IMAMAT 26:32 - Susula Malalaok Hehelu Palak Ma Hehelu Beuk

³² Neukose, Au tao amopo-amate emi nusam-ma, nalosa musu-musu fo langatuu-la emi nusam-ma, ala nggenge, nai lelek fo lita nakalulutuk ndia, ba'un-na seli.

IMAMAT 26:32 ပူးပေါင်းရင်းမြစ်များ

1RAJA-RAJA 9:8

Uma hule-haladoik ia neukose ana da'di ai-batu madodouk esa, nalosa hataholi manala'ok tunga ndia, neukose ala nggenge ma ala bii-lamata'u lanseli. Neukose lafa'da lae, ‘Taole'e de Manetualain tao leondiak soaneu nusak ma uma ia?’

YESAYA 24:1

Neukose Manetualain tao nakalulutuk daebafak-ka, nalosa ana da'di dae tuuk ma nee-nee lino-linok. Neukose nasafali poin-na, ma Ana tao tapasasala laun-na.

YESAYA 5:6

Neukose Au po'ilotak na'u-aiana moli lai dalek. Au ta ta'ti heni angol-la huun-na fa, ma neukose Au ta te'te na'un-na fa. Nakalenak, Au po'ilotak makatemak dila-nggauk ma na'u-la, moli lahenu dalek. Lena-lenak, Au kena-ka'i ko'a u'dak-kala, fo boso fen u'dan.”

YESAYA 5:9

Au amanene Manetualain Fo Manakoasa soo-supa nae, “Uma matuaina mana'ahiik ia-la, neukose basa-basas louk, nana hataholi ta leo nai dalek fa.

YESAYA 6:11

Boema au atane ae, “Manada'dik ia, ana da'di losa faihi'da Manetualain?” Boema nataa nae, “Losa kota-la da'di batu nananaunuk, fo ala da'di kota louk, hataholi ta leo uma-la so'on, ma dae-a da'di louk ma tokotik,

YESAYA 64:10

O kota malalao-malalafum-mala, lalupa moo solokaek, Yerusalem da'di moo tokotik fo nee-nee-lino-lino.

YEREMIA 12:11

Memak tete'ek-ka Au ita ala tao Au nusang-nga da'di mamanak nes nan seli. Basa-basan lala'en-na lalengulanga pikok, te ta hapu manatao falik fa.

YEREMIA 18:16

Nusak ia ala taon da'dik mamanak fo mangalau ina nan seli, ma ana da'di dede'a muu-dauk losa do doon-na. Basa mana la'ok tunga ndia neukose lakakale langa nau lame'da mangalauk-ka.

YEREMIA 19:8

Neukose Au tipas mamate-momopok-ka fo matuaina nanseli neu kota ia de nalosa basa hataholi manala'ok tunga ndia neukose ala nggenge ma langgenggengo ao.

YEREMIA 25:11

Basa nusak ia lala'en-na neukose Au po'ilotak-kana nakalulutuk ma ana da'di nenee-lino-linok. Leoina manai boboa-kaisun-nala neukose ala sene-do'ok neu manek Babel teuk hituhulu dodoon-na.

YEREMIA 25:18

Au fe Yerusalem no basa kota manai Yehuda-la, no manek-kala, ma mauli-malangan-nala linu angol ndia, de nalosa ala da'di sama leo mook-ka fo tokotik ma mangalaun-na seli. Losa faik ia sila na'den-na nanapakek da'di leo soo-supak.

YEREMIA 25:38

Sama leo singa kalua neme bolon dale mai, leondiak boe Manetualain kalua soaneu Ana huku anan-nala. Natee-natatik-ka ha'i-ha'i no Manetualain nasa-melun tao nasafali nusak ia da'di mok solokaek.

YEREMIA 33:10

Manetualain nafa'da nae, “Hataholi-la lafa'da lae, mamanak ia sama lao mook-solokaek-ka, de ta hapu hataholi do bana-manu leo lai ndia fa. Sila hala-kokolan-nala memak tete'ek-ka, nana Yehuda kotan-nala ma eno-enok manai Yerusalem louk-kala beno'u so; ta hapu bana-manu do hataholi leo lai ndia fa.

YEREMIA 44:2

Manetualain Fo Manakoasa, fo Israel Manetualain-na hala-haituan-na nde ia neu sila, “Emi sakasii matam susa-soe fo Au tuni-ndeni neu Yerusalem ma basa kota fe'ek manai Yehuda. De losa besak ia boe kota-kota sila bei nai nakalulutuk-ka dalek de ta hapu hataholi leo fan.

YEREMIA 44:22

Manetualainta nakatataak so'on Ana mete emi tunu-hotu tutunu-hohotukneu lamatua daebafak fe'ek-kala. Emi tatao-nono'im ndia mangalauk-ka ma sosoa-ndandaan ta. Emi masala-masingo basa neu Manetualain so, ma ta nau tunga neu paletan-nala fa. Hundia de besak ia emi nusa namom nakalulutuk so, de nalosa tapu leon fa, ma na'den-na nanapakek da'di leo soo-supak. Hataholi fo litan lame'da langgenggengo ao.”

YEREMIA 9:11

Manetualain nafa'da nae, “Neukose Au tao Yerusalem da'di ai-batu madodouk, fo ana da'di, busa fuik-kala mamana keke'ken. Kota-kota Yehuda-la, neukose ala da'di nee-nee lino-linok, mamanak fo, hataholi ta leon so'on.”

RATAPAN 4:12

Nai mane-manek-kala ma laun daebafak-ka dalek, esa boeo ta namahele nae musu nook-ka bisa masok tunga kota Yerusalem-ma lelesuinan-nala.

YESKIAL 5:15

Metema, Au amanasa o, ma Au huku o soona, basa leoina manai o boboa-kaisum-ma, lame'da bibii-namata'uk nanseli. Neukose, ala hakinonoli o, ma ala pela-malua mete o.

DANIAL 9:18

Mamanene ami leona, ou Manetualain, mete ami ma taoafik neu ami doidosom boema kota nalutuk fo loken nenik O na'dem-ma. Ami hule-haladoi neu O, ta hu kande ami tatao-nono'im malole neu O fa, tehu hu kande O henuk no susue-lalaik.

HABAKUK 3:17

Leomae ai kaak-ka boan ta ma ai angol-la boan ta, leomae ai saitun-na buna-boan ta, ma gandum-ma nai tina pi'da-nalak leomae mate la'iesak bi'ilopo-la ma bana-manu lalaen-nala louk,

LUKAS 21:20

Yesus kokolak nakandoo nae, “Metema emi mita solda'du la lapadei okofeo la Yerusalem soona, neukose emi bubuluk mae kota ndia ta doo ka so'on te neukose nanatao nakalulutuk.

ULANGAN 28:37

Nai nusa-nusak fo nai bee, Manetualain tao tapasasala emi-a, neni bibii-namata'uk nanseli fe hataholi manamete emi-a; neukose ala hakinonoli ma ala hika emi.