IMAMAT 26:45 - Susula Malalaok Hehelu Palak Ma Hehelu Beuk

⁴⁵ Neukose, Au tao abebeu hehelu-balataak fo Au taon no sila bei-ba'i kain-nala, nai lelek Au atu'du Au koasang-nga neu basa leoina lala'en-na, nenik Au o Au anang-ngala kalua leme Masir mai, fo ela Au fo Manetualain, dadi sila Manetualain.”

IMAMAT 26:45 ပူးပေါင်းရင်းမြစ်များ

KEJADIAN 12:2

Neukose, Au fe o tititi-nonosik makadotok, fo neukose, ala da'di leoina matuaina. Neukose, Au ba'e-pala o, ma Au fe o na'dem-ma nanakoa-nanakiok, nalosa neukose, o da'di baba'e-papalak.

KEJADIAN 15:18

Nai lelek ndia boe, Manetualain tao hehelu-balataak no Abram. Manetualain nae, “Au helu ae neukose, Au fe dae ia lala'en-na neu o tititi-nonosim, mulai neme too no nusa Masir-ra, losa Lee Efrat-ta,

KEJADIAN 26:24

Nai le'odaek ndia Manetualain natu'du aoinan-na neun de nae, “Au nde o amam Abraham Manetualain na. Boso bii; te Au asulu-ahapa o. Neukose Au ba'e-pala o ma Au fe o tititi-nonosik makadotok, nanahu Au hehelu-balataang neu Au atang Abraham.”

KEJADIAN 28:15

Mafandendelek te, neukose Au tulu-fali, ma asulu-ahapa o, su'di o muu leo bee muu, ma neukose, Au o falik o leo nusak ia mai. Neukose, Au ta la'oela o, losa Au tao basa hata lala'en, fo Au helu basan neu o so.”

KEJADIAN 9:15

neukose Au afandele Au hehelu-balataang neu emi, ma neu basa mahahae maso'dak, fo kaso'dak-kala, fo nde nae faa tuak-ka, neukose, ta tao namopo-namate basa hata maso'dak lala'en-na so'on.

MAZMUR 106:45

Hu kande sila de, Manetualain nafandele-na hehelu-balataan, de Ana sue-lais, nanahu susue-lalai matuainan-na.

KELUARAN 2:24

Manetualain namanenes, ma nafandele hehelu-balataan no Abraham, Isak ma Yakob.

KELUARAN 20:2

nafa'da nae, “Au nde emi Manetualain, fo mananoo emi kalua meme Masir mai, mamanak fo manatao emi da'di ata.

KELUARAN 6:6

Neukose Au tao emi da'di Au anang, ma Au da'di emi Manetualaim-ma. Soona neukose emi bubuluk, mae Au ia Manetualain, fo emi Manetualaim manasoi-po'i emi neme ata nai Masir.

KELUARAN 6:8

Musa nanduku-nalosak basa Manetualain hala hehelun ndia neu leoina Israel-la, tehu ala ta taoafik neu Musa fa, nanahu tuni-ndenik fo ta nanuu susue-lalaik ndia, taon-nalas ketu namahehenan-nala so.

YESKIAL 20:14

Tehu, Au ta da'di amanasa fa, hu kande Au na'de malalao-malalafung-nga, fo ela leoina fo, lita Au o Israel kalua meme Masir mai-a, ala boso lakamumulu-lakamamaek Au na'deng-nga.

YESKIAL 20:22

Tehu, Au ta da'di amanasa fa, fo ela leoina fo, lita Au o Israel kalua neme Masir mai-a, ala boso lakamumulu-lakamamaek Au na'deng-nga.

YESKIAL 20:9

Tehu, Au ta da'di amanasa fa, fo ela leoina manai sila mamanan-na, boso lakamumulu-lakamamaek Au na'deng-nga. Nana Au po'a-benga basa nai leoina sila matan, ae neukose Au o leoina Israel-la, kalua leme Masir mai.

IMAMAT 11:45

Au nde Manetualain, fo noo emi kalua meme Masir mai, fo daenga Au da'di emi Manetualaim. Ela leo been-na, emi malalao-malalafuk, nanahu Au malalao-malalafuk.

IMAMAT 22:33

Au o emi kalua meme Masir mai, fo daenga Au da'di emi Manetualaim. Au nde Manetualain.”

IMAMAT 25:38

Emi Manetualaim-ma fo no emi kalua meme Masir mai, soaneu Ana fe nusa Kanaan-na neu emi, fo ela Ana da'di emi Manetualaim-ma, paletan-na nde ndia.

ROMA 11:12

Hu ka nde leoina Yahudi la lasala-lasingo ma ala ta tunga Manetualain hihii-nanaun fa, de Manetualain fe baba'e-papalan neu leoina fe'e kala. Lena-lenak metema leoina Yahudi la tututi-nanaton lo Manetualai na, malole falik; tao leo beeo Manetualain fes baba'e-papalak ba'ulena seluk bai!

ULANGAN 4:31

Emi Manetualaim-ma nde been-na, Manetualain fo dale susue-lalain ba'un-na seli. Ana ta nau la'oela emi, do Ana tao namopo-namate emi, do nafandele heni hehelu-balataak fo Ana taon no emi bei-ba'i kaim-mala fa.

ULANGAN 9:27

Mafandendelek O atam-mala, fo nde Abraham, Isak ma Yakob, ma boso mete leoina ia langabatun-na, tatao-nono'i mangalaun-nala, ma sala-singon-nala.