IMAMAT 26:26 - Susula Malalaok Hehelu Palak Ma Hehelu Beuk

²⁶ Neukose, emi nana'am-ma basan, nalosa inak sanahulu, ala paluu ka'da mamana tutunu loti esa, soaneu tunu sila lotin-na. Neukose, emi mi'a basa nana'ak ndia so, tehu emi bei mame'da mamala'a boe.

IMAMAT 26:26 ပူးပေါင်းရင်းမြစ်များ

2RAJA-RAJA 6:25

de neninin-na, la'a-ndoes matuaina, da'di nai kota dale, nalosa keledei langak esa soona, belin-na doi fulak 80, ma manupui kalua teik, ons 2, fo belin-na doi fulak 5.

MAZMUR 105:16

Manetualain fe la'a-ndoes-sa, nai nusak ndia, ma Ana ho'i-na basa nana'ak nanasadiak-kala.

YESAYA 3:1

Te'e-te'e Manetualain Fo Manakoasa, neukose Ana ho'i-na basa nana'a-nininuk nanasadiak manai Yerusalem ma Yehuda lala'en-na. Boeo sila lamahena neu basa hataholi-la fo nde:

YESAYA 5:10

Neukose dae-a, ta fe buna-boak fa, osi angol fo loloan-na hektar 10 soona, buna-boan ka'da angol oek litel sanahulu. Bini-ngges litel natun esa soona, buna-boan ka'da gandum litel sanahulu.”

YESAYA 9:19

Nai nusak ndia lala'en-na, hataholi-la laseti-lalaka nana'a-nininuk, ma la'a su'di beek fo bisa la'an, tehu ta lakabete fa. Nakalenak, la'a seluk nonoon-nala!

YESAYA 9:20

Hataholi Manasye-la ma hataholi Efraim-mala, esa sapu-na esa, boema ala sama-sama la'ban Yehuda. Tehu Manetualain bei namanasa, de Ana huku nahele.

YEREMIA 14:12

Leomae ala oka aon-nala boeo, Au ta nau taoafik neu sila nalolou fo loke tutulu-fafalik fa; ma leomae ala fe Au tunu-hotu nanatunuk ma tunu-hotu gandum, boeo neukose Au ta amahoko neu hataholi sila-la fa. Nasafalin-na neukose Au tao amate-amopos nenik natee-natatik, la'a-ndoes ma he'di-laus.”

YESKIAL 14:13

metema nusak esa nasala-nasingo, ma ta lilineka neu Au fa soona, neukose Au huku nusak ndia. Neukose, Au tao akalulutuk mamana pepe'da nana'an-nala, ma Au fe soe la'a-ndoes-sa mai, ma Au taoisa, nau hataholi do bana-manu boe.

YESKIAL 4:10

O muse ba'e tao loti ndia tao leo beek, fo faik esa soona, o mu'a ka'da gram natun dua teluhulu. Ta bole lenak neme ndia mai fa.

YESKIAL 4:16

Basa boema, nafa'da seluk nae, “Hai, hataholi daebafak fo, manasapu-manalalok-konei, neukose Au tao akalulutuk, mamana pepe'da nana'ak manai Yerusalem-ma. Neukose ala uku sila nana'an-na, ma sila oe nininun-na, fo la'a-linu no dalen-nala ta tesa-tama fa.

YESKIAL 4:17

Neukose ketu namahehenan-nala, nanahu basa lotin-nala, ma basa oe nininun-nala, de mate'en-na mates, hu kande sala-singon-nala.”

YESKIAL 5:16

Neukose, Au tao akalulutuk o mamana pepe'da nana'am-ma, ma Au po'ilotak o laum-ma, lamala'a-lamandoe. Neukose, ala la'ola'di la'a-ndoes, makee-makahe'dun, sama leo kokouisi matane, fo ana tola o, ma ana tao namate-namopo o.

HOSEA 4:10

Neukose, emi mi'a neme tutunu-hohotuk fo nanatunu-hotuk-ka mai, tehu neukose emi mamala'a mahele. Neukose emi sene-do'ok neu lamatua daebafak, fo ala lamaheles fe bubu'u-palusa lalole, tehu emi laum-ma ta namade'u fa, nana emi la'oela Au so, de emi meu sene-do'ok neu lamatua daebafak fe'ek-kala.”

IMAMAT 26:27

Metema, emi la'ola'di basa huhukuk sila-la, te emi bei lena-la'ban mahele Au boe, fo ta nau tunga neu Au fa,

MIKHA 6:14

Neukose emi mi'a-minu, tehu emi ta makabete fa, te emi boetai mamala'a mahele. Neukose emi so'u bua-lo'as, tehu emi ta hapu manea mala fas. Emi manea mala su'di beek-ka boeo, neukose Au tao akalulutuk-kasa nai natee-natatik dale.

HAGAI 1:6

Emi sele-nggali basa bini ngges makadotok so, tehu emi ketu-kolu faanak. Emi manana'ak de emi mi'a, tehu emi ta makabete fa. Emi manuu angol de emi minu, tehu emi dalem-ma, ta namahoko fa. Emi manuu bua papakek, tehu ta dai, soaneu tao nato'bi emi aoinam-ma fa. Ma kuli-la sipo ngga'di-a, ta dai soaneu tao natetu so'dan-nala fa.