IMAMAT 26:38 - Susula Malalaok Hehelu Palak Ma Hehelu Beuk

³⁸ Neukose, emi mate nai mamana okak dale, ma nusa-nusak manamusu loo emi-a, ala tao lamopo-lamate emi.

IMAMAT 26:38 ပူးပေါင်းရင်းမြစ်များ

YESAYA 27:13

Nai lelek ndia, neukose pupuuk matua nanapuuk, fo naloo falik basa hataholi Israel fo, nanatapahenik manai Asyur ma Masir-ra. Neukose ala mai leo Yerusalem mai, fo ala sene-do'ok neu Manetualain nai pupuku malalao-malalafun-na.

YEREMIA 22:12

Neukose ana mate nai mamana ookak-ka, ma neukose ta mete nita nusak ia fa so'on.”

YEREMIA 42:22

Hundia de, mafandendelek leona te: nai nusak fo emi mahiik leo mahele ndia, neukose emi mate nai natee-natatik-ka dalek, ado hukande la'a-ndoes-sa do he'di-laus matuaina.”

IMAMAT 26:39

Bei ela emi hataholi maso'dam lumanak nai emi musum-ma nusan-na, neukose ala doi-doso, nanahu emi sala-singom, ma emi bei-ba'i kaim-mala sala-singon.

ULANGAN 28:48

Hu ndia de, emi muse da'di ata neu musu-musu fo, Manetualain nadenus ala mai fo, ala la'ban emi. Neukose, emi mamala'a-mamandoe, maama'da, ma makahola-la boema to'a-taa nai basa hata-hata lala'en-na dalek.

ULANGAN 28:68

Neukose, Ana fe emi sa'e ofak fo, fali seluk leo Masir meu, leomae Ana nafa'da basa nae, neukose emi ta fali seluk leo naa meu so'on. Neukose, emi mase'o emi aoinam-ma nai naa, soaneu da'di ata neu emi musum-ma, tehu hapu hataholi esa boen, fo ana nau asan-na emi fa.”