IMAMAT 26:41 - Susula Malalaok Hehelu Palak Ma Hehelu Beuk

⁴¹ nalosa Au ho'i nakeketuk, soaneu la'ban-nasa, ma Au usi henis leo mamana okak dale, nai sila musun-nala nusan. Mate'en-na, metema emi tititi-nonosim tunga, boema nanahuku basak hu kande sila sala-singon, ma malena langan-nala soona,

IMAMAT 26:41 ပူးပေါင်းရင်းမြစ်များ

1RAJA-RAJA 21:29

“O mita basa, tao leo beek fo Ahab nakaloe-nakadae ao na nai Au matang so hetu? Hu ndia de, neukose Au ta fe soe mai, nai lelek bei naso'da. Neu anan-na tepo-lelen besak-ka Au fe soe a tuni-ndeni-na teidalen-nala.”

2TAWARIKH 12:12

Hu kande manek-ka nakaloe-nakadae aoinan-na nai Manetualain matan, ma hu kande bei hapu dede'a malole nai Yehuda boe, de Manetualain nasa-melun neu Rehabeam-ma tenakhenin, de Ana ta tao namate-namopon makandondook fa.

2TAWARIKH 32:26

Tehu mate'e-na Hizkia ma hataholi Yerusalem-mala lakaloe-lakadae aoina-nala, de nai Hizkia fai maso'da-na dalek, ana ta nakalala'ok huhukuk ndia fa.

2TAWARIKH 33:19

Nai Nabi-la susula Tutuin dale boeo, nanasulak Manasye huhule-haladoin ma Manetualain natataan neu huhule-haladoik ndia, boema tutuik la'eneu sala-singok nai lelek ana beita tukatei-saledale fa, mamanak fo sene-do'ok neu sosongo-tatangok, ma ana taon-na lamatua daebafa Inak Asyera dodoki-dudulan-nala, ma sosongo-tatangok fo ana sene-do'ok neus-sala.

2TAWARIKH 33:23

Tehu, Amon ta sama leo aman fa, ana ta nakaloe-nakadae aoinan-na ma ana ta fali leo Manetualain mai fa; nakalenak ana nasala-nasingo lena neme aman mai.

EZRA 9:13

Ami masala-masingo basa, ma ami la'olena O hoholo-lalanem, de O huku basa ami so. Tehu ami bubuluk, ou ami Amam Manetualain, O fe huhukuk-ka, belan-na ta nandaa no hata fo ami sipok-ka fa, nakalenak O bei malak soi-tefa-mala ami.

EZRA 9:15

Amak, fo Israel Manetualain-na. O ndoos ma matetuk, tehu, leomae leondiak boe, O po'ilotak ami maso'da. Ami manaku ami salam-ma neu O; ami ta manuu hak, soaneu mai leo O matam-ma mai fa.”

NEHEMIA 9:33

O nakeketum-ma ndoos ma matetuk, O huku ami fo masala-masingok; O lilineka mahele, leomae ami henuk no bu'u-ba'ek.

MAZMUR 39:9

Po'i au neme basa au sala-singong-ngala mai, boso po'ilotak hataholi nggoak-ka, hakinonoli au.

KELUARAN 10:3

Boema, Musa no Harun leu leo manek-ka leu, de lafa'dan lae, “Leoina Ibrani-la Manetualain fo nde Manetualain-na, nafa'da nae, ‘O ta nau makatele neu Au fa, losa faihi'da? Po'i Au anang-ngala la'o, fo ela ala sene-do'ok neu Au.

YEREMIA 4:4

Hei laun Yehuda ma laun Yerusalem-mala lemin! Ho'u mahele emi hehelu-balataam moo Au, fo emi Manetualaim-ma, ma fe hehelik o aoinam-ma neu Au. Metema ta, soona neukose Au nasa-melung ana lua ponu-ponu fo nana'a, sama leo ha'i-a, fo su'di see boe, ana ta hapu taonisa fan. Neukose basa sila-la, tuni-la emi, nanahu emi tatao-nono'i mangalaum-mala.”

YEREMIA 6:10

Boema au ataa ae, “Manetualain, au muse kokolak o see, ma au muse fe nasanene'dak neu see? Hataholi sila, langabatu lanseli, de ala ta nau taoafik fa. Ala hika ma ala ta hii O hala hehelum, fo au anduku-alosak-kana neus fa.

YESKIAL 14:23

Boema, neukose emi boeo, bubuluk mae Au tatao-nono'ing sila-la, nanuu ne'ek. Au, Manetualain Fo Mademaina, nde manakokolak-ka.”

YESKIAL 20:43

Nai naa, neukose emi mafandele-ma, basa emi tatao-nono'i nanamaluam fo, manatao nanggenggeo emi aoinam-ma so. Soona neukose, emi malua seluk emi aoinam-ma, nai lelek emi mafandele-ma basa emi tatao-nono'im sila-la.

YESKIAL 44:7

Ala tao langgenggeo Au Umang-nga so, nana ala tunu-hotu fe Au, tutunu-hohotuk minan-na, ma daan-na, ma ala fe loak neu hataholi nusa dea fo, nanasunat beitak-kala, ma ala ta nau tunga neu Au fa, ala bole masok leo dalek leu. No sila tatao-nono'in fo, nanamaluak ndia de, ala la'olena Au hehelu-balataang no sila so.

YESKIAL 44:9

Au, Manetualain Fo Mademaina po'a-benga, ae hataholi nusa dea fo, nanasunat beitak-kala, ma hataholi fo, ana tunga neu Au fa, ta bole masok Au Umang-nga fa. Nakanenetek ndia, la'e hataholi nusa dea fo, ala leo lahele lai, leoina Israel-la tala'da heon-na boe.”

YESKIAL 6:9

nai naa, ala laso'da nai mamana tu'u-tapak dalek. Boema, neukose ala lafandele neu Au, boema ala bubuluk, lae Au huku sila, ma Au akamumulu-akamamaek sila, nana sila dalen-nala, ta lilineka loo Au fa. Ala la'oela Au, de ala hele sosongo-tatangok-ka nggati Au so. Boema, neukose ala malua seluk aoinan-nala, nanahu basa tatao-nono'i mangalaun lala'en-na, ma tatao-nono'i ta kandaan-nala fa.

IMAMAT 26:24

soona neukose, Au anoli emi, ma Au huku emi la'i hitu, fo belan-na lena huhuku makahuluk-kala.

IMAMAT 26:28

soona neukose Au anoli emi no nasak, ma Au huku emi la'i hitu, fo belan-na lena neme huhukuk makahuluk-kala mai.

BILANGAN 5:7

hataholi ndia, muse manaku sala-singon, ma ana bae namadai leo hataholi fo nakatutu'dak-kana ndia, ma ana bae popo-tama seluk palsen duahulu neme baba'e makasososan-na mai.

MATEOS 23:12

Hataholi fo namatutua-namadedema ao na, neukose nananakaloloe-nakadadaek, ma hataholi fo nakaloe-nakadae ao na, neukose nananamatutua-namadedemak.”

LUKAS 14:11

Nana basa hataholi fo namatutua-namadedema aoina na, neukose nananakaloloe-nakadadaek, tehu hataholi fo nakaloe-nakadae aoina na, neukose nananamatutua-namadedemak.”

LUKAS 18:14

Yesus nae, “Mamahele leona, te nai lelek ala fali le'us leo uma leu te, Manetualain sipo ka nde manasusu bea ndia, te hataholi Farisi ndia fa. Nana basa hataholi fo namatutua-namadedema aoina na, neukose nananakaloloe-nakadadaek; ma basa hataholi fo nakaloe-nakadae aoina na, neukose nananamatutua-namadedemak.”

HATAHOLI 7:51

Tolanoo kala langa batu manseli, ma tea na seli soaneu emi tunga Manetualain! Emi di'idoo mala pake nanseli neu Manetualain dede'a-kokolan! Emi mo emi bei ba'ikai mala matak esa! Emi la'ban Manetualain Dula Dale na tataas esa!

GALATIA 5:6

Hu ka nde, metema ita da'di esa too Kristus soona, tunga do ta tunga suna ta fa o, ta hata-hata fa. Fo paluu nanseli a, nde ka'da tamahele Kristus, fo dede'ak ndia, nananitak nai ita susue-lalain neu hataholi fe'e ka.

ULANGAN 10:16

Da'di, mulai neme hatematak ia mai, emi muse tunga neu Manetualain ma boso boe malangabatu seluk bai.

ULANGAN 30:6

Neukose Ana tao nabebeu emi dalem-ma, nalosa emi sue-lai emi Manetualaim-ma no emi dalek-katematuam-ma, ma emi leo mahele meme nusak ndia.

ULANGAN 31:21

ma neukose, susa-soe matuaina makadotok, ala tuni-ndeni lalas. Tehu neukose, lakamee lahele nakameek ia, ma ala paken da'di leo, sakasii soaneu sila. Nakalenak besak ia, Au beita oos leo nusak fo, Au heluk-ka neu fa, te bubuluk sila dudu'a-aafin, tetee-tutu'dan so.”

FILIPI 3:3

Te see ko na, ita nde sipo sunat matetu ka, te sila soona, ta. Ita sene-do'ok neu Manetualain, hu ka nde Dula Dale na hehela-nonolen, ma ita toke makasi nanahu ita taso'da da'di esa to Kristus Yesus. Ita ta tamahena neu ito-atok tunga ha'da-tatao ao paa ka fa.

KOLOSE 2:11

Hu ka nde emi da'di esa mo Kristus de, emi nanasunat, tehu ta nanasunat ninik sunat fo hataholi daebafa ka tao ka fa, te neme sunat fo Kristus tao ka. Kristus fo manase'i po'i emi neme ha'da-tatao masala-masingo ka koasa na mai.