IMAMAT 26:33 - Susula Malalaok Hehelu Palak Ma Hehelu Beuk

³³ Neukose, Au fe natee-natatik-ka, da'di nai emi nusam-ma, fo ana tao tapasasala emi, nai nusa dea-la. Neukose, emi tinam-mala, ma emi kotam-mala nanapo'ilotak, fo ala da'di ai-batu madodouk.

IMAMAT 26:33 ပူးပေါင်းရင်းမြစ်များ

1RAJA-RAJA 8:46

Memak tete'e ka ta hapu hataholi esa boen ta nasala-nasingo neu O fa – Tehu metema O ana mala lasala-lasingo neu O – boema hu ka nde O nasa-melum de O po'ilotak musu a sengis, de loos da'dileo hataholi nanafook leo nusak esa nai dook-ka do nai mata boeo,

2RAJA-RAJA 25:9

Nebuzaradan hotu heni Manetualain Uman-na, manek-ka, uma manen-na, ma basa hataholi nananita-nalelak manai Yerusalem-mala, uman-nala.

2TAWARIKH 7:19

Tehu metema o ma o laum-mala la'olena Au hoholo-lalaneng ma Au paletang-ngala boema sene-do'ok neu lamatua daebafak fe'ek-kala,

NEHEMIA 1:3

Ala tui lae hataholi nanafoo haik fo manafali ma'is leo dae-oen mai sila-la, besak ia laso'da no doidosok ma ala hapu nakamumulu-nakamamaek neme leoina nusa dea manai titia-tatain-nala. Bai te, kota Yerusalem-ma papala nanadaman-nala lutu-lutu, de bei besenggela-besenggali ma lelesuinan-nala beita nanatao matalololek neme lelek makahulun-na nanahotu henik-ka mai.

NEHEMIA 1:8

Ou Manetualain, mafandendelek O hala-kokolam fo O paleta Musa nafa'dan nae metema ami, fo hataholi Israe la, ta lilineka neu O fa soona, neukose O tao tapasasala ami nai leoina fe'ek-kala tala'da.

ESTER 3:8

Boema, Haman nafa'da manek-ka nae, “Ama Manek, hapu leoina matabeuk esa nai basa nusak ia propensin-nala. Ha'dan-nala fe'ek nanseli, no leoina fe'ek-kala. Ala ta tunga nusak-ka hoholo-lalanen-nala fa. Da'di, malole lenak, Ama Manek boso po'ilotak-kasa, fo ala tao tunga ka'da sila dale hihii-nanaun mesan-na.

MAZMUR 106:27

Neukose, Ana tu'u-tapa heni, sila tititi-nonosin leo leoina-la tala'da neu ma Ana tao tapasasalas, lai nusa dea-la.

MAZMUR 44:11

O po'ilotak ami malai neme ami musum-ma mai, de ala kalo leni ami hata-hetom-mala.

MAZMUR 44:12

O po'ilotak ami nanado'do-pauk sama leo bi'ilopo-a, ma O tao tapasasala ami leo leoina-la tala'da meu.

YESAYA 1:7

Emi nusam-ma, nanatao namopo-namatek so; emi kotam-mala, nanahotu henik. Hataholi nusa dea-la, ho'i-la emi daem-ma, de ala tao lakalulutuk la'iesak-kasa nai emi matam.

YESAYA 6:11

Boema au atane ae, “Manada'dik ia, ana da'di losa faihi'da Manetualain?” Boema nataa nae, “Losa kota-la da'di batu nananaunuk, fo ala da'di kota louk, hataholi ta leo uma-la so'on, ma dae-a da'di louk ma tokotik,

YEREMIA 13:24

Neukose Au tao tapasasala emi, sama leo anin-na fu dae sopuk-ka neme moo solokaek-kamai.

YEREMIA 15:4

Neukose Au tao basa leoina manai dabafak ia, ala mete seoona, langgenggengo ao. Au tao basa sila-la nanahu Manasye fo Hizkia ana manen-na tatao-nono'in nai Yerusalem, fo nai lelek ana da'di Yehuda manen-na.”

YEREMIA 31:10

Manetualain nafa'da n, “Mamanene leona hai leoina-la lemin! Manduku-malosak Au hala-haituang-nga lo tasi selik neu: neu Au anang-ngala fo Au tao tapasalak-kala neukose Au tao akabubuas ma Au akaboboi matalololes sama leo manafoo-a nanea bi'ilopon.

YEREMIA 4:7

Sama leo singa, ana kalua neme mamana keke'ken-na mai, leondiak boe, leoina fo manatao nakalulutuk-ka, ana la'o so ana mai, fo ana sanga tao namopo-namate Yehuda. Kota-kota manai Yehuda-la, neukose ala lakalulutuk da'di batu madodouk mamanak fo, hataholi ta leo fan.

YEREMIA 7:34

Neukose nusak ia, ana da'di moo tokotiik. Neukose Au tao amopo hala namahoko-seteleek, ma halak manai feta ka'bing-nga, nai kota-kota Yehuda, ma nai eno-enok manai Yerusalem-mala.

YEREMIA 8:3

Boema hataholi bei maso'dak neme leoina mangalauk ia, fo nanatao tapasasalak leo basa mamanak lala'en-na, neukose ala lahiik mate neme laso'da mai. Au, fo Manetualain nde manakokolak-ka.”

YEREMIA 9:16

Neukose, Au tao tapasasalas leo leoina fo ta lelak-kasa, tala'da leu, do sila bei-ba'i kain nala leu. Neukose Au adenu solda'du-la leu latee-latati loos nakandoo, losa Au tao amopo-amate la'iesak-kasa.”

RATAPAN 1:1

Besak ia, Yerusalem nee-nee lino-linok nanseli, kota fo makahulun-na henuk no makaseek nanseli. Makahulun-na nai leoina-la uluk, tehu besak ia, ana da'di sama leo inafalu so. Makahulun-na kota fo nanakoa-nanakiok nanseli, besak ia, ana da'di ata so.

RATAPAN 1:3

Laun Yehuda-la la'oela nusan-na, nanahu nanataok da'di ata de ana doi-doso nanseli. Besak ia, ala leo nai leoina-la tala'da ta lanuu mamanak fo fes mole-dame ma so'da-molek fa. Nai lelek ala doi-doso-a, musu nakahapi-nalas.

RATAPAN 4:15

Hataholi-la lafa'da lae, “La'o meme ia mai! Emi manggenggeok, de boso mafaloe ami!” Boema ala la'o, de laleu-lalaak leme leoina esa leo leoina esa leu, tehu ta hapu hataholi esa boen, fes loak fo leo lahele fa.

RATAPAN 4:16

Manetualain ta taoafik neu anan-nala so'on; Ndia nde tao tapasasalas-sala, ma Ana tao-na hataholi ta fe ha'da-holomata neu imam-mala so'on; basa mauli-malangan-nala, dale susue-lalai tak-kala.

YESKIAL 12:20

Kota-kota fo, besak ia henuk no laun-na, neukose nanatao nakalulutuk, ma tina-osin-nala, neukose ala da'di moo solokaek. Soona besak-ka ala bubuluk, lae Au nde Manetualain-na.”

YESKIAL 20:23

Nai moo solokaek ndia boe, Au soo ae neukose, Au tao tapasasalas leo basa daebafak-ka lala'en-na leu,

YESKIAL 22:15

Neukose, Au tao tapasasala o laum-mala, leo basa nusak-kala ma leoina-kala leu, ma neukose Au tao ate'e, o tatao-nono'i mangalaum ndia.

YESKIAL 5:2

Metema, musu-a hahae nakahapi-na kota ndia soona, o muse hotuheni langadook ndia, baba'ek esa nai kota ndia tala'daheon. Ho'i-ma o tafainam-ma, fo muse tete'te baba'ek esa okofefeok kota ndia. Ma o muse nggali baba'e mate'ek-ka leo lalai neu, fo Au usin nenik Au tafainang-nga.

HOSEA 9:6

Metema, soe-a losa, ma loo emi leo nusa fe'ek meu, soona ela emi see soona, neukose hataholi Masir-ra tao lakabubuas soaneu taolisas, fo latoi-latonos nai Memfis! Neukose na'u ma dila-nggauk moli ketu emi uma mamanam-mala, ma emi bua-lo'a lilofula kabelim-mala.

AMOS 9:4

Metema musu-a ho'u nalas soona, neukose Au fe paleta fo taolisas. Au daleng-nga natea basa soaneu tao amopo-amates, de ta hapu manatulu-fali, tulu-fali fas.”

ZAKHARIA 7:14

Au sapu balisis, sama leo ani-sangu-a, nalosa no nakasetik, leu leo nai nusa dea-la. Dae maisi-mamina ia, ana da'di nee-nee lino-linok, hataholin ta, ma na'u-aianan ta.”

LUKAS 21:24

Hapu nggelok neukose nanataonisak ninik tafaina, hapu nggelok neukose lon da'dileo hataholi nanahukuk leo hataholi nusa-namon. Hataholi fo ta nalelak Manetualai na, neukose ala heheta-aa'i Yerusalem losa basa faik fo Manetualain naketu basan soaneu sila.”

ULANGAN 4:27

Neukose Manetualain tao tapasasala emi nai leoina fe'ek-kala tala'da, de ela ka'da emi hataholim lumanak laso'da lahele.

YAKOBIS 1:1

Tolano-tolanoo Salanik fo mana makapepela manai daebafa ka lala'ena lemin! Nate'ak neme au, Yakobis fo Manetualain ma Lamatuak Yesus Kristu sata na.