Au hehelu-balatang, de neukose Au ka'bing o, o. Neukose, o sipok Au da'di leo o Manetualaim Manakoasam-ma.

YOEL 2:19

Nataas nae leo ia, “Besak ia, Au fe emi basa-basam-mala: gandum, angol ma mina setun fo da'di nana'a-nininuk, fo ela emi basa-basam-mala makabete. Neukose Au ta po'ilotak lakadadaek emi do leoina-la hika emi fa.

YOEL 2:22

Hai bana-manu-la lemin, dalem-mala boso ba'ihana, Besak ia, moo mana'uk-kala momo'do so. Ai-la boan-nala inu-inu, angol boak ma kaa boak makadotok nanseli.

YOEL 2:26

Neukose emi nana'a-nininum dai fo emi makabete. Neukose emi koa-kio Manetualain fo emi Manetualaim-ma, nana Ana tao manada'di beuk ba'uk-ka ba'eneu emi. Neukose, ta lakadadaek Au anang-ngala so'on!

AMOS 9:13

Manetualain nafa'da nae, “Neukose fain-na losa, gandum-mala moli no lai-laik, nalosa fai ketu-koluk-ka tuti-nato. Neukose ai angol-la moli makadotok nanseli, nalosa hataholi-a ta hahae tao angol fa. Neukose oe angol-la titi neme letek-kala, ma neme pupukuk-kala mai.

MATEOS 23:37

“Yerusalem, Yerusalem! O taomisa nabi la. Boema o pia Manetualain hataholi nadedenu nala ninik batu losa mates. La'i de'ubee, Au hii holu o hataholi mala sama na leo manu ina nasaluluku ana nala nai li'dan dale, tehu emi ta nau fa!

HATAHOLI 14:17

Tehu Ana ta nafandeleheni fe buti la'eneu aoina na, fo nde Ana tao malole. Ana fe emi u'dan neme lalai mai, fo dae-oe laisi-lamina, la'e fai na. Ana fe emi nana'a-nininuk fo nandaa no emi dale ma.”

ULANGAN 11:15

boema, na'u dai emi bana-manum-mala la'a. Neukose emi ta to'a-taa, nana'a-nininuk fa.

1 TIMOTIUS 6:17

Ba'eneu hataholi kamasu'ik manai daebafak ia la, ela leo been-na, mafa'das fo ala boso koao ma boso lamahena neu hata-heto mana sapu-lalok sama leo su'i-bete sa. Sila muse lamahena neu ka'da Manetualain fo mana po'a-ngganga basa hata lala'ena fe ita, fo ta'a pake.

1 PETRUS 1:5

Basa sila la nde bee na, soaneu emi, nana emi mamahele Manetualain. Boema Manetualain nanea emi ninik koasa na, fo ela emi sipo so'da molek fo nanasadia basak soaneu nananafa'dak nai le'do fai mate'e ka.